انٹرنیشنل ارائیں فورم کے چیئرمین روحیل اکبر نے کہا کہ پاکستان کو عدم استحکام سے دوچار کرنے کیلئے بھارت ہمیں اندرونی و بیرونی جارحیت کا نشانہ بنارہا ہے۔ ایک جانب آبی دہشتگردی کے ذریعے بھارت پاکستان کو سیلابی ریلوں میں غرقاب کردینا چاہتا ہے تو دوسری جانب دہشتگردی اور ٹارگیٹ کلنگ کے ذریعے پاکستان میں بد امنی پھیلانے کی سازش کررہا ہے۔
جبکہ تیسری جانب سرحدوں پر فائرنگ و گولہ باری کے ذریعے پاکستان کی سلامتی کو نقصان پہنچانے کی کوشش کررہا ہے ۔ اپنے ایک بیان میںانہوںنے کہا کہ خود کش حملوں کے ذریعے امن برباد کرنے والی جہادی تنظیموں کو ہی نہیں بلکہ ٹارگیٹ کلرز کو بھی بھارتی معاونت وسرپرستی حاصل ہے اسی لئے پاکستان میں بد عنوانی و کرپشن میں ملوث افراد کیخلاف تحقیقات کے آغازاور ملک اسحاق کی ہلاکت کے بعد نہ صرف وزیر خارجہ پنجاب شجاع پیرزادہ کو شہید کیا گیا۔
متحدہ رہنما رشید گوڈیل پر قاتلانہ حملہ ہوا بلکہ لاہورمیں بڑی دہشتگردی کی اطلاعات بھی ہیں اسلئے عوام کے جان و مال کو محفوظ بنانے کیلئے افواج پاکستان کی جانب سے لاہور میں بھی کراچی و سوات طرز کا آپریشن ناگزیر ہوچکا ہے وگرنہ بھارت پاکستان کو بد ترین دہشتگردی کا نشانہ بناکر اسے خانہ جنگی سے دوچار کرکے ناکام ریاست میں تبدیل کرنے کی سازش کررہا ہے۔
خواتین کو مساوی حقوق کی فراہمی سے ہی معاشرہ ترقی کر سکتا ہے، نیشنل ڈائریکٹر
بدین کے نواحی علاقے ٹنڈو غلام علی میں پولیس کا مبینا نجی جیلوں پر چھاپا
