لاہور (جیوڈیسک) چیف جسٹس ناصر الملک کی سربراہی میں جوڈیشل کمیشن کا اجلاس سپریم کورٹ بلڈنگ اسلام آباد میں ہوا۔ اجلاس میں پشاور ہائیکورٹ کے دو ایڈیشنل ججز داؤد خان اور افسر خان کو مستقل کرنے کی منظوری دی گئی۔
لاہور ہائیکورٹ کے بھی چودہ میں سے چار ججز کو مستقل کرنے کی منظوری دے دی گئی۔ مستقلی پانے والوں میں جسٹس اطہر محمود، جسٹس شاہد بلال، جسٹس عابد عزیز اور جسٹس عالیہ نیلم شامل ہیں۔
جوڈیشل کمیشن نے لاہور ہائیکورٹ کے چھ ایڈیشنل ججز جیمز جوزف، ظفر اللہ خاکوانی، شمس مرزا، شہباز رضوی، شاہد جمال اور فیصل زمان خان کی مدت ملازمت میں ایک سال کی توسیع دے دی۔
جنوبی افریقہ کی آوٹ کلاس کارکردگی، ویسٹ انڈیز کو 257 رنز سے شکست
آزاد کشمیر کے نکیال سیکٹر پر بھارتی فائرنگ سے لڑکی زخمی
