کراچی (اسٹاف رپورٹر) تنظیم فلاح و بہبود کی چیئر پرسن شمیم اختر اور فنانس سیکریٹری صوبیہ علی نے قائد آباد ،ملیر ،شاہ فیصل کالون اور ملحقہ آبادیوں میں پانی کی بندش ،بجلی کی طویل غیر اعلانیہ لوڈشیڈنگ او صفائی وستھرائی ،بلدیاتی مسائل کے بڑھتے ہوئے شکایات پر احتجاج کرتے ہوئے چیف سیکریٹری سندھ سے اپیل کی ہے کہ اداروں کی نااہلی اور عوامی مسائل کا فوری نوٹس لیتے ہوئے عوام کو بنیادی مسائل سے نجات دلائیں۔
ان خیالات کا اظہار تنظیم فلاح و بہبود کی رہنمائوں نے ڈسٹرکٹ ملیر اورکورنگی کے علاقوں قائد آباد ،ملیر ٹائون اور شاہ فیصل ٹائون ملحقہ آبادیوں کا تفصیلی دورے کے موقع پر علاقائی سطح پر سماجی و فلاحی تنظیموں کے رہنمائوں سے ملاقات کرتے ہوئے کیا اس موقع پر انہوں نے علاقائی سطح پر درپیش عوامی مسائل پر تشویش کا اظہار کرتے ہوئے کہاکہ پانی کا شدید بحران اور بجلی کی غیر اعلانیہ طویل بندش نے عوامی زندگیوں کو اجیرن بنا کر رکھ دیا ہے۔
علاقائی سطح پر درپیش صفائی وستھرائی اور بلدیاتی مسائل کی وجہ سے عوام شدید اضطراب میں مبتلا ہیں بلدیاتی اداروں کی نا اہلی اور ناقص کا رکردگی کی وجہ سے قائد آباد ،ملیر ٹائون ،شاہ فیصل ٹائون اور ملحقہ آبادیوں میں مہلک امراض پھوٹنے کا خدشہ پیدا ہوچکا ہے اور ادارے عوامی مسائل کے حل کے لئے اپنے دفتروں سے باہر نکلنے کو تیار نہیں عوام کو مسائل سے نجات دلا نے کے لئے اقدامات نہ کئے گئے تو شہری علاقے کھنڈرات میں تبدیل ہو جائیں گے۔
لانڈھی کراچی میں دو بہنوں کے قتل کا ملزم گرفتار
بلدیہ کورنگی کا برساتی نالوں کی صفائی کے حوالے سے خصوصی انتظامات تیزی کے ساتھ جاری
