ملتان (جیوڈیسک) پاکستان تحریک انصاف کے رہنما جہانگیر ترین نے کہا ہے کہ دھاندلی کے واضح ثبوت الیکشن ٹریبونل میں جمع کرائے تھے، جیت کیلئے پرامید ہوں۔
الیکشن ٹریبونل آمد کے موقع پر میڈیا سے گفتگو کرتے ہوئے جہانگیر ترین نے کہا کہ عوام کی دعائیں ہمارے ساتھ ہیں، دھاندلی کے واضح ثبوت الیکشن ٹریبونل میں جمع کرائے تھے،دعا کرتا ہوں کہ فیصلہ پی ٹی آئی کے حق میں آئے۔
جہانگیر ترین نے مطالبہ کیا کہ الیکشن کمیشن کے چاروں ممبران مستعفی ہو جائیں۔ اس موقع پر الیکشن ٹریبونل کے باہر پی ٹی آئی کے کارکن بڑی تعداد میں موجود تھے ،جو ڈھول کی تھاپ پر رقص کرتے اور نعرے لگاتے رہے۔
چین کی دریائے سندھ کے مختلف مقامات پر 35 ہزار میگا واٹ کے 8 منصوبے لگانے میں دلچسپی
کنٹونمنٹ کی حدود میں ترانوے غیر قانونی سائن بورڈز نصب ہیں، سپریم کورٹ میں رپورٹ جمع
