راولپندی (جیوڈیسک) اڈیالہ جیل کی انتظامیہ نے سزائے موت پرعمل درآمد کے لئے 20 قیدیوں کو پھانسی گھاٹ سے متصل خصوصی سیل منتقل کر دیا۔
راولپنڈی کی اڈیالہ جیل میں پھانسی کے منتظر قیدیوں کی سزاؤں پرعمل درآمد کا تیسرا مرحلہ آئندہ ماہ شروع کیا جا رہا ہے، متعلقہ عدالتوں کی جانب سے پھانسی کے منتظر 4 قیدیوں کے ڈیتھ وارنٹ معطل کردیئے گئے ہیں۔
ان پر فیصلہ آئندہ ہفتہ متوقع ہے جب کہ صدرمملکت ممنون حسین کے پاس سزائے موت کے 20 قیدیوں کی رحم کی اپیلیں زیرالتواء ہیں۔ جیل انتظامیہ کا کہنا ہے کہ ان اپیلوں پر صدر مملکت کا فیصلہ بھی آئندہ 2 ہفتوں میں متوقع ہے۔
جیل کے ان 20 سزائے موت کے قیدیوں کو پھانسی گھاٹ کے قریبی سیل میں منتقل کیا جا چکا ہے۔
واضح رہے کہ سانحہ پشاور کے بعد ملک بھر میں اب تک 150 سے زائد مجرموں کی سزائے موت پر عمل کیا جا چکا ہے۔
لاہور سمیت مختلف علاقوں میں بوندا باندی، موسم خوشگوار ہو گیا
این اے 122 کے فیصلے کا احترام کرتے ہیں، اتفاق نہیں، پرویز رشید
