مچھ (جیوڈیسک) صولت مرزا سے تفتیش کے لئے نئی مشترکہ تحقیقاتی ٹیم کا نوٹی فکیشن مچھ سینٹرل جیل کے حکام کو موصول ہو گیا ہے۔
سندھ حکومت نے صولت مرزا سے اس کے وڈیو بیان کی روشنی میں دوبارہ تحقیقات کے لئے 7 رکنی مشترکہ تحقیقاتی ٹیم تشکیل دے دی ہے جس میں پولیس کے علاوہ سندھ رینجرز، آئی بی، ایف آئی اے ، ایم آئی ، آئی ایس آئی اور سی آئی ڈی کا ایک ایک رکن شامل ہے۔ مچھ جیل کو ملنے والے نوٹی فکیشن کے تحت تحقیقاتی ٹیم مچھ سینٹرل جیل میں صولت مرزا سے تفتیش شروع کرے گی۔
دوسری جانب محکمہ داخلہ بلوچستان نے بھی مچھ جیل کے حکام کو جے آئی ٹی کے ارکان سے مکمل تعاون کی ہدایت کردی ہے۔ واضح رہے کہ صولت مرزا کو 19 مارچ کو پھانسی دی جانی تھی لیکن ویڈیو بیان سامنے آنے کے بعد اس کی سزا پر عمل درآمد 72 گھنٹے کے لئے موخر کردیا گیا تھا۔ بعد ازاں اس میں ایک ماہ کی توسیع کی گئی تھی۔
تحریک انصاف نے این اے 246 میں پولنگ کے دوران فوج تعینات کرنے کی درخواست کردی
کراچی :جرائم پیشہ افراد کی اطلاع پر رینجرز کا منگھو پیر کے سرکاری ہسپتال پر چھاپہ
