راولپنڈی (جیوڈیسک) عدالت نے منی لانڈرنگ کیس میں ماڈل ایان علی کے جوڈیشل ریمانڈ میں 8 مئی تک توسیع کر دی۔
ماڈل ایان علی کو کسٹم عدالت کے جج کی عدم تعیناتی کے باعث بینکنگ کورٹ کے جج صابر سلطان کی عدالت میں پیش کیا گیا۔
دوران سماعت فاضل جج نے مکمل چالان پیش نہ کرنے پر تفتیشی افسر کی سخت سرزنش کرتے ہوئے کہا کہ اگر کیس میری عدالت میں ہوتا تو میں آپ کے خلاف سخت ایکشن لیتا جس پر کسٹمز کے وکیل امین فیروز نے کہا کہ ملزمہ کے خلاف دبئی سے کرنسی اسمگلنگ کا ریکارڈ منگوایا جا رہا ہے۔
ریکارڈ کے انتظار میں مکمل چالان میں تاخیر ہو رہی ہے لہذا عدالت سے استدعا کی جاتی ہے کہ ملزمہ کے جوڈیشل ریمانڈ میں توسیع کی جائے۔
دوران سماعت وکلا نے ضمانت کی درخواست کے لئے ماڈل سے اجازت نامہ حاصل کر لیا جب کہ ملزمہ کو نامکمل چالان کی نقول فراہم کردی گئیں، عدالت نے ایان علی کے جوڈیشل ریمانڈ میں 8 مئی تک توسیع کرتے ہوئے سماعت ملتوی کردی۔
ڈیرہ اسماعیل خان میں سیکیورٹی فورسز کی گاڑی پر بم حملہ، ایک اہلکار شہید
نوابزادہ طلال بگٹی کو آج ڈیرہ بگٹی میں سپردخاک کیا جائیگا
