گوجرانوالہ (جی پی آئی) مسلم لیگ ن کے سینئر راہنما و سابق وفاقی وزیر غلام دستگیر خان نے کہا ہے کہ سینیٹ انتخابات میں مسلم لیگ ن کی مثالی کامیابی اللہ کی خاص رحمت اور میاں نواز شریف کی باکردار اور متحرک قیادت کی بدولت ممکن ہوئی، مجموعی طور پرصاف و شفاف سینیٹ انتخابات کا انعقاد جمہوری قوتوں کی فتح ہے، چیئرمین و ڈپٹی چیئرمین سینیٹ کے لئے بھی مسلم لیگ ن کے امیدوار ہی کا میاب ہوں گے ، ان خیالات کا اظہار انہوںنے اپنی رہائش پر چیئرمین سپر ایشیاء انڈسٹریز حاجی یوسف مغل،عثمان مغل و دیگر سے ملاقات میں گفتگو کرتے ہوئے کیا،انہوں نے کہا کہ سینیٹ الیکشن میںبے مثال کامیابی پرمسلم لیگ ن کے امیدواران اور خصوصاََ ممبران قومی وصوبائی اسمبلی مبارکباد کے مستحق ہیں جنہوں نے ووٹ کے تقدس کو پامال نہیںہونے دیااور پارٹی امیدواروں کی کامیابی کے لئے اپنے ووٹ کا پوری دیانتداری اور وفاداری کے ساتھ استعمال کیا،انہوں نے کہا کہ پیپلز پارٹی اگر بروقت مسلم لیگ ن کا ساتھ دینے کا فیصلہ کر لیتی تو بعض جماعتوں کو ہارس ٹریڈنگ کا واویلا کرنے کا موقع نہ ملتا،فاٹا کے لئے صدارتی حکم بعض قباحتوں سے بچنے کے لئے جاری کیا گیا لیکن اس سے کسی رکن کا استحقاق مجروح نہیں ہوتا اورہر رکن کے پاس اسکے ایک ووٹ کی طاقت موجود ہے ،انہوںنے کہا تحریک انصاف کے قائد ملک میںہر وقت بحران پیدا کرنیکی کوشش میں رہتے ہیں انہیں چاہئے کہ اب وہ سیاسی بلوغت اور سنجیدگی کا مظاہرہ کریں اور ہر کام میں حکومت کی ٹانگیں کھینچنے کا رویہ تبدیل کریں، الیکٹرانک میڈیا کوبھی ملک میں جمہوری نظام کے تسلسل اور مضبوطی کے لئے ہیجان انگیزی اور سراسیمگی پھیلانے سے گریز کرنا چاہئے،انہوں نے مزید کہا کہ وزیر اعظم کے دورہ ء سعودی عرب پر تنقید کرنے والوں کو پاک سعودیہ تعلقات کی نوعیت اور اہمیت کو مدنظر رکھ کر بات کر نی چاہئے،سعودی عرب کے ساتھ پاکستان کا جذباتی رشتہ ہے اورسعودی حکومت نے بھی ہمیشہ پاکستان کے ایک سچے اور مخلص دوست ہونے کا ثبوت دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پریس کلب کیخلاف ہونیوالی ہر سازش کو ناکام بنا دینگے’ سیٹھ عمران بشیر گوجرانوالہ(جی پی آئی)پریس کلب کیخلاف ہونیوالی ہر سازش کو ناکام بنا دینگے’ نام نہاد اور بلیک میلروں کا صفایا کر کے صاف اور شفاف صحافت کو فروغ دیا جائیگا’پریس کلب کیخلاف ہونیوالی ہر سازش کو ناکام بنا دینگے’ نام نہاد اور بلیک میلروں کا صفایا کر کے صاف اور شفاف صحافت کو فروغ دیا جائیگا’گزشتہ روز پریس کلب قلعہ دیدار سنگھ کے نو منتخب عہدیداران کا ایک اجلاس منعقد ہوا ‘جس میں چیئر مین پریس کلب سیٹھ عمران بشیر اور تمام عہدیداران نے عزم کیا کے ہم اپنے ادارہ پریس کلب کے خلاف ہونے والی ہر سازش کو ناکام بنا دیں گے پریس کلب کی آڑ میں بلیک میلنگ کرنے والوں سے قانونی طریقہ سے نمٹا جائیگااور ادارہ کی بحالی کیلئے ہر طرح کی کوشش کی جائیگا’اجلاس میںسرپرست اعلی غضنفر علی تارڑ، جنرل سیکرٹری رانا عرفان،سینئر وائس چیئرمین ابوبکر ملہی، چیئرمین سکروٹنی رانا عابد مصور خاں، چیئرمین سپریم کونسل شہزاد احمد بھٹی،حافظ محمد امین ‘عمر شہزاد بوبی،فیصل محمود چدھڑ،وسیم سرور چغتائی،شوکت علی تارڑ،محسن منظور بٹ،رانا مقصود احمد،رضوان اللہ گجر،اویس گجر،سفیان گجر،عبدالرحمن جامی،زاہدا حمد مہر،شہزاد پرنس، سرفراز رضا،فرجاد خاور ملک، عمر قیصرملک ،عطاء الرحمٰن،تنویر گجرسمیت صحافیوں کی کثیر تعداد نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گوجرانوالہ(جی پی آئی)قلعہ دیدارسنگھ میں ناجائز تجاوزات کی بھرمار’ طلباء اور راہگیروں کا گزرنا محال ہوگیا۔ناجائز تجاوزات کا خاتمہ کیا جائے ۔مکینوں کا کمشنر ڈویژن گوجرنوالہ اور ڈی سی او گوجرانوالہ نوٹس لینے کا مطالبہ’ قلعہ دیدارسنگھ کا ایک ہی مین بازار ہے وہاں گلہ تھانے والا،گلہ آرائیاں والا ، لاری اڈاہ، بوتالہ روڈ ،اشرف ٹائون ، گلہ مسجد مرکزی اور خاص طور پر گلہ گھر جا گھر والا اور ملحقہ گلیوں میں ناجائز بنچ اور بڑے بڑے کھوکھے لگے ہوئے ہیں خواتین اور بچوں کا گزرنا تک محال ہوگیا۔دوسری طرف دکانداروں نے اپنی دکانوں کے سامنے تھڑے بنا رکھے ہیں اور سامان رکھا ہوا۔ جو آمدورفت میں رکاوٹ کا باعث بنتا ہے۔مقامی تنظیموں نے تجاوازات کے خاتمے کافی الفور مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ معاشرتی امن کے لئے دنیا کو بالآخر اسلام ہی کے دامن میں آنا ہوگا’میاں سلیم شاہد گوجرانوالہ(جی پی آئی)مرکزی جمعیت اہلحدیث پنجاب کے نائب امیر میاں محمد سلیم شاہد نے کہا ہے کہ دنیا میں پائی جانی معاشرتی بد امنی،سیاسی عدم استحکام اور خانگی و ذاتی بے چینی کا تدارک صرف اور صرف اسلام ہی میں ہے۔اسلام ایک کامل اور مکمل دستور حیات ہے، اسلام کے احکامات سے اعراض کر رکے کوئی معاشرہ بھی کامیاب نہیں ہو سکتا، ان خیالات کااظہار انہوں نے جامع مسجد حسن بن علی میں خطبہ جمعہ کے اجتماع سے خطاب کرتے ہوئے کیا۔میاں محمد سلیم شاہد نے کہا کہ دنیا کے کسی بھی معاشرے میں اگر کوئی اچھا قانون،یا رواج اور رویہ موجود ہے اس کے تانے بانے بالآخر اسلام ہی سے آکر ملیں گے۔ کیونکہ اسلام دین فطرت ہے۔ انہوں نے کہا کہ دنیا کا کوئی مذہب اسلام کا مقابلہ نہیں کر سکتا، دہشت گردی کے خاتمے اور سماجی مساوات کے لئے دنیا کو اسلام کے دامن میں آنا ہی ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مسلمان سیرت النبی کے پیغام کو عام کریں’مولانااعظم بھٹوی گوجرانوالہ(جی پی آئی)مرکزی جمعیت اہلحدیث سٹی کے راہ نما مولانا محمد اعظم طارق بھٹوی نے کہا ہے کہ ناموس رسالت کا تحفظ ہمارا دینی فریضہ اور ہمارے ایمان کا تقاضا ہے۔اور مغرب کے چند بیمار ذہن کے لوگ مسلمانوں کے جذبات کو ٹیسٹ کرتے ہیں اور ہر بار انہیں اس بات پر حیرانگی ہوتی ہے کہ ہر گزرتے دن مسلمانوں کے دلوں میں حب رسول کا جذبہ اور بڑھ جاتا ہے، ان کی تمام سازشیں ناکام ہو جاتی ہیں۔ ان خیالات کا اظہا ر انہوں نے جامع مسجد نصرت اہلحدیث محلہ گلستان کالونی میں خطبہ جمعہ کے اجتما ع سے خطاب کرتے ہوئے کیا۔ انہوں نے کہا کہ تمام مسلمانوں کو چاہئے کہ وہ گفتار سے آگے بڑھ کر اب اپنے عمل اور کردار سے بھی سیرت النبی کے پیغام کو عام کریں۔
گجرات کی خبریں 7/3/2015
لاہور کی خبریں 7/3/2015
