سبی (محمدطاہر عباس) بغیر لائسنس اور سرکاری ملازمین کے نام جاری ڈرگ لائسنس کی بنیاد پر چلنے والے میڈیکل سٹورز پر ڈسٹرکٹ ہیلتھ افیسر اور ڈرگ انسپکٹر کی خاموشی ایک سوالیہ نشان ہے تفصیلات کیمطابق سبی میں کئی ایک میڈیکل سٹور ایسے نہیں جو یا تو بغیر ڈرگ لائسنس چل رہے ہیں یا ڈرگ لائسنس سرکاری ملازمین کے نام جاری کرکے انہیں میڈیکل سٹور چلانے کی کھلی چھٹی دی گئی ہے نہ صر ف یہ کئی ایک میڈیکل سٹور ایسے بھی ہیں جو بغیر کوالیفائیڈ پرسن کے رن کررہے ہیں اس کھلم کھلا غیر قانونی اقدام پر ڈسٹرکٹ ہیلتھ آفیسر اور ڈرگ انسپکٹر نے چپ سادھ رکھی ہے واضح رہے میڈیکل سٹور کیلئے ڈرگ لائسنس کا ہونا لازم ہے مگر یہاں تو گنگا الٹی بہتی ہے بغیر لائسنس اور نان کوالیفائیڈ پرسن کے بغیر چلنے والے میڈیکل سٹور انسانی جانوں کی صحت کے ساتھ کھیلنے کے مترادف ہے عوامی سماجی حلقوں نے سیکریٹری صحت اور ڈی جی صحت بلوچستان سے مطالبہ کیا ہے کہ وہ غیر قانونی چلنے والے میڈیکل سٹوروں کا سختی سے نوٹس لیتے ہوئے انکے خلاف قانونی کاروائی کیجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سبی (محمدطاہر عباس) صحافی محمد علی ملک کو ایم ایس میر پور ماتھیلو کی دھمکیوں کی مذمت کرتے ہیں صحافیوں کے سچ لکھنے پر انہیں اگر خراج تحسین پیش نہیں کرسکتے تو انہیں ہراساں بھی نہ کیا جائے صحافیوں کا کام سچ لکھنا اور دکھانا ہے ان خیالات کاا ظہار پاکستان گروپ آف جرنلسٹس کے صوبائی وائس چیئرمین عباس چشتی جنرل سیکریٹری ضلع سبی سید طاہر علی نے صحافیوں سے بات چیت کرتے ہوئے کیا انہوں نے کہا کہ صحافت اگرچہ مشکل اور جان جوکھوں کا کام ہے مگر صحافی جس محنت اور لگن سے حق سچ لکھتے اور دکھاتے ہیں اولا تو انکی اس کارکردگی پر انہیں خراج تحسین پیش کیا جانا چاہیے اگر ایسا کرنا کسی کو گوارہ نہ ہوتو کم از کم صحافیوں کو دھمکیوں سے بھی نہ نوازا جائے انہو ں نے کہا کہ سینئر صحافی محمد علی ملک کو ایم ایس میر پور ماتھیلو کے نازیبا سلوک سے جس پریشانی کا سامنا ہے وہ قابل مذمت ہے جسکی پاکستان گروپ آف جرنلسٹس بھرپور انداز میں مذمت کرتا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سبی (محمدطاہر عباس) پاکستان گروپ آف جنرنلسٹس سبی کے جنرل سیکرٹری نے اہم اجلاس طلب کرلیا اجلاس میں دیگر مسائل کے علاوہ اہم فیصلے بھی کئے جائیں گے پاکستان گروپ آف جنرنلسٹس کے تمام ممبران وعہدیداروں کو 9مئی بروز ہفتہ شام 8بجے اجلاس ،میں شرکت کی ہدایت کی جاتی ہے اہم اجلاس میں صوبائی وائس چیئرمین ڈاکٹر عباس چشتی بھی شرکت کریں گے
گلیانہ: چوہدری عبدالحق اور چوہدری فضل حق کی والدہ محترمہ انتقال کر گئیں
گجرات کی خبریں 07/05/2015
