گجرات (جی پی آئی) ٹی ایم اے حکام کی نااہلی کی وجہ سے شہر بھر میں جگہ جگہ گندگی کے ڈھیر لگ گئے تفصیلات کے مطابق عید الفطر کی تعطیلات کے بعد ٹی ایم اے حکام کی صفائی مہم کا پول کھل کر اس وقت سامنے آیا جب شہر میں گزشتہ تین دنوں میں متعدد بار ہلکی پھلکی بارش کی وجہ سے جیل روڈ ، ریلوے روڈ ، نیو فرنیچر مارکیٹ ، قاسم پورہ سمیت شہر کے متعدد علاقوں میں گندہ پانی کھڑا ہو گیا اور نکاسی آب کا نظام درہم برہم ہو گیا جس سے ٹی ایم اے حکام کے صفائی مہم اور گزشتہ 67سالوں سے گجرات میں نکاسی آب کا نظام درست کرنے میں سرکاری مشینری کا کردار کھل کر سامنے آ کر ان کا منہ چڑھا رہا ہے سرکاری مشینری 67سالوں میں گجرات شہر کا نکاسی آب کا نظام درست نہیں کر سکی جس کی بڑی وجہ کرپشن اور سیاسی مداخلت ہے گندے پانی کے ساتھ ساتھ جگہ جگہ پر کوڑے کرکٹ کے بڑے بڑے ڈھیر تمام روڈز اور گلی محلوں میں نظر آتے ہیں شہریوں کا کہنا ہے کہ ٹی ایم اے حکام سمیت اعلیٰ حکام کو کئی بار تحریری درخواستیں بھی دیں ہیں اور حکام کو مسائل سے آگاہ بھی کیا ہے لیکن کوئی بھی عوامی مسئلہ سیاسی مداخلت کے بغیر حل کرنے کو تیار نہیں لہٰذا عوام کے مسائل کو مد نظر رکھتے ہوئے پاکستان مسلم لیگ ن کی گجرات سٹی کی قیادت کو چاہیے کہ بلدیاتی الیکشن سے قبل شہری حلقوں میں تعمیر و ترقی کے ساتھ ساتھ صفائی اور نکاسی آب کے درینہ مسائل کو حل کرنے کیلئے عملی اقدامات کریں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) جمعیت علما اہل حدیث پاکستان کے چیرمین قاضی عبدالقدیر خاموش نے سیلاب کی تباہ کاریوں میں عوا م کے جان و مال کے نقصان پر افسوس کااظہار کرتے ہوئے کہا ہے کہ متعلقہ اداروں کی کارکردگی پر سوالیہ نشان ہے کہ قبل از وقت اطلاع مل سکی اور نہ ہی لوگوں کا بروقت انخلا کیا گیا۔ جس کی وجہ سے نقصانا ت زیادہ ہوئے ہیں۔ خیبر پختونخواہ سے مولانا اظہرالدین کی قیادت میں وفد سے گفتگو کرتے ہوئے قاضی عبدالقدیر خاموش نے کہا کہ خیبر پختونخواہ اور پنجاب کی صوبائی حکومتوں کی غفلت کے باعث سیلاب میں زیادہ نقصان ہواہے۔ لگتا ہے جوڈیشل کمشن کی رپورٹ پر تحریک انصاف کے سکتے میں ہونے کے باعث پرویز خٹک کچھ نہ کرسکے جبکہ میاں شہباز شریف کلین چٹ ملنے پر تکبر کے نشے میں مدھوش رہے ۔ انہوں نے کہا کہ نیشنل ڈیزاسٹر مینجمنٹ اتھارٹی اور دونوں صوبوں کی پی ڈی ایم اے کی ناقص کارکردگی بھی بے نقاب ہوگئی ہے کہ لوگ بے یار و مدد گار کھلے آسمان کے نیچے اپنے مال مویشی لے سڑک کنارے بیٹھے ہیں۔کوئی پرسان حال نہیں۔ان کا کہنا تھا کہ ایک عرصے سے گلیشیرپگھلنے سے دریائے سندھ میں سیلاب آرہا ہے ، اسے محفوظ کرنے کے لئے کوئی منصوبہ نہ کرنا افسوسناک اور قابل مذمت ہے۔ کالا باغ ڈیم کی مخالفت کرنے والے متبادل ڈیم ہی بنوالیتے مگر ذاتی مفادات کی وجہ سے حکمران مجرمانہ خاموشی اور غفلت کا شکار ہیں۔دیامیر بھاشا ڈیم پر تو سب کا اتفاق ہے ، مگر ابھی تک اس پر بھی کام مکمل نہیں کیا جاسکا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ممتاز روحانی شخصیت حضرت کرم الٰہی المعروف کانوانوالی سرکار کا میلہ و عرس مبارک شروع ہو گیا۔ گدی نشین صاحبزادہ الحاج سائیں اختر حسین نے دربار شریف پر چادر چڑھائی ان کے ہمراہ مہمان خصوصی DSP سٹی سید غلام مصطفی گیلانی اور ممتاز ماہر تعلیم شہزاد شفیق نقشبندی تھے۔ اس موقع پر سائیں ساجدحسین ڈاکٹر رزاق احمد غفاری’ عامر محمود چوہدری’ ذوالفقار باجوہ و دیگر عقیدت مندوں کی کثیر تعداد موجود تھی۔ ڈھولوںکی تھاپ پر عقیدت مندوں نے دھمال ڈالی۔ ملکی ترقی و سلامتی کیلئے دعائیں کی گئیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) وائس چیئرمین آل پاکستان پرائیویٹ سکولز مینجمنٹ ایسوسی ایشن شہزاد شفیق نقشبندی گزشتہ روز تعزیت کیلئے کنجاہ گئے اور ممتاز ماہر تعلیم محمد افضال رانجھا کی اہلیہ کی وفات پر گہرے رنج و غم کا اظہار کیا اور فاتحہ خوانی کی ۔ ان کے ہمراہ ڈاکٹر رزاق احمد غفاری اور یاور عباس بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پیر محمد افضل قادری کی خدمات قابل تحسین ہیں۔ انہوں نے ہمیشہ مسلک کی سربلندی کیلئے کام کیا ہے ان خیالات کا اظہار ممتاز ماہر تعلیم شہزاد شفیق نقشبندی نے گزشتہ روز آستانہ عالیہ مراڑیاں شریف میں پیر محمد افضل قادری کی عیادت کے موقع پر کیا۔ انہوں نے کہا کہ پیر محمد افضل قادری کو اللہ تعالیٰ صحت کاملہ عطا فرمائے اور ان کی بیماری ختم کرے کیونکہ انہوں نے مسلک کیلئے جو کام کیا ہے وہ ہمیشہ یاد رکھا جائیگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) دارالعلوم محمدیہ غوثیہ ضیاء القرآن سعید آباد بوکن شریف کے طالب علم حافظ عبداللہ جمیل نے گوجرانوالہ بورڈ میں اول پوزیشن حاصل کر کے اہلسنت کا سر بلند کر دیا ہے ان خیالات کا اظہار شہزاد شفیق نقشبندی نے دارالعلوم محمدیہ غوثیہ ضیاہ القرآن میں منعقدہ تقریب کے دوران کیا انہوں نے کہا کہ صاحبزادہ پیر سید زاہد صدیق شاہ بخاری نے کچھ عرصہ قبل علم کی جو شمع روشن کی تھی آج وہ پوری دنیا کو جلا بخش رہی ہے اور ان کا فیض دنیا بھر میں تقسیم ہو رہا ہے دارالعلوم محمدیہ غوثیہ ضیاء القرآن جیسے ادارے اہلسنت کے ماتھے کا جھومر ہیں اللہ تعالیٰ انہیں قائم رکھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) دارالعلوم محمدیہ غوثیہ ضیاء القرآن کیمپس سعید آباد بوکن شریف کے ہونہار طالب علم نے میٹرک امتحانات میں گوجرانوالہ بورڈ میں پہلی پوزیشن حاصل کرلی دار العلوم محمدیہ غوثیہ ضیاء القرآن کیمپس بوکن شریف کے ہونہار طالب علم حافظ عبداللہ جمیل نے رولنمبر585080اور حاصل کردہ نمبر1006سالانہ امتحان 2015ئ( آرٹس گروپ فار بوائز) میںگوجرانوالہ بورڈ میں پہلی پوزیشن حاصل کر لی اہل علاقہ سمیت ضلع بھر کے ممتاز سیاسی و سماجی شخصیات نے ہونہار طالب علم اورپیر سید زاہد صدیق شاہ بخاری و دیگر اساتذہ کرام کو مبارکباد پیش کی۔
تحریک انصاف میں پھوٹ پڑنے کی خواہش رکھنے والوں کو مایوسی کے سوا کچھ حاصل نہیں ہو گا۔ افتخار چودھری
گجرات کی خبروں کی تصویری جھلکیاں
