اسلام آباد/ لاہور/ کوئٹہ (جیوڈیسک) محکمہ موسمیات نے ایک بار پھر رواں ہفتے کے آخر میں مزید بارشوں کی نوید سنا دی ہے ، کہتے ہیں ملک کے بالائی علاقوں میں آئندہ ہفتے بھی بادل چھما چھم برسیں گے جبکہ اکثر حصوں میں موسم خشک رہے گا۔
موسم کا حال بتانے والوں نے بارشوں کے نئے سلسلے کی نوید سناتے ہوئے کہا ہے کہ ہفتہ اور اتوار کے روز اسلام آباد ، بالائی پنجاب ، خیبر پختونخوا، فاٹا، شمالی بلوچستان ، کشمیر سمیت گلگت بلتستان میں کہیں کہیں گرج چمک اور تیز ہواؤں کے ساتھ بادل برسیں گے۔
ملک کے بیشتر علاقوں میں موسم خشک رہے گا جبکہ سندھ ، جنوبی پنجاب اور جنوبی بلوچستان کے علاقے گرمی کی لپیٹ میں رہیں گے۔ لاہور کے مختلف علاقوں میں آج سورج چمکنے سے درجہ حرارت بتدریج بڑھنے کا امکان ہے تاہم رات کے اوقات میں تیز ہوا چلنے سے موسم خوشگوار ہو سکتا ہے ، ملتان شہر اور گرد و نواح میں آئندہ چوبیس گھنٹوں کے دوران موسم خشک رہے گا۔
منی لانڈرنگ ، ایان علی کو جیل میں بی کلاس دینے سماعت بغیر کارروائی ملتوی
کراچی میں ٹارگٹ کلنگ 60 فیصد تک کم ہوگئی ہے، قائم علی شاہ
