مصطفی آباد/للیانی (نامہ نگار) چھٹی کے دن مصطفی آباد میں بڑے گوشت کی فروخت کا سلسلہ جاری، محکمہ لائیوسٹاک سے اجازت لی ہو گی، ونٹری ڈاکٹر، کسی قسم کی اجازت نہیں لی گئی محکمہ لائیو سٹاک، وزیر اعلی پنجاب و ڈی سی او قصور سے فوری کاروائی کا مطالبہ، تفصیلات کے مطابق بروز منگل چھٹی ہونے کے باوجود قصاب حضرات کی طرف سے جانور ذبحہ کرکے بڑے گوشت کی فروخت کا سلسلہ جاری رہا، جب اس سلسلہ میں ونٹری ڈاکٹر باقر سے پوچھا گیا تو انہوں نے کہا کہ محکمہ لائیو سٹاک سے اجازت لی ہو گی، جبکہ محکمہ لائیو سٹاک نے کسی بھی قسم کی اجازت دینے کی تردیدکر دی،چھٹی کے باوجود غیر قانونی طور پر گوشت فروخت کرنے والوں کے خلاف کاروائی کا مطالبہ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (نامہ نگار) قصائی گھروں میں جانور ذبحہ کرکے سلاٹر ہائوس سے مہریں لگوانے لگے، ونٹری اسٹنٹ کا ساتویں جماعت کا بچہ ڈاکٹر بن کر گھروں میں ذبحہ کرکے لائے گئے گوشت پر مہریں لگانے لگا،تفصیلات کے مطابق مصطفی آباد کے قصاب حضرات نے لاغر و مضحر صحت جانور گھروں میں ذبحہ کرنا معمول بنا لیا، جانور ذبحہ کرکے گوشت گدھا گاڑی پر رکھ کر سلاٹر ہائوس لایا جاتا ہے جہاں پر ونٹری اسٹنٹ کے ساتویں جماعت کے بچے کی جیب گرم کرکے اس سے مہریں لگوا لی جاتی ہیں، اکثرقصاب حضرات نے اپنی مہریں بنوا رکھی ہیں،اہلیان علاقہ نے اعلی حکام سے فوری نوٹس لیتے ہوئے بیمار و لاغر گوشت ذبحہ کرنے والے قصابوں اور اس میں ملوث ملازمین کے خلاف کاروائی کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (نامہ نگار) ڈیڑھ لاکھ روپے مالیت کی بکریاں چوری کرنے والوں کے خلاف مقدمہ درج، تفصیلات کے مطابق نواحی گائوں ستوکی سے لیاقت علی کی ہمشیرہ کے گھر سے افتخار عرف کھاری اور نثار بھٹی ڈیڑھ لاکھ روپے مالیت کی بکریاں چوری کرکے لے گئے، مذکورہ افراد گائوں کے مشہور چور ہیں جن سے قسم وغیر ہ مانگی گئی قسم نہ دینے پر پولیس تھانہ مصطفی آباد نے مقدمہ درج کرکے ملزمان کی تلاش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصطفی آباد/للیانی (نامہ نگار) میٹر ریڈر ریڈنگ کرنے کی بجائے گھروں میں بیٹھ کر یونٹ ڈالنے لگے، اہلیان بھلو سراپہ احتجاج، تفصیلات کے مطابق نواحی گائوں بھلو میں میٹر ریڈر حضرات سے زائد یونٹ ڈالنا معمول بنا لیا، میٹر ریڈر اکثر ریڈنگ کرنے کی بجائے گھر بیٹھ کر اندازے سے ہی یونٹ ڈال دیتا ہے جس کی وجہ سے صارفین کو شدید مشکلات کا سامنا کرنا پڑتا ہے، اہلیان بھلو نے اعلی حکام سے فوری نوٹس لیتے ہوئے کاروائی کا مطالبہ کیا ہے۔
شب برات انتظامات کے جائزے کے لئے نشاط محمد ضیاء قادری کا قبرستانوں کا دورہ
بوگس فہرستوں کے ساتھ الیکشن فراڈ ، تاجروں کے ساتھ دھوکہ ہو رہا ہے
