نیو یارک (جیوڈیسک) امریکی شہر نیو یارک میں اچانک ایک گھر میں آگ بھڑک اٹھی جس کے نتیجے میں 7 بچے ہلاک ہو گئے۔
نیویارک کے علاقے بروکلن کے ایک گھر میں رات کے قت اچانک آگ لگ گئی جس نے دیکھتے ہی دیکھتے پورے گھر کو اپنی لپیٹ میں لے لیا۔ پولیس کے مطابق آگ کی زد میں آکر 7 بچے ہلاک ہوگئے جن کی عمریں 5 سال سے 14 سال تک ہیں جب کہ بچوں کے ایک ہی خاندان سے تعلق کو بھی خارج از امکان نہیں کیا جا سکتا۔
پولیس کے مطابق آتشزدگی کے اس واقعے میں 2 خواتین زخمی ہوگئیں جو اسپتال میں زیر علاج ہے جب کہ آگ لگنے کی کوئی وجہ سامنے نہیں آسکی تاہم اس کی تحقیقات جاری ہیں۔
دوسری جانب فائر فائٹرز ڈیپارٹمنٹ کے ترجمان کا کہنا تھا کہ آگ لگنے کی اطلاع ملتے ہی 100 فائر فائٹرز کو جائے حادثہ کی جانب روانہ کردیا گیا تھا جنہوں نے فوری طور پر آگ پر قابو پایا تاہم اس دوران 5 بچے فوری طور پر ہلاک ہو چکے تھے جب کہ 2 بچوں نے اسپتال میں دم توڑا۔
صولت مرزا کے ذریعے جھوٹے الزامات لگوا کر متحدہ کا امیج خراب کیا گیا۔ الطاف حسین
افغانستان میں قیام امن کیلئے پاکستان اہم پارٹنر ہے: افغان صدر اشرف غنی
