گجرات (جیوڈیسک) پولیس نے 7 سالہ بچے ’’سمیر بٹ‘‘ پر 30 سالہ شخص کے اغوا کرنے کا مقدمہ درج کیا ہے۔
گجرات کے تھانہ سول لائنز میں 30 سالہ عامر اقبال نامی شخص کی مدعیت میں درج کرائے گئے مقدمے میں موقف اختیار کیا گیا ہے کہ 7 سالہ سمیر بٹ نے معمولی تلخ کلامی کے بعد اسے اغوا کرنے کے بعد اسلحے کے زور پر اس سے موبائل فون اور نقدی چھین لی۔
پولیس نے سمیر بٹ پر دفعہ 365 کے تحت اغوا ور اسلحے کے زور پر لوٹ مار کا مقدمہ درج کرلیا۔
پولیس کی جانب سے چھاپوں کے بعد سمیر کے والدین نے اسے عدالت کے روبرو پیش کر دیا ہے جس پر عدالت نے متعلقہ تھانے کے ایس ایچ او اور تفتیشی افسر کو طلب کر لیا۔
واضح رہے کہ چند ماہ قبل گجرات میں ہی پولیس نے 3 سالہ بچے پر وال چاکنگ کے الزام میں مقدمہ درج کیا تھا۔
کراچی میں آپریشن کا سہرا مسلم لیگ ن کے سر جاتا ہے، وزیراعظم نواز شریف
لاہور میں مکان کی چھت گرنے سے باپ اور 2 بیٹیاں جاں بحق
