تحریر: اختر سردار چودھری، کسووال بل گیٹس نے ایک بار اس وقت سب کو حیران کر دیا جب اس نے بھری محفل میں جہاں دنیا کے امیر ترین افراد جمع تھے اپنی جیب سے ایک ڈبیہ نکالی اور یہ کہتے ہوئے کہ ” صرف غریب ہی ملیریا سے کیوں مریں ” اس ڈبیہ سے مچھر نکال کر چھوڑ دیئے چونکہ مچھروں سے ملیریا پھیلتا ہے اس لیے میں یہ مچھریہاں چھوڑ رہا ہوں کہ صرف غریبوں کو ہی ملیریا سے مرنے کے لیے کیوں چھوڑدیا گیا ہے۔ مادہ مچھر سے پھیلنے والا ایک متعدی مرض ملیریاہے ۔ دنیا بھر میں ملیریا کی وجہ سے ہلاک ہونے والے 90 فیصد افراد کا تعلق غریب ممالک سے ہے۔ دنیا کے چندملکوں میں ملیریا عام ہے افریقہ ،ایشیا،مشرق وسطیٰ ،جنوبی ایشیا،وسطی امریکہ وغیرہ۔ پاکستان میں سالانہ 16 لاکھ افراد براہ راست اس سے متاثر ہو رہے ہیں۔ اور ہر سال 50 ہزار اموات ہوتی ہیں۔
یہ تو پاکستان کا حال ہے دنیا بھر میں اس کی صورت حال مزید خراب ہے کہ ہر 30 یا 40سیکنڈبعد ایک مریض ملیریا سے لقمہ اجل بن جاتا ہے ۔ اور سالانہ 5 لاکھ سے افراد موت کاشکار ہوجاتے ہیں ۔ہر سال 25 اپریل کو دنیا بھر میں ملیریا سے آگاہی کا دن منایا جاتا ہے ۔ملیریا کی بیماری قدرتی طور پر مچھر کی ایک قسم اینوفیلیز کی مادہ کے کاٹنے سے پھیلتی ہے ۔ یہ مادہ مچھر کسی ملیریا سے متاثرہ شخص کو کاٹتی ہے ، ملیریا کے جراثیم اس مچھر میں منتقل ہوتے ہیں ۔اور یہ مچھر جب کسی تندرست شخص کو کاٹے تو اس شخص میں ۔ اس شخص کے جگر میں یہ جرثومے ہفتوں سے مہینوں یا سالوں تک نمو پاتے ہیں اور جب ایک خاص تعداد میں جرثومے پیدا ہو جاتے ہیں تو ملیریا حملہ کر دیتا ہے ۔اگر اسکا علاج نہ کیا جائے تو یہ جان لیوا ہو سکتی ہے ۔ خیال رہے کہ بچوں میں ملیریا ہونے کے زیادہ خطرات ہوتے ہیں۔
Mosquito
ملیریا کی علامات عموماً مچھر کاٹنے کے 6 دن کے بعد نظر آنا شروع ہو جاتی ہیں ۔بعض اوقات اس کی علامات ظاہر ہونے میں ایک سال بھی لگا دیتی ہیں ،علامات درج ذیل ہیں ۔بخار،سردی ،سردرد،متلی ،الٹیاں ،پیچس ،شدید کمزوری ،پٹھوں کا دکھنا،پیٹ، کمر اور جوڑوں میں درد،کھانسی ،گھبراہٹ وغیرہ ملیریا کے شدید حملے میں اعصابی نظام بری طرح سے متاثر ہوتا ہے۔علاوہ ان کے جسم میں شدید درد، جلد پر خارش، سرخ دھبے ملیریا کی نشانیوں میں شامل ہیں۔اگر مریض کو ان میں سے چند علامات دکھائی دیں تو ڈاکٹر کو دکھائیں ۔ملیریا کا علاج فوراََ کروانا چاہیے ،بہت سے دیگر جراثیم بھی اور بیماریاں بھی ملیریا جیسی علامتیں رکھتی ہیں ۔ جس وجہ سے ملیریا کی تشخیص میں دیر لگ سکتی ہے۔
ملیریا سے بچائوکے لئے احتیاطی تدابیر میں ماحول کو صاف رکھنے کے ساتھ کھلے آسمان تلے سونے سے گریز کیا جائے ، مچھر دانی استعمال کی جائے اور مچھروں کو دور رکھنے والا تیل جسم پر لگایا جائے پورے بازوں والی قمیض پہنیں ۔اس بات کا خیال رہے کہ ملیریا کے علاج کا جدید طریقہ بسا اوقات مریض میں انتڑیوں کی سوزش بھی پیدا کر دیتا ہے ۔ اس سوزش کے بعد مریض ملیریا کے بخار سے نکل کر ٹائیفائڈ میں مبتلا ہو جاتا ہے ۔صرف مادہ مچھر ہی انسانوں کو کاٹتی ہیں اور ملیریا پھیلاتی ہیں اور اگر ان کی تعداد میں کمی آئے تو اس سے ملیریا کے پھیلاؤ میں بھی کمی آئے گی ۔اس طرح سوچتے سوچتے یہ بات بہت دلچسپی سے پڑی جائے گی کہ سائنسدانوں نے ملیریا کے خاتمے کے لیے ایک نیا ہتھیار تیار کر لیا ہے۔
یہ ہتھیار جینیاتی طور پر تبدیل شدہ مچھر ہیں جو اپنی نسل میں زیادہ تر نر مچھر ہی پیدا کریں گے جس کے نتیجے میں ان کی نسل آہستہ آہستہ ختم ہو جائے گی ۔یہ طریقہ کار اختیار کرنے سے مچھروں کی آبادی میں مادہ مچھروں کی تعداد بہت ہی کم ہو جائے گی اور جس کا نتیجہ ان مچھروں کی آبادی میں بتدریج کمی اور آخر کار خاتمے کی صورت میں نکلے گا۔ ملیریا کا جرثومہ ایک انسان سے دوسرے انسان تک منتقل کرنے والے ان مچھروں کے خاتمے کی وجہ سے اس بیماری کاپھیلاؤ بھی رْک جائے گا۔جب نر مچھر صرف نر بچے ہی پیدا کریں گے جس سے ان کی آبادی کے ختم ہونے کا امکان ہو سکتا ہے ۔اس پر کوئی بھی صاحب عقل خوش نہیں ہو سکتا کہ سائنسدانوں کی یہ تھیوری کامیاب ہو سکے گی کہ اول تو ایسا ممکن نہیں ہے ،دوم یہ کہ جب صرف نر مچھر رہ جائیں گے تو ان کی نسل ختم ہو جائے گی۔
Malaria Virus
میں کوئی سائنس دان تو نہیں لیکن یہ کہنا چاہتا ہوں اگر دنیا بھر سے عورت کا وجود ختم ہو جائے تو مرد حضرات کتنے خطرناک ہو سکتے ہیں دیگر جنس کے لیے۔ ایسا سوچیں تو یہ علم ہوتا ہے کہ جب مادہ مچھر کا خاتمہ کر دیا جائے تو یہ نر مچھر کسی اور بیماری کا سبب بن جائیں گے جس کا علاج ملیریا سے بھی زیادہ مشکل ہو ۔اس لیے میری سائنس دانوں سے اپیل ہے کہ فطرت سے ٹکرانے کی بجائے ،اس پر غور کریں کہ اللہ نے ہر بیماری کی شفا ء پیدا کی ہے ۔مثلا نیم کے درخت ،عام کھانے کا نمک ،ہزاروں جڑی بوٹیاں ،وغیرہ پر تحقیق کی جا رہی ہے ،اس طرح ان شاء اللہ جلد ملیریا کا حتمی علاج دریافت کر لیا جائے گا۔
جیسا کہ امریکی محققین کے مطابق وہ ایک ایسی نئی دوا تیار کرنے میں کامیاب ہو گئے ہیں، جس کی ایک ہی خوراک ملیریا بخار کے تمام اثرات کو زائل کر کے اسے ختم کر دے گی۔ اس نئی دوائی کے ابتدائی ٹیسٹ شروع کر دیے گئے ہیں۔علاوہ ازیں کہا جا رہا ہے نیم کے پتوں سے کشید کردہ اجزا ملیریا کے علاج میں مفیدہیں ۔ملیریا کا سستا ترین علاج کتاب ”گھر کا دواخانہ” حکیم عبدالقدوس (انڈیا) کا تحریری ایک نسخہ ہے نمک کو صاف ستھری لوہے کی کڑاہی یا توے پر اچھی طرح بھون لیں۔ وہ بھورے رنگ کا ہوجائے ۔بچے کے لیے آدھا اور جوان شخص کیلئے سالم چمچہ بھر نمک لے کر اسے ایک گلاس پانی میں ابال لیں جب یہ نمک پانی میں جذب ہوجائے تو مریض کو نیم گرم پانی پلائیں جب اسے بخار نہ ہو ۔ ان شا اللہ مریض کو فوراََ آرام آجائے گا ۔حکماکو چاہیے اس کو آزما کرعوام الناس کو اس کے نتیجے سے آگاہ کریں۔
عشق رسول جنت سے بڑھ کر (حصہ) 17
آزاد الیکشن کمیشن۔۔ملکی خوشحالی کا ضامن
