گجرات (جی پی آئی) صدر سٹیزن فرنٹ چوہدری علی ابرار جوڑا نے گزشتہ روز گجرات رائے ضمیر الحق سے انکے دفتر میں ملاقات کی۔ انکے ہمراہ ممتاز سیاسی شخصیت چوہدری خالد محمود اور سیکرٹری اطلاعات سٹیزن فرنٹ ڈاکٹر رزاق احمد غفاری بھی تھے۔ اس موقع پر چوہدری علی ابرار جوڑا نے گجرات پولیس کی کاوشوں کو سراہا اور جرائم پیشہ افراد کے قلع قمع کیلئے دن رات کوشاں ہیں۔ DPO گجرات نے گجرات پولیس نے ایک نیا حوصلہ اور عزم دیا ہے۔ DPO گجرات نے سٹیزن فرنٹ کے صدر چوہدری علی ابرار جوڑا اور انکی ٹیم کا شکریہ ادا کیا جنہوں نے انکی حوصلہ افزائی کی۔ …………………………………… …………………………………… گجرات(جی پی آئی) ممتاز مذہبی شخصیت پیر سید صفدر حسین شاہ سجادہ نشین آستانہ عالیہ ڈوگہ شریف دبئی کے دورہ کے بعد وطن واپس پہنچ گئے۔ گزشتہ روز انہوں نے صدر سٹیزن فرنٹ چوہدری علی ابرار جوڑا سے ملاقات کی۔ ملاقات کے دوران چوہدری خالد محمود بھی موجود تھے۔ سٹیزن فرنٹ کو متحرک کرنے اور دیگر امور پر تبادلہ خیال کیا گیا۔
…………………………………… …………………………………… گجرات(جی پی آئی) حضرت سائیں کرم الٰہی المعروف کانوانوالی سرکار کا عرس مبارک اختتام پذیر ہو گیا۔ عرس کے آخری روز بھی لوگوں کی بڑی تعداد نے دربار شریف پر حاضری دی گھڑولیاں چڑھائیں۔ اس موقع پر گدی نشین سائیں اختر حسین اور سائیں ساجد حسین نے زائرین کی تواضع کیلئے خصوصی اہتمام کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) 45 واں سالانہ عرس مبارک شہنشاہ ولائیت آج 31 جولائی بروز جمعتہ المبارک کو دربار شہنشاہ ولایت علی پورہ گجرات میں منعقد ہو رہا ہے۔ تفصیلات کے مطابق حضرت پیر سید ولایت علی شاہ المعروف شہنشاہ ولایت کا سالانہ عرس مبارک آج دربار عالیہ شہنشاہ ولایت میں دن 12 بجے تا نماز عصر تک منعقد ہو رہا ہے۔ جس میں پیران عزائم ‘ جید علماء کرام اور نعت خوان تشریف لا رہے ہیں۔ تمام مریدین عقیدت مند حضرات کو اولاد شہنشاہ ولایت کی طرف سے شرکت کی دعوت دی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) آج یوم مجاہد ملت و یوم شہنشاہ ولایت عقیدت و احترام کیساتھ منایا جائے گا۔ جامع مسجد شہنشاہ ولایت میں دن 1بجے عظیم الشان محفل منعقد ہو گی۔ جس میں خصوصی خطاب صدر جماعت اہل سنت یو کے پیر سید احمد حسین شاہ ترمذی کریں گے۔ جبکہ صدارت صاحبزادہ پیر سید حسن محمود شاہ گجراتی کریں گے۔ عرس زیر نگرانی پیر سید نور حسین شاہ منعقد ہو رہا ہے۔ ٹھیک تین بجے دعا ہو گی۔ تمام عقیدت مندوں کو شرکت کی دعوت دی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) دوران ڈیوٹی کرنٹ لگنے سے ہلاک ہونیوالے واپڈا آفس گجرات کے لائن مین ذیشان احمد کی بیوہ کو گیپکو کی جانب سے 25لاکھ روپے کا چیک دیدیا گیا چیک پاکستان واپڈا ہائیڈرو الیکٹرک ورکر یونین سی بی اے آل پاکستان کے جنرل سیکرٹری خورشید احمد خاں ، ایس ای مرزا احسان الٰہی ، ایس ڈی او یٰسین ، ریجنل چیئرمین اقبال ڈار ،ولی الرحمان خاں، پرویز لنگڑیال، محمد حفیظ، مظہر حسین ،حاجی احمد، مبشر مسعود بٹ ، حاجی محمد افضل ، سید قیصر عباس شاہ ، الیاس غفاری ، محمد ارشد ، عباس تقی شاہ ، ناصر عباس ، سعید انور نے ذیشان کی بیوہ ردا انجم کے گھر جا کر اُسکے حوالے کیا یاد رہے کہ 27روز قبل ذیشان عرف شانی محلہ حیات النبی میں کام کے دوران اچانک بجلی کی تاروں سے چمٹ کر جھلس گیا تھا جو 20روز موت و حیات کی کشمکش میں رہنے کے بعد جنرل ہسپتال لاہور میں جاں بحق ہو گیا تھا جسے یونین کی کاوشوں سے چیک دیا گیا اس موقع پر مرحوم کی روح کے ایصال ثواب کیلئے فاتحہ خوانی بھی کی گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جمعیت علما اہلحدیث پاکستان کے چیرمین قاضی عبدالقدیر خاموش نے کالعد م لشکر جھنگوی کے سربراہ ملک اسحاق کی پولیس مقابلے میں ہلاکت پر افسوس کااظہار کرتے ہوئے کہا ہے ماورائے عدالت قتل حکومت کی ناکامی ہے۔ اگر پولیس نے ہی ملزموں کو انصاف کے تقاضوں کو پورا کئے بغیر قتل کرنا ہے تو عدالتیں بند کردیں۔ علما کے وفد سے گفتگومیں قاضی عبدالقدیر خاموش نے کہا کہ دہشت گردوںکا خاتمہ ضروری ہے۔مگر اس کے لئے انصاف کے تقاضوں کو پورا کیا جانا ضروری ہے۔ انہوں نے کہا کہ توہین رسالت کے مقدمات میں بھی ہم نے ہمیشہ یہی زوردیاہے کہ قانو ن کے مطابق فیصلے کئے جائیں تاکہ کسی کو ماورائے عدالت اقدام کی جرات نہ ہو۔ان کا کہنا تھا کہ قانو ن اور آئین سے ماورا اقدامات سے انارکی پھیلے گی۔جو ملکی سلامتی کے لئے خطرہ ہے۔ قاضی عبدالقدیر خاموش نے کہا کہ مظفر گڑھ میں ہونے والے واقعہ سے واضح ہوگیا کہ پنجاب پولیس قیدیوں کی حفاظت کرنے میں ناکام رہی ہے۔
…………………………………… …………………………………… گجرات(جی پی آئی)پاکستان کے خاکے میں مصور پاکستان علامہ اقبال کے افکار کا رنگ ہی خوشحالی و ترقی کی کلید ہے۔علم و دانش کی ترویج دنیا کے تمام مہذب معاشروں کاطرۂ امتیاز ہے۔ طلبا وطالبات میں علم و تحقیق کی لگن پیدا کرنے کے لیے کتابیں اہم کردار ادا کرتی ہیں۔ اساتذہ کا اوّلین فریضہ کتاب کے ساتھ طلبہ کا صحیح معنوں میں رشتہ استوار کرنا ہے۔ کتاب عملاً علم کی کنجی ہے جو ہمارے لیے علوم و فنون کے بیش بہا دروازوں کے در واکرتی ہے۔ میں فکر اقبال کے مبلغ ملک محمد افضل برنلے کا شکر گزار ر ہوں کہ اُنہوں نے جامعہ گجرات کی لائبریری کے لیے کتابیں پیش کیں ۔ ان کی یہ پیش کش لائبریری میں ایک انمول عطیہ کے طور پر یاد رکھی جائیگی۔ ان خیالا ت کا اظہار وائس چانسلر جامعہ گجرات پروفیسر ڈاکٹر ضیاء القیوم نے ضلعی امیر جماعت اسلامی گجرات ڈاکٹر طارق سلیم کی جانب سے عطیۂ کتب کے موقع پر کیا۔یہ کتب یوکے کی ممتاز علمی و سماجی شخصیت ملک محمد افصل برنلے نے گوشۂ اقبال کے لیے تحفہ کے طور پر بھجوائیں ہیں۔ ملک محمد افضل کی جانب سے ڈاکٹر طارق سلیم اور سینئر صحافی وسیم اشرف بٹ نے کتب کا یہ تحفہ شیخ الجامعہ کو پیش کیا۔ملک محمد افضل کی جانب سے عطیہ کی جانے والی کتب زیادہ تر اقبالیات اور مطالعۂ اقبال پر مشتمل ہیں۔ڈاکٹر طارق سلیم نے کہا کہ اسلام ایک ایسا دین ِلازوال ہے جس کی بنیاد علم اورترویج و اشاعت علوم پر رکھی گئی۔ جامعہ گجرات طلبہ میں علم کی دولت کو تقسیم کرنے کے ساتھ ساتھ ان کی کردار سازی پر بھرپور توجہ دیتے ہوئے انہیں معاشرہ کا ایک صالح اور کامیاب فرد بنانے میں مدد دے رہی ہے۔ کتابیں امت مسلمہ کا علمی سرمایہ اور وجہ ٔ افتخار ہیں۔ سینئر صحافی وسیم اشرف بٹ نے کہا کہ فکر اقبال کا فروغ ہماری اجتماعی ذمہ داری ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)جامعہ گجرات کے نواز شریف میڈیکل کالج میں یونیورسٹی آف ہیلتھ سائنسز کے زیر اہتمام میڈیکل کالجوں میں داخلہ کے خواہشمند طلبا و طالبات کے لیے انٹری ٹیسٹ کی ذیل میں تعارفی سیمینار کا انعقاد ہوا۔ اس سیمینار میں طلبا و طالبات کی بھاری تعداد نے اپنے والدین کی ہمراہی میں شرکت کی۔ یونیورسٹی آف ہیلتھ سائنسز کے فوکل پرسن ڈاکٹر ثاقب محمود نے اس سیمینار میں امیدواران کی راہنمائی کا فریضہ سر انجام دیتے ہوئے انہیں انٹری ٹیسٹ بارے تفصیلات ، داخلہ بھیجنے کے طریق کار، پرچہ جات حل کرنے بارے ہدایات اور دوسری متعلقہ معلومات سے سیر حاصل آگاہی بخشی۔ یاد رہے کہ پنجاب بھر کے میڈیکل کالجز میں داخلہ کے لیے انٹری ٹیسٹ کا انعقاد 30اگست2015کو ہو رہا ہے۔ اس انٹری ٹیسٹ کا انعقاد حکومت پنجاب کی جانب سے یونیورسٹی آف ہیلتھ سائنسز کی ذمہ داری ہے۔ میڈیکل و ڈینٹل کالجز میں داخلہ کے لیے اس انٹری ٹیسٹ کو از حد اہمیت حاصل ہے۔ پنجاب کے میڈیکل و ڈینٹل کالجزمیں امسال اوپن میرٹ کے ذریعے داخلہ کے لیے ایم بی بی ایس کے لیے 3022اور بی ڈی ایس کے لیے175سیٹیں مختص کی گئی ہیں۔ نواز شریف میڈیکل کالج میں اس تعارفی سیمینار کے اختتام پر طلبا وطالبات اور ان کے والدین نے اپنی معلومات میں اضافہ کے لیے ڈاکٹر ثاقب محمود سے بالمشافہ گفتگو بھی کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) تھانہ سول لائن پر عدالتی بیلف کا چھاپہ ۔ 2 افراد بازیاب ۔ تفصیلات کے مطابق گزشتہ رات عدالتی بیلف نے تھانہ سول لائن میں چھاپہ مار کر غیر قانونی طور پر حوالات میں بند 2 افراد مبشر اور لیاقت کو بازیاب کروا لیا۔ اور تھانہ کے ریکارڈ کو قبضہ میں لے لیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) پاکستان فیڈرل یونین آف جرنلسٹ نے گجرات سمیت ملک بھر میں تنظیمی انتخابات کے شیڈول کا اعلان کر دیا ہے۔ جس کے مطابق تمام اضلاع میں تمام تنظیمیں ممبر شپ آج مکمل کر کے فیڈرل کو بھجوائیں۔ یاد رہے کہ پاکستان فیڈرل یونین آف جرنلسٹ کے عہدیداران کی معیاد 31 اگست کو ختم ہو رہی ہے اور ملک بھر میں یکم ستمبر سے 15 ستمبر تک تمام اضلاع میں الیکشنز ہونگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)پیپلز پارٹی کی دور حکومت میں چین اور ایران سے کیے گئے معاہدوں کے ثمرات ملنا شروع ہو گئے ہیں ان خیالات کا اظہار پیپلز پارٹی کے را ہنماسابق کواڈینیٹروزریر اعظم آزاد کشمیر چوہدری مسعود احمدگجر نے اپنے ایک بیان مین کیا ہے انہوں نے کہا کہ ایران سے عالمی پابندیاں ہٹنے سے پاک ایران پائپ لا ئن منصوبہ اپنی تکمیل کے مراحل میں پہنچ گیا ہے اس سے پاکستان کی توانائی بحران کا مکمل خاتمہ ہو گا اور اقتصادی سرگرمیوں کو بھی فروغ ملے گا اور اس سے بے روز گاری بھی کم ہو گی انہوں نے کہا کہپیپلز پارٹی نے ہمیشہ ملک وقوم کے مفاد میں فیصلے کیے ہیں ،چاہینہ کے تعاون سے گوادر بند گاہ کو فنکشنل کرنے کا سہر ا بھی پیپلز پارٹی کی قیادت کے سر جاتا ہے ،47ارب ڈالر کے نئے معاہدوں سے پاکستان میں بیروز گارافراد کے لیے روز گار کے مواقع بھی میسر ہو نگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ڈویژنل پبلک سکول لالہ موسیٰ میں فوری طور پر کلاسز کا آغاز کرنے کا فیصلہ کیا گیا ہے، ادارے کے لئے عارضی طور پر عمارت کے انتخاب کے لئے کمیٹی قائم کردی گئی ہے جبکہ سکول کی بلڈنگ کی تعمیر کے لئے ایلیمنٹری کالج سے ملحقہ اراضی کا انتخاب کر لیا گیاہے ۔ منصوبے کے لئے اراضی کی منظوری کمشنر گوجرانوالہ ڈویژن شمائل احمد خواجہ کی زیر صدارت اجلاس میں دی گئی جس میں ڈی سی او لیاقت علی چٹھہ نے ایم این اے چوہدری جعفر اقبال، ایم این اے نوابزادہ مظہر علی خان، ایم پی اے میجر (ر) معین نواز، اسسٹنٹ کمشنر کھاریاں افشاں رباب، پرنسپل جناح پبلک سکول ترنم ریاض اور دیگر افسران نے شرکت کی۔ کمشنر گوجرانوالہ ، ڈی سی او گجرات نے ارکان اسمبلی کے ہمراہ بعدازاں کے ہمراہ گذشتہ روز منصوبے کے لئے منتخب کردہ اراضی کا معائنہ کیا اور مذکورہ اراضی کو سکول کی تعمیر کے لئے موزوںقرار دیتے ہوئے یہاںسکول کی تعمیر کی منظوری دے دی۔ اجلاس میںفیصلہ کیا گیا کہ ایم این اے چوہدری جعفر اقبال ، پرنسپل ترنم ریاض، سربراہ لوکل گورنمنٹ اکیڈمی شہزاد احمد اور اسسٹنٹ کمشنر افشاںرباب پر مشتمل کمیٹی فوری طور پر ڈی پی ایس لالہ موسیٰ برانچ میںکلاسز کے آغاز کے لئے عارضی طور پر عمارت کا انتخاب کرے گی جبکہ سکول کی اپنی بلڈنگ کی تعمیر کے بعد اسے نئی عمارت میں منتقل کر دیا جائیگا۔ سکول کے لئے اراضی کے معائنہ کے موقع پر بات چیت کرتے ہوئے کمشنر گوجرانوالہ ڈویژن شمائل احمد خواجہ نے کہاکہ ڈی پی ایس لالہ موسیٰ کے لئے بہترین عمارت تعمیر کی جائے گی تاکہ علاقہ کے لوگوں کو اپنے بچوںکو بہتر تعلیم کے مواقع میسر آسکیں۔ انہوںنے کہا کہ سکول کے لئے منتخب کردہ اراضی سرکاری ہے تاہم اسکی قیمت کا اندازہ 20سے 25کروڑ روپے ہے اور توقع ہے کہ عمارت کی تعمیر پر بھی 15سے 20کروڑ روپے خرچ ہوں گے۔ انوہںنے کہا کہ اس سے قبل ڈی پی ایس وزیر آباد برانچ کے لئے تخمینہ جات تیار کر لیا گیا ہے اور ادارے میں کلاس رومز سمیت 70کمروںکی تعمیر پر 25کروڑ روپے خرچ ہوں گے۔ کمشنر گوجرانوالہ ڈویژن شمائل احمد خواجہ نے معززین علاقہ سے خطاب کرتے ہوئے کہا کہ گوجرانوالہ ڈویژن میں سکول اڈاپٹ کرنے کی پالیسی شروع کی گئی ہے گجرات کے صاحب ثروت افراد بھی آگے آئیں اور پبلک سیکٹر کے سہولیات سے محروم سکولوں کی ذمہ داری لے کر تعلیم کے فروغ کے لئے کردار ادا کریں۔ انہوںنے بتایا کہ گوجرانوالہ میں اس منصوبے کاآغاز کر دیا گیا ہے اور اگست میں ڈونرز کانفرنس بھی بلائی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)کمشنر گوجرانوالہ ڈویژن شمائل احمد خواجہ نے محکمہ انہار کے افسران کو ہدایت کی ہے کہ گذشتہ سال دریائے چناب میں سیلاب سے متاثر ہونیوالے حفاظتی بندوں کی مرمت کا کام بلا تاخیر مکمل کیا جائے ، روڈز ڈیپارٹمنٹ نئی سٹرکوں کی تعمیر کے ساتھ پانی کے نکاس کے لئے ڈرین بھی بنائے جبکہ آئندہ تعمیر ہونیوالی سٹرکوں پر نمایاں طور پر انکی معیاد بھی آویزاں کی جائے ۔ ان خیالات کا اظہار انہوںنے ڈی سی او آفس میںسیلاب سے بچائو کے لئے اقدامات اور ترقیاتی منصوبوںکے جائزہ اجلاس سے خطاب کرتے ہوئے کیا۔ سیکرٹری ماحولیات اقبال چوہان، ڈی سی او لیاقت علی چٹھہ، ارکان اسمبلی نوابزادہ مظہر علی خان، چوہدری جعفر اقبال، چوہدری عابد رضا، میاں طارق محمود، چوہدری اشرف دیونہ ، ملک حنیف اعوان، میجر (ر) معین نواز، مسلم لیگ ن کے راہنما حاجی ناصر محمود ، چوہدری رضا علی وڑائچ، نوابزادہ طاہر الملک، اے ڈی سی عرفان علی کاٹھیا، ڈی او سی وقار خان، اسسٹنٹ کمشنرز میاں اقبال مظہر، افشاں رباب، شعیب نسوانہ اور دیگر ڈویژنل و ضلعی افسران بھی موجود تھے۔ ایس ای انہار شیخ معین الدین نے سیلاب سے بچائو کے لئے اقدامات بارے بریفنگ دیتے ہوئے بتایا کہ گذشتہ سال دریائے چناب میں سیلاب سے متاثر ہونیوالے شہباز پور، سرخپور ، بہلولپور، شام پور، کالووال، کوٹ پتواں ، پنڈی بند کی مرمت اور انہیں مضبوط بنانے کا کام تیزی سے جاری ہے اس کے علاوہ چھانگاں اور بہلولپور میں نئی سکیموں پر بھی کام جاری ہے یہ منصوبہ جات ماہ اگست کے پہلے اوردوسرے ہفتے تک مکمل کر لئے جائیں گے۔ ڈی سی او گجرات لیاقت علی چٹھہ نے کمشنر گوجرانوالہ ڈویژن کو نئے منصوبہ جات اور جاری منصوبوں پر فزیکل اور فنانشل پراگریس سے آگاہ کیا۔ کمشنر گوجرانوالہ ڈویژن شمائل احمد خواجہ نے اجلاس سے خطاب کرتے ہوئے ہدایت کی کہ محکمہ انہار حفاظتی بندوں پر جاری کام کو دی گئی ڈیڈ لائن کے مطابق مکمل کرنے کے لئے تمام تر وسائل برئوے کار لائے تاکہ ممکنہ سیلاب سے ان علاقوں کے مکینوںکے جان و مال کو محفوظ بنایا جا سکے۔ انہوںنے ارکان اسمبلی کی طرف سے نہر اپر جہلم اور نالہ بھمبر کے حفاظتی پشتہ جات اور بندوں کے مضبوطی اور مرمت کے لئے متعلقہ افسران کو ہدایات جاری کیں جبکہ این اے 104کے علاقہ میں میںدیرنہ جھال ختم ہونے سے کسانوںکو آبپاشی میں مشکلات کے خاتمہ کے لئے ایس ای انہار کو ایک ماہ میں مسئلہ حل کرانے اور موگوں تک پانی فراہم کرنے کے لئے اقدامات اٹھانے کی ہدایت کی۔ کمشنر گوجرانولہ ڈویژن شمائل احمد خواجہ نے کہا کہ ترقیاتی منصوبوںکی تکمیل میں کرپشن اور ناقص میٹریل کا استعمال ہرگز برداشت نہیںکیا جائے گا، محکمہ شاہرات جن سٹرکوں کی تعمیر کرے ان پر نصب شدہ بورڈ ز پر تخمینہ لاگت اور دیگر معلومات کے علاوہ یہ بھی درج کیا جائے کہ مذکورہ سٹرک کی کتنی معیاد ہے تاکہ اس علاقہ کے مکینوںکو منصوبے کی عمر کا علم ہو اور کسی بھی بدعنوانی کی صورت میں وہ حکام کو آگاہ کر سکیں نیز یقینی بنایا جائے کہ ہر سٹرک کے ساتھ پانی کے ڈرینج کا بھی انتظام ہو ۔ انہوںنے گیپکو افسران کو ہدایت کی کہ مدینہ اعوان شریف روڈ سے کھمبوںکی منتقلی کا عمل بلا تاخیر مکمل کیا جائے نیز ارکان اسمبلی کے فنڈز سے سکیموںکے تخمینہ جات تیار کر کے ان پر بلا تاخیر کام شروع کیا جائے۔ کمشنر گوجرانوالہ نے سٹی روڈز پراجیکٹ کے حوالے سے ہدایت کی کہ جو ٹھیکیدار پرفارمنس سکیورٹی جمع نہیں کر ا رہے انکی زر ضمانت ضبط کر لی جائے۔ انہوںنے ارکان اسمبلی کی نشاندہی پر گلیانہ روڈ پل اور بعض دیگر منصوبوں پر رکاوٹیں بلا تاخیر دو ر کرنے کے لئے اقدامات کی ہدایت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) سابق چیئرمین بلدیہ لالہ موسیٰ صدر شہری جمہوری اتحاد شیخ حفیظ اللہ صدیقی نے چیئرمین مرکزی انجمن تاجران لالہ موسیٰ شیخ انور مسعود کے ہمراہ پاکستان تحریک انصاف کے ضلعی راہنما نوازش علی شیخ ایڈووکیٹ سے انکی رہائش گاہ پر ملاقات کی ،ملاقات میں بلدیاتی انتخابات اور لالہ موسیٰ شہر کے مسائل کے حوالے سے تفصیلی طور پر تبادلہ خیال کیا گیا،اور اصولی موقف اختیار کیا گیا کہ لالہ موسیٰ کو دیانتدار،محنتی اور لالہ موسیٰ کے مسائل کو حل کرنے کی صلاحیت رکھنے والے لوگوں کی ضرورت ہے لالہ موسیٰ میں مختلف برادریوں اوراچھی شہرت کے حامل افراد کو انتخابات میں حصہ لینے پر آمادہ کیا جائے اور جن کا تعلق بالخصوص لالہ موسیٰ کے شہری حلقہ سے ہو انہی لوگوں کو ترجیح دی جائے ،علاقائی گروہ بندی اور دھڑے بندی سے بالا تر ہو کر شہر کی خدمت کیلے کام کرنے والوں کو موقع دیا جائے،اس موقع پرپاکستان تحریک انصاف کے راہنما نوازش علی شیخ ایڈووکیٹ نے کہاکہ ہم لالہ موسیٰ کی تمام برادیوں اور اچھی شہرت کے حامل افراد کو ساتھ لے کر چلنے کی منصوبہ بندی کر رہے ہیں بلدیاتی انتخابات میں لالہ موسیٰ کے عوام کے مفاد کو ترجیح دیں گے۔
محکمہ موسمیات نے ہمیں درست اطلاعات فراہم نہی کی۔ ڈی سی بدین
سابق قومی کرکٹر اقبال قاسم نے این بی پی ڈسٹرکٹ سنٹرل فٹ بال چمپئن شپ کا افتتاح کردیا
