کراچی (جیوڈیسک) بلدیہ اتحاد ٹاون میں پولیس نے خفیہ اطلاع پر ایک مکان سے 30 کلو گرام بارودی مواد برآمد کر لیا۔ ایس ایس پی انوسٹی گیشن ویسٹ لطیف صدیقی کا کہنا ہے کہ کاروائی کے دوران کوئی گرفتاری عمل میں نہیں آئی۔
گلشن اقبال میں مسلح ڈاکوؤں نے ایک گھر میں گھسنے کی کوشش کی۔ ڈاکو کی اطلاع پر پولیس موقع پر پہنچی تو مقابلے کے دوران ایک ڈاکو مارا گیا۔ دوسری جانب لیاری کے علاقے بغدادی میں بھی مقابلے کے دوران ایک ڈاکو ہلاک ہو گیا۔
مومن آباد میں پولیس کی فائرنگ سے ایک منشیات فروش مارا گیا۔ لانڈھی لیبر اسکوائر اور سہراب گوٹھ میں رینجرز نے چھاپوں میں تین اغوا کاروں سمیت 6 ملزموں کو گرفتار کر لیا۔ لیاری کے علاقے کلری میںِ پولیس مقابلے ایک ملزم کو زخمی حالت میں گرفتار کر لیا گیا۔
زیارت، قلات اور کوئٹہ میں شدید سردی، درجہ حرارت نقطہ انجماد سے گر گیا
فیصل آباد: ٹریفک وارڈن نے رکشا ڈرائیور کا سر پھاڑ دیا
