کراچی (اسٹاف رپورٹر) لیاقت گورنمنٹ کالج ملیر کے سنیئر پروفیسر عبدالمجید برفت اور گرین پیس پبلک ہائی اسکول وکالج ملیر کھو کھرآپار کے ایڈمنسٹریٹر پروفیسر سلمان احمد عثمانی نے کراچی یونیورسٹی کے اسسٹنٹ پروفیسر وحید الرحمن کے قتل کی شدید الفاظ میں مذمت کرتے ہوئے اس کھلی دہشت گردی قرار دیتے ہوئے کہاکہ اس افسوسناک واقعہ کی جتنی مذمت کی جائے کم ہے ۔وحیدرحمن کے قتل کی وجہ سے جامعہ کراچی کے طالب علم ایک شفیق استاد سے نہ صرف محروم ہوگئے بلکہ کبھی نہ ہونے والا ایک خلا پیدا ہوگیا ہے۔
پروفیسرعبدالمجید برفت اور پروفیسر سلمان احمد عثمانی نے جامعہ کراچی کے پروفیسر ،کالم نویس و ماہر تعلیم وحید الرحمن کو خراج تحسین پیش کرتے ہوئے کہاکہ وہ ایک باصلاحیت استاد تھے ان کی کمی علمی حلقوںمیں مدتوں پوری نہیں کی جاسکتی علم کے حوالے سے ان کی خدمات تاریخ میں سنہرے حرفوں سے یاد رکھی جائے گی ماہرین تعلیم نے حکومت سے مطالبہ کیا کہ پروفیسر وحید الرحمن کے قاتلوں کو فوری گرفتار کرکے عبرتناک سزا دی جائے۔
مزدور کے حقوق کا اصل محافظ وضامن اسلام اور اسلامی نظام معیشت ہے ،مفتی محمد نعیم
پاکستان کا نظام طاقتور کے مفادات کے تحفظ اور لوٹ مار کی شراکت داری پر مبنی ہے
