ڈھاکا (جیوڈیسک) بنگلادیش میں مسافر کشتی ماہی گیروں کے ٹرالر سے ٹکرا گئی جس سے کم از کم نوے افراد ڈوب کر ہلاک ہو گئے۔
مرنے والوں میں بڑی تعداد خواتین اور بچوں کی تھی، ساٹھ افراد کو بچا لیا گیا۔ حادثہ دریائے پدما میں پیش آیا۔ مسافر کشتی میں عملے کے علاوہ ایک سو پچاس مسافر سوار تھے، پولیس حکام کے مطابق سینتیس لاشیں کشتی سے ملیں جبکہ تریپن لاشیں دریاسے نکالی گئیں۔
حادثے کے بعد خواتین اور بچوں سمیت ساٹھ افراد بچالیا گیا ہے۔ پولیس نے ٹرالر کو قبضے میں لے کر اس کے کپتان اور عملے کے دو ارکان کو گرفتار کر لیا ہے، جبکہ حادثے کی تحقیقات شروع کر دی گئی ہے۔
اس سے قبل تیرہ فروری کو جنوبی بنگلادیش میں اسی طرح کے ایک حادثے میں سات افراد ہلاک ہو گئے تھے۔
کابل میں ایرانی سفارتخانے کے قریب خودکش حملہ، ایک شخص ہلاک
امریکی کانگریس کا شکیل آفریدی کی رہائی کا مطالبہ، پاکستانی امداد پر پابندی کیلئے دبائو
