کھاریاں (جی پی آئی) ممبر صوبائی اسمبلی حلقہPP115چوہدری شبیر احمد کوٹلہ کی گذشتہ روز اسٹیشن کمانڈر کھاریاں بریگیڈئیر صادق راہی سے ملاقات،اس موقع پر سی ای او کنٹونمنٹ بورڈ عمران خان،ACکھاریاں افشاں رباب،حاجی خان اسلم،احسان ڈار اور دیگرموجودتھے۔اس موقع پر چوہدری شبیر کوٹلہ نے کہا کہ صوبائی حکومت کنٹونمنٹ بورڈ کھاریاں کے علاقوں میں ترقیاتی کاموں کے لئے فنڈز فراہم کرئے گی اور لوگوں کو سہولیات فراہم کریگی،اس موقع پر بریگیڈئیر صادق راہی نے کہا کہ اگر کنٹونمنٹ بورڈ اور عوامی نمائندے ملکر کام کریں تو عوام کوسہولیات ملیں گی یہ ایک خوش آئند بات ہے۔کنٹونمنٹ بورڈ کے علاقوں میں پہلے ہی فنڈز لگائے جارہے ہیں اور ترقیاتی کام بھی جاری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)مسلم لیگ ن کی حکومت فوج کو تمام وسائل فراہم کررہی ہے ملکی دفاع کیلئے کوئی کسر باقی نہیں چھوڑی جائیگی23مارچ یوم پاکستان کی پریڈ کے دوران دفاعی سازہ سامان کی نمائش سے دشمن کی نیندیں حرام ہوچکی ہیں ہم میاں نواز شریف کو سلام پیش کرتے ہیںفوج کے شانہ بشانہ ہیں اور رہیں گے ان خیالات کا اظہار سینئرنائب صدر مسلم لیگ ن یوتھ ونگ محمدناصر ایوب سیٹھ نے میڈیا سے بات چیت کرتے ہوئے کیا انہوں نے کہا کہ مسلم لیگ ن نے ملک بنایا ،مسلم لیگ نے ایٹمی دھماکے کیے اور مسلم لیگ ن ہی ملک کو ناقابل تسخیر بنائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)امیدوار چیئرمین یوسی باہروالPTI چوہدری نواز چیچی بیگہ نے کہا کہ حکومت کو سپریم کورٹ کے احکامات مانتے ہوئے بلدیاتی انتخابات کرانا ہونگے تاکہ بلدیاتی نمائندے عوام کے مسائل ان کی دہلیز پر حل کر سکیں، تحریک انصاف نے ہمیشہ اختیارات کے نچلی سطح تک منتقلی پر زور دیا ہے۔ جوڈیشل کمیشن سے دھاندلی کا دروازہ بند ہوگا، جب تک شفاف انتخابات نہیں ہونگے نہ قوم کو اچھی حکمرانی ملے گی نہ ملک ترقی کر سکے گا۔انہوں نے کہاکہ اگر پارلیمنٹ صحیح معنوں میں آئین اور قانون کے مطابق اپنے اختیارات کو استعمال کرتی اور عوام کی نمائندگی کا حق ادا کرتی تو پوری پاکستانی قوم کا پارلیمنٹ پر اعتماد ہوتا لیکن اس کے بر عکس ہمیشہ دھاندلیوں اور کام چلائو پالیسیوں کی وجہ سے کوئی سود مند نتائج برآمد نہ ہو سکے اور پاکستانی عوام کے مسائل جو ں کے توں ہی رہے انہوں نے مزید کہاکہ اگر اگست 2014میں حکومت تحریک انصاف کے مطالبے پر عمل کرتے ہوئے جو ڈیشل کمیشن کا قیام عمل میں لے آتی تو آج ملک کے اتنے ابتر حالات نہ ہوتے اور پارلیمنٹ پر عوام کے اعتماد میں اضافہ ہوتا۔
گجرات کی خبریں 25/3/2015
وزیرآباد کی خبریں 25/3/2015
