پیرمحل (میاں اسد حفیظ سے) دوبکریاں چوری کرنے والے دو افراد کے خلاف مقدمہ درج تفصیل کے مطابق نواحی گائوں 666/7 گ ب خالد محمود کی دو عد د بکریاں مالیت 25 ہزار روپے عباس اور بدر حسین نے احاطہ مویشاں سے چوری کرکے لے گئے تھے متاثر ہ شخص کی تحریری درخواست پر تھانہ پیرمحل پولیس نے مقدمہ درج کرکے کاروائی شروع کردی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) بھینسیں چوری کرنے والے نامعلوم چوروں کے خلاف مقدمہ درج تفصیل کے مطابق نواحی موضع کمے شاہ سی پلاٹ کے رہائشی محمد سعید ولد رشید کے احاطہ مال مویشی سے نامعلوم چوروں دو عدد بھینسیں مالیت تین لاکھ روپے چور ی کرکے لے گئے متاثر ہ شخص کی تحریری درخواست پر تھانہ پیرمحل پولیس نے مقدمہ درج کرکے کاروائی شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (میاں اسد حفیظ سے) پر اسرار طور پر ہلاک ہو نے والی لڑکی کی نماز جنارہ ادا کرتے وقت پیرمحل پولیس موقع پر پہنچ گئی نماز جنازہ رکوا کر نعش تحویل میں لے لی تفصیل کے مطابق نواحی گائوں 663/4گ ب کے رہائشی عبدالروف گجر کی جوان سالہ بیٹی مسماة(ک) جو کہ گزشتہ رات پر اسرار طور پر گھر ہی میں ہلاک ہو گئی تھی،نمازجنارہ ادا کرنے کی تیاری کی جارہی تھی کہ پیرمحل پولیس موقع پر پہنچ کرنماز جنازہ کورکوا دیااور نعش کو قبضہ میں لے لیا پولیس کے مطابق کہ ہمیں مذکورہ گائوں سے اطلاع ملی تھی کہ لڑکی کو قتل کیا گیا ہے لہذا ہم نے نعش تحویل لے کر پوسٹ مارٹم کے لئے سول ہسپتال منتقل کردیا ہے۔پولیس نے اپنی مدعیات میں لڑکی کے والد کے خلاف مقدمہ درج کرکے کاروائی شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل شہر اور گرد و نواح میں رات سے بارش کا سلسلہ جاری ہے۔ ژالہ باری سے سردی کی شدت میں اضافہ ہوگیا تفصیل کے مطابق پیرمحل شہر اور گرد و نواح میں گزشتہ رات سے جاری بارش کا سلسلہ تاحال جاری ہے۔گہرے سرمئی بادل چھائے ہوئے ہیں جو دل کش نظارہ پیش کررہے ہیں۔ بارش کے ساتھ ژالہ باری بھی ہو ئی ہے ، ژالہ باری سے فصلوں کو نقصانات کی اطلاع بھی موصول ہو ئی ہیںبارش کی وجہ سے کاروباری مراکز تاحال بند ہیں اور لوگ گھروں میں ہی بارش سے لطف اندوز ہو رہے ہیں۔ بارش کے باعث گلیاں اور بازار کیچڑ سے بھر گئے ہیں جس سے کاروبار زندگی معطل ہوکر رہ گیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پاکستان مسلم لیگ(ن) پیرمحل سٹی کا اہم اجلاس زیر صدرات محمد صدیق پیارا سابقہ تحصیل نائب ناظم منعقد ہوا۔ اجلاس میں محمد صدیق پیارا نے خطاب کرتے ہوئے کہاکہ تحصیل پیرمحل کی عوام باشعور ہو چکی ہے ، عوام اچھی تر جانتے ہیں کہ ق لیگ کے سابقہ ایم این اے کے دس سالہ دور میں لوٹ کھسوٹ کی وجہ سے تحصیل پیرمحل کی عوام نے سابقہ گورنر پنجاب چوہدری سرور کے استقبالہ پروگرام سے مکمل لاتعلقی کا اظہار کرتے ہوئے شرکت نہ کرکے ثابت کردیا ہے کہ عوام ابن الوقت سیاست دانوں کو مسترد کرچکے ہیں،آئندہ ان کے لئے علاقہ کی سیاست میں کوئی جگہ نہیں ہے، سابقہ گورنر کی جانب سے فائونڈیشن ہسپتال او رسکول میں جس طرح عوام کے ساتھ لوٹ کھسوٹ کی جاتی ہے ،اس سے علاقہ کے لوگ اچھی طرح واقف ہیں،اور عوام اس لیے ان کومسترد کرچکے ہیں۔ پندرہ یوم کی منت سماجت کے باوجود سابقہ گورنر چوہدری سرور کے استقبال کے لئے پانچ سو افراد جمع نہ کرسکے۔ علاقہ کے عوام نے تحریک انصاف کے پروگرام سے لاتعلق رہ کر ثابت کردیا کہ وہ صرف اور صرف علاقہ کی ترقی و خوشحالی کے لئے چوہدری اسد الرحمن اور مسلم لیگ(ن) کے ساتھ ہیںیہی پارٹی علاقہ کی ترقی وخوشحالی کی ضامن ہے جنرل سیکرٹری اسرار احمد پھلوری نے کہاکہ سینیٹ الیکشن میں مسلم لیگ(ن) کے اراکین کا بھاری اکثریت سے جیتنا میاں محمد نواز شریف کی قیادت پر اعتماد کا مظہرہے انشاء اللہ اگلا چئیرمین سینیٹ بھی پاکستان مسلم لیگ(ن) کا ہوگا نومنتخب سینیٹروں کو مبارکباد پیش کرتے ہیں، اس موقع پر ، مشتاق احمد سعیدی، حاجی محمد جمیل، شاہ علی نمبردار، محمد شفیق، سمیت دیگرعہدیداروں کا کارکنوں نے بھرپور شرکت کی۔
میونسپل کمیٹی کے کسی چیئرمین کو سبی میلہ میں شیلڈ ملی یہ میرے لیے اعزاز کی بات ہے: محمد دائود
غازی ممتاز قادری کے خلاف دیا جانے والا فیصلہ ملک کی تاریخ کا بدترین فیصلہ ہے، مستقیم نورانی
