کراچی : جماعت اسلامی پاکستان حلقہ خواتین کی مرکزی سیکرٹری جنرل دردانہ صدیقی نے کراچی کے حلقہ این اے 246 میں جماعت اسلامی کی انتخابی مہم کے سلسلے میں منعقدہ خواتین کے جلسے کے کامیاب انعقاد پر حلقہ خواتین کراچی کی ذمہ داران اور کارکنان کو مبارکباد پیش کی ہے۔
انہوں نے کہا کہ جلسے کی ہر لحاظ سے کامیابی کارکنان کی انتھک جدوجہد اور بھرپور رابطے کا ثمر ہے جس پر وہ خراج تحسین کی مستحق ہیں’اس کے لئے آپ کا اجر اللہ کے ہاں محفوظ ہے۔ انہوں نے کہا کہ این اے 246 کی خواتین نے جماعت اسلامی کے جلسے میں بھرپور شرکت کرکے جماعت پر اپنے اعتماد کا ثبوت دیا ہے جس پر جماعت اسلامی حلقے کی خواتین سے اظہار تشکر کرتی ہیں، ہمیں یقین ہے کہ یہ خواتین جماعت اسلامی کے امیدوار راشد نسیم کو اپنا ووٹ دے کر کامیاب کرائیں گی۔
انہوں نے جماعت اسلامی کی کارکنان سے اپیل کی کہ اپنی جاری مہم کو مزید تیز کردیں ، گھر گھر رابطوں کے ذریعے ایک ایک خاتون تک پہنچیں اور اس بات کو یقینی بنائیں کہ 23 اپریل کو ووٹ انشااللہ صرف ترازو کے نشان پر پڑیں گے’کیونکہ جماعت اسلامی ہی صرف وہ قیادت اور صلاحیت رکھتی ہے جو اس شہر کو حقیقی معنوں میں امن کا گہوارہ اور روشنیوں کا شہر بنا سکے۔
بھائیوں کے درمیان لین دین کا تنازعہ ٹرک کو آگ لگانے پر بھائی کے خلاف مقدمہ درج کرا دیا
ہارون آباد اسسٹنٹ کمشنر عارف علی نیازی کی چچی گزشتہ دنوں انتقال کر گئیں
