کراچی (اسپورٹس رپورٹر) ڈسٹرکٹ ایسٹ فٹ بال ایسوسی ایشن سے ملحقہ تمام فٹ بال کلبوں نے عثمان شاہ گروپ کی کامیابی پر نہایت مسرت کا اظہار کرتے ہوئے مسلسل دوسری بار ڈسٹرکٹ ایسٹ کا سیکریٹری منتخب ہونے پر کیپٹن عبید اللہ خان کو دلی مبارکباد پیش کرتے ہوئے کہا کہ کیپٹن عبید اللہ خان نے ڈسٹرکٹ ایسٹ میں فٹ بال کی ترقی اور فروغ کے لئے نمایاں کردار ادا کیا ہے
ان کی فٹ بال کے کھیل کے حوالے سے خدمات پر ہی تمام فٹ بال کلبوں نے ان پر دوبارہ اپنے بھر پور اعتماد کا اظہار کیا ہے ْفٹ بال کلبوں نے کہاکہ عثمان شاہ گروپ نے ڈسٹرکٹ ایسٹ میں ہمیشہ کھیل کے میدانوں کو آباد کرنے کے لئے کاوشیں کی ہیں جس کی وجہ سے آج فٹ بال نہ صرف ڈسٹرکٹ ایسٹ بلکہ شہر کراچی میں مقام حاصل کرچکا ہے۔
دریں اثناء ہزارہ محمڈن،رحیم محمڈن ،اُسامہ اسپورٹس ،ڈرگ روڈ یونین ،گلشن اسپورٹس،مدھو محمڈن ،کوہاٹ اسپورٹس ،ینگ آزاد اور ینگ اتحاد فٹ بال کلبوںنے ڈسٹرکٹ فٹ بال ایسوسی ایشن ایسٹ کے نو منتخب آراکین خصوصاً سید عثمان شاہ اور کیپٹن عبیداللہ خان کو عظیم کامیابی پر دل کی گہرایوں سے مبارکباد پیش کرتے ہوئے انہیں اپنے مکمل تعاون کا یقین دلا یا ہے۔
معروف فٹ بال میڈیا کوارڈینٹر شیر افضل نے بھی نو منتخب ڈسٹرکٹ ایسٹ کے عہدیداران کو مبارکباد پیش کی ہے۔
لیاری میں 26 اپریل کو تاریخی جلسہ ہو گا، وزیر اعلیٰ سندھ
منفی ہتھکنڈوں کے باوجود الیکشن کا بائیکاٹ نہیں کرینگے : قمر منصور
