کراچی (جیوڈیسک) آئی جی سندھ غلام حیدر جمالی کا کہنا ہے کہ سابق وزیر صوبائی داخلہ ذوالفقار مرزا نے اپنی فوج بنا رکھی ہے جس میں خواتین سمیت جرائم پیشہ افراد بھی شامل ہیں۔
سندھ ہائی کورٹ میں ذوالفقارمرزا کی سیکیورٹی سے متعلق کیس کی سماعت ہوئی۔ آئی جی سندھ غلام حیدرجمالی نے اپنے جواب میں کہا ہے کہ ذوالفقار مرزا کو مکمل سیکیورٹی فراہم کی جا رہی ہے جب کہ سابق صوبائی وزیر کی اہلیہ فہمیدہ مرزا کو بھی سیکیورٹی کے لئے 4 پولیس اہلکار فراہم کئے گئے لیکن انہوں نے پولیس سیکیورٹی لینے سے انکار کردیا۔
ذوالفقار مرزا نے اپنے دور وزارت میں بیوی اور بیٹے کے نام پر ممنوعہ بور کے متعدد لائسنس جاری کئے، انہوں نے سیکڑوں افراد پر مشتمل اپنی نجی فوج بنا رکھی ہے جس میں جرائم پیشہ افراد بھی شامل ہیں۔
آئی جی سندھ کا کہنا تھا کہ آئین کےآرٹیکل 256 کے تحت کسی کو نجی فوج رکھنے کی اجازت نہیں لہذا عدالت اس کا نوٹس لے اور ذوالفقار مرزا کو ان کا مسلح دستہ ختم کرنے کا حکم دے۔ عدالت نے کیس کی سماعت 20 مئی تک ملتوی کردی۔
نہ تنخواہ لوں گا اورنہ ہی فیملی گورنر ہاؤس میں رہائش اختیار کرے گی، گورنر پنجاب
پاکستان سے متعلق بیان میری ذاتی رائے تھی، اماراتی وزیر انور قرقاش
