کراچی (جیوڈیسک) شہر قائد کی رونقیں امن و امان کی صورتحال میں بہتری کے ساتھ بحال ہوتی جا رہی ہیں۔ خوف کے بادل چھٹنے سے ملک کے معاشی حب میں کاروباری سرگرمیاں اپنے عروج پر پہنچ گئی ہیں۔
شہر میں بھتہ خوری میں 95 فیصد تک کمی آنے سے سرمایہ کاری کو جہاں فروغ ملا ہے، وہیں شہریوں کی جانب سے 70 ارب روپے مالیت کی عید خریداری سے منصوعات کی فروخت کا دس سالہ ریکارڈ ٹوٹ گیا ہے جس سے تاجروں کی عید کی خوشیاں دوبالا ہو گئی ہیں۔
تاجروں کا کہنا ہے کہ عید کے موقع کیلئے مجموعی طور پر 90 ارب روپے کی سرمایہ کاری کی گئی تھی۔ مصنوعات کی فروخت توقعات سے بھی بہت زیادہ رہی۔
قانون نافذ کرنے والے اداروں کی کوششوں سے حالات میں بہتری آ رہی ہے۔ مستقبل میں کاروباری سرگرمیوں کو مزید فروغ ملنے کی امید ہے۔
قوم کیلئے عید کا تحفہ، پاکستان تیسرا ون ڈے میچ جیت گیا
نئی خارجہ پالیسی اہم ضرورت، وزیراعظم فوری اے پی سی بلائیں، خورشید شاہ کا مطالبہ
