اسلام آباد : مجلس وحدت مسلمین پاکستان کے سیاسی سیل مرکزی سیکرٹری سیاسیات سید ناصر شیرازی کے زیر صدارت کا مشاورتی اجلاس، کنٹونمنٹ بورڈ کے انتخابات میں بھر پور کردارادا کرنے کا اعلان، تمام ڈسٹرکٹ سیکرٹر ی سیاسیات سے کنٹونمنٹ ایریاز کی تفصیلات طلب ،اتحادی جماعتوں سے بھی مشاورت کا فیصلہ، اجلاس میںگلگت بلتستان میں امیدواروں کے درخواستوں پر غور،4 اپریل کومرکزی کنونشن کے بعد گلگت بلتستان میں باصلاحیت ،محب وطن،بے داغ ماضی اور تعلیم یافتہ امیدواروں میں ٹکٹ تقسیم کرنے کا اعلان،گلگت بلتستان میں مجلس وحدت مسلمین 15 حلقوں سے الیکشن میں حصہ لے گی۔
اجلاس میں سنی اتحاد کونسل کے رہنماوں کے خلاف پنجاب حکومت کی انتقامی کاروائی کی مذمت،سنی اتحاد کونسل کے گرفتار کارکنان کی رہائی کا مطالبہ ،اجلاس سے خطاب کرتے ہوئے سید ناصر شیرازی کا کہنا تھا کہ دہشت گرد مخالف قوتوں کے خلاف کاروائی دراصل آپریشن ضرب عضب کو متاثر کرنے کی سازش ہے،پنجاب حکومت دہشت گردوں کے سرپرستوں کی خوشنودی کے لئے اوچھے ہتھکنڈے استعمال کر رہی ہے،ان کے صوبائی وزیر نہ صرف کالعدم دہشت گردوں کے ترجمان ہے بلکہ سانحہ ماڈل ٹاوُن کے ماسٹر مائنڈ بھی ہے،ہم اس مشکل وقت میں سنی اتحاد کونسل کے کارکنان اور ان کے قائد صاحبزادہ حامد رضا کے ساتھ ہیں،ملک دشمن عناصر کے سازشوں کو انشااللہ ہم وحدت و اتحاد سے ناکام بنائیں گے۔
ایف بی آر مخصوص ریٹیلرز کے خلاف پالیسی بدلنے پر مجبور
الطاف حسین سے متعلق کوئی دستاویز برطانوی حکومت کے حوالے نہیں کی، چوہدری نثار
