لیہ + کروڑ لعل عیسن (نامہ نگار) حضرت صدیق اکبر جانشین مصطفی اور خلیفہ اول ہیں۔ آپ کی اسلام کیلئے لازال قربانیاں کبھی فراموش نہیں کی جائیں گی۔ بھنگی اور چرسیوں کے عقیدے کو ماڈل بنانے کی بجائے خلفائے راشدین اور اولیائے کرام کو اپنا رول ماڈل بنایا جائے۔ ان خیالات کا اظہار جماعت اہل سنت کے ڈویژنل آرگنائزر علامہ قاری محمد اشفاق سعیدی گولڑوی نے گزشتہ روز نماز جمعہ کے بڑے اجتماع سے خطاب کرتے ہوئے کیا۔ انہوں نے کہا کہ صحابہ کرام نے حضور کے دین کو پہنچانے کیلئے بہت کام کیا۔ حضرت صدیق اکبر حضورۖ کے قریبی ساتھی اور امہات المومنین حضرت عائشہ صدیقہ کے والد محترم تھے۔ جاہل اور ان پڑھ لوگ صحابہ کی قربانیوں اور اسلام کیلئے خدمات سے نا آشنا ہیں۔ اس لیئے صحابہ کے بارے میں ان کے خیالات افسوسناک ہیں۔ جبکہ اہل علم کوئی بھی شخص صحابہ کرام کی مخالفت کی بات نہیں کر سکتا۔ صحابہ کرام اور اولیاء کرام کی اسلام کیلئے گراں قدر خدمات ہمارے لیئے مشعل راہ ہیں۔ بھنگی اور چرسی کے عقیدے کو ماڈل بناے کی بجائے خلفائے راشدین حضرت غوث اعظم ، حضرت داتا گنج بخش ، حضرت سلطان باہو ، حضرت مہر علی اور حضرت لعل عیسن کی تعلیمات پر عمل پیرا ہو کر اپنی زندگیاں گزارنا ہونگی۔ قاری محمد اشفاق سعیدی نے مزید کہا کہ حضرت لعل عیسن کے مزار پر آپ ہی کے دست مبارک سے لکھا ہوا قرآن پاک کا تاریخی نادر نسخہ ایک سازش کے تحت چوری کروایا گیا تا کہ حضرت لعل عیسن کے عقیدے اور ان کے تعلیمات کو چھپایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لیہ + کروڑ لعل عیسن ( نامہ نگار) ضلعی انتظامیہ نے شہریوں کی آنکھوں میں دھول جھونکنے کیلے کروڑ ، لیہ ، چوک اعظم ، فتح پور سمیت ضلع بھر میں ناقص سستے گھی کے اسٹال لگوا دیئے۔ جبکہ معروف برانڈ کے گھی من مانے نرخوں پر فروخت ہونے لگے۔ مارکیٹ میں فروخت ہونے والی مٹھائیوں ، سموسوں پکوڑوں میں استعمال ہونے والے غیر میعاری گھی کے سبب لوگوں میں بیماریاں پیدا ہورہی ہیں۔ ضلع لیہ کے عوامی سماجی اور شہری حلقوں نے معروف برانڈز کے اسٹال لگوانے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لیہ ( نامہ نگار) لیہ تونسہ پل کی تعمیر سے علاقہ میں ترقی کی نئی راہیں کھلیں گی۔ صاحبزادہ فیض الحسن ۔ تونسہ اور لیہ کے درمیان 4 گھنٹے کی بجائے صرف ڈیڑ ھ گھنٹے کا فاصلہ رہ جائے گا۔ وزیر اعظم میاں نواز شریف کی ہدایت پر نیشنل ہائی اتھارٹی نے دریائے سند ھ پر لیہ تونسہ کو ملانے والے چارلین پل و لین اپروچ روڈز و ٹرننگ وورکس کی فزبیلٹی ڈیزائن کی تیاری کیلئے ٹیکنکل کمپنیوں سے حزب ضابطہ تجاویز کیلئے ٹینڈر طلب کر لیئے گئے ہیں۔ صاحبزادہ فیض الحسن ایم این اے نے کہا کہ لیہ تونسہ پل علاقہ کی ترقی کیلئے انتہائی اہم ہے جس سے ترقی کی نئی راہیں کھلیں گی اور تونسہ کے لوگوں سے باہم رابطہ میں اضافہ ہو گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لیہ + کروڑ لعل عیسن ( نامہ نگار) محکمہ واپڈا میپکو کی جانب سے 16 گھنٹے کی طویل لوڈ شیڈنگ کا سلسلہ جاری۔ رات کے وقت ساڑھے 8 سے ساڑھے 11 بجے تک مسلسل بجلی غیر اعلانیہ طور پر بند رہنے لگی۔ مچھروں کی بہتات ، شہریوں کا جینا دوبھر ہو گیا۔ نظام درست نہ ہوا تو احتجاج پر مجبور ہونگے۔ سابق صدر انجمن تاجران طارق پہاڑ ، رانا آصف ، حاجی پائیندہ خان، انتظار حسین قریشی و دیگر نے کہا کہ حکومت کے بار بار اعلان کے باوجود لوڈ شیڈنگ میں کوئی کمی واقع نہ ہو ئی ہے۔ اور 16 سے 18 گھنٹے تک لوڈشیڈنگ کا غیر اعلانیہ سلسلہ جاری ہے جس سے شہری تنگ آچکے ہیں۔ انہوں نے وزیر اعظم پاکستان ، وفاقی وزیر پانی و بجلی عابد شیر علی ، خواجہ آصف اور چیف انجینئر واپڈا سے مطالبہ کیا ہے کہ واپڈا حکام کو راہ راست پر لایا جائے۔ وگرنہ شہری احتجاج پر مجبور ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لیہ + کروڑ لعل عیسن ( نامہ نگار) حکومت پنجاب کی جانب سے کاشتکاروں کو 2 بوری فی ایکڑ باردانا سراسر مزاق ہے۔ محکمہ فوڈ کم سے کم 15 بوری فی ایکڑ باردانا فراہم کرے۔ ان خیالات کا اظہار معروف کاشتکار و سماجی کارکن مخدوم قمر الزمان قریشی ، عوام تحریک ضلع لیہ کے جنرل سیکریٹری مخدوم عادل شاہجہان قریشی ، بزم نصیریہ مہریہ کروڑ کے سرپرست ملک اکرم سواگ ، ملک محمد نصیر سامٹیہ نے اپنے بیان میں کیا۔ انہوں نے کہا کہ حکومت پنجاب کاشتکاروں کا مسلسل استحصال کر رہی ہے۔ اعلان کے باوجود چاولوں کی امدادی رقم ابھی تک فراہم نہیں کی گئی۔ اب گندم کی خریداری کیلئے محکمہ فوڈ کی جانب سے سامنے والی پالیسی میں ایک ایکڑ رقبہ والے کاشتکار کو صرف 2 بوریاں باردانا سیئے جانے کا انکشاف ہوا ہے جو کہ کاشتکاروں کیساتھ مزاق کے سوا کچھ نہیں۔ انہوں نے مطالبہ کیا کہ کم سے کم 15 بوری فی ایکڑ خالی باردانا فراہم کیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لیہ + کروڑ لعل عیسن( نامہ نگار) تحصیلدار کروڑ کے دفاتر کرپشن کے گڑھ بن گئے۔ بغیر رشوت کے کوئی رجسٹری اور انتقال پاس نہیں کیا جائے۔ تحصیلدار دفاتروں سے غائب رہتے ہیں۔ پٹوای بھائی رشوت کے بغیر انتقال جبکہ رجسٹری کلرک بغیر رشوت کے رجسٹری نہیں کرواتے۔ تحصیلدار کے نہ ہونے کی وجہ سے رجسٹری ، انتقالات اور ڈگری کیسز کی رجسٹری کیلئے آنے والے سائلین تنگ آکر وہاں پر موجود پرائیویٹ دلالوں کے ذریعے رشوت دینے پر مجبور ہوتے ہیں۔ اور رشوت لیتے ہی ان کی رجسٹری اور انتقالات کو پہیے لگنا شروع ہر جاتے ہیں۔ تحصیلداران دفاتر سے غیر حاضر رہائشگوں اور ٹیلیفون آپریٹر کے کمرہ میں بیٹھ کر رجسٹریاں پاس کر دیتے ہیں۔ گزشتہ ماہ تحصیل آفس میں کرپشن کی خبریں شایع ہوتی رہی لیکن اعلیٰ حکام سمیت ڈی سی او لیہ نے کوئی کاروائی نہ کی۔ عوامی سماجی اور شہری حلقوں نے درخواستوں کیلئے وزیر اعلیٰ پنجاب کو کرپشن کے ثبوت کے ساتھ کاروائی کیلئے آگاہ کرنے کا فیصلہ کیا ہے۔
تلہ گنگ کی خبریں 11/4/2015
یمن جنگ میں فریق نہ بننا قومی امنگوں کی ترجمانی ہے۔ امیر پٹی
