لاہور (جیوڈیسک) انٹرنیشنل کرکٹ میں بولنگ پابندی کا شکار محمد حفیظ اور جویریہ ودود پندرہ ڈگری سے کم بولنگ کرانے کا جذبہ لیے نو اپریل کو چنائی میں اپنے جوہر دکھائیں گے۔
محمد حفیظ کے بولنگ ایکشن ٹیسٹ کی حتمی تاریخ بارے پی سی بی نے باضابطہ درخواست بھی دی تھی گذشتہ سال یو اے ای میں نیوزی لینڈ کے خلاف بولنگ کراتے ہوئے محمد حفیظ کا ایکشن رپورٹ ہوا تھا۔
محمد حفیظ کا چوبیس نومبر کو لاف برا کی بائیو مکینک لیب میں بولنگ ایکشن ٹیسٹ ہوا تھا جس کے مطابق قومی آل راؤنڈر نے پندرہ ڈگری سے زائد بازو جھکاؤ کے ساتھ بولنگ کرائی جس پر محمد حفیظ کے بولنگ پر پابندی عائد کر دی گئی جس کے بعد انہوں نے بولنگ ایکشن درست کرنے کے لیے پی سی بی کے پینل کے ساتھ کام کیا۔
ورلڈ کپ اسکواڈ کا حصہ بننے والے محمد حفیظ کا آسٹریلیا میں چھ فروری کو بریسبین میں بولنگ ایکشن ٹیسٹ شیڈول تھا لیکن ایسا نہیں ہو سکا۔
فٹنس مسائل پر محمد حفیظ کرکٹ کے میگا ایونٹ میں نمائندگی کے بغیر وطن واپس آ گئے۔ محمد حفیظ کے ساتھ قومی ویمن بولر جویریہ ودود کا بھی نو اپریل اور چنائی میں ہی بولنگ ایکشن ٹیسٹ ہو گا۔ دونوں ٹیسٹ کلیئر کرنے کے بعد انٹرنیشنل کرکٹ میں بولنگ کر سکیں گے۔
سنگاکارا نے بھی سیاست کے اکھاڑے میں چھلانگ لگانے کا فیصلہ کر لیا
زیڈان فرنچ قومی فٹبال ٹیم کی کوچنگ کے خواہش مند
