اسلام آباد (جیوڈیسک) الیکشن کمیشن نے سپریم کورٹ میں درخواست دائر کی ہے کہ پنجاب اور سندھ میں بلدیاتی انتخابات کا شیڈول 28 جولائی کی بجائے 17 اگست کو جاری کرنے کی اجازت دی جائے کیونکہ ابھی تک حلقہ بندیوں کا کام ابھی تک مکمل نہیں ہو سکا۔
سیلاب کے باعث ریٹرنگ افسر امداد اور بحالی کے کاموں میں مصروف ہیں جبکہ سندھ میں بلدیاتی انتخابات کے قواعد میں سقم کے باعث نامزدگی فارم بھی تیار نہیں ہو سکے جس کے باعث انتخابی شیڈول 28 جولائی کو جاری نہیں ہو سکتا۔
سپریم کورٹ میں آئندہ سماعت کے بعد ہی سندھ اور پنجاب میں بلدیاتی انتخابات کی تاریخیں دی جائیں گی۔ اس سے پہلے الیکشن کمیشن کے اجلاس میں ارکان نے بلدیاتی انتخابات کا شیڈول روکنے کی تجویز دی تھی۔
پاکستان دشمنی میں بھارت پاگل، گرداس پور واقعہ میں پاکستان کو ملوث قرار دیدیا
انکوائری کمیشن کی رپورٹ، وزیراعظم نے تمام پارلیمانی رہنمائوں کا ہنگامی اجلاس طلب کر لیا
