ممبئی (جیوڈیسک) بالی ووڈ اداکارہ سونم کپور نے اپنے والد انیل کپور اور بہن ریحا کپور کے بعد پروڈکشن کے میدان میں قدم رکھ دیا ہے۔
بھارتی میڈیا کے مطابق انوشکا شرما سمیت دیگر اداکارائیں پروڈکشن میں قدم رکھ چکی ہیں اب سونم کپور نے اداکاری کے بعد اپنی بہن ریحا کے کہنے پر اس میدان میں بھی قدم رکھ دیا ہے اطلاعات کے مطابق وہ فلم ’’بیٹل فار بیٹورا‘‘ کی پروڈکشن کا کام کررہی ہیں ۔ سونم کپور نے اپنے ایک بیان میں کہا ہے کہ وہ فلم کی پروڈکشن ہر مرحلے فنانس ریسرچ ، اداکاروں کے انتخاب اور ان کے لباس منتخب کرنے کے ہر مرحلے میں شریک رہی ہوں۔
اداکارہ کا مزید کہنا تھا کہ وہ اپنی بہن ریحا کپور کی ہدایتکاری میں 2010 میں بنائی جانیوالی فلم ’’عائشہ ‘‘ کی شوٹنگ کے دوران ہی پروڈکشن کے میدان میں قدم رکھ چکی تھیں مگر اس کا اعلان نہیں کیا گیا تھا اب ان کا نام فلم کے ٹائٹل پر معاون پروڈیوسر کے طور پر بھی لکھا جائے گا۔
اپنے بیان میں سونم کپور نے مزید کہا کہ وہ بیٹل فار بیٹورا کے علاوہ ایک اورجذبانی رومانوی فلم کی پروڈکشن بھی کررہی ہیں جو ابھی ابتدائی مراحل میں ہے اس لیے اس کے بارے میں زیادہ تفصیلات نہیں بتائی جاسکتیں ۔ واضح رہے کہ فلم بیٹل فار بیٹورا میں سونم کپور کے ساتھ فواد خان مرکزی کردار نبھا رہے ہیں فلم کی کہانی سیاسی طور پر ایک دوسرے کے مخالف دو خاندانوں پر مبنی اور روامنی کہانی پر مبنی ہے جو انوجا چوہان کے اس نام سے تحریر کردہ ناول سے ماخوز ہے اور اسے رواں برس کے آخر میں سینماگھروں کی زینت بنایا جائے گا۔
ادھر یویو ہنی سنگھ کے سونم کپور کا رتیک روشن پر عکس بند کیے جانے والے گانے ’’دھیرے دھیرے‘‘ کی وڈیو یوٹیوب پر دو روز کے دوران چالیس لاکھ افراد نے دیکھ لیا ہے۔ اس بات کا اعلان گزشتہ روز سونم کپور نے سماجی رابطے کی ویب سائٹ ٹوئیٹر پر مداحوں کو اپنے ایک پیغام میں کیا جس میں انھوں نے بڑی تعداد میں گانا دیکھنے والوں کا شکریہ بھی ادا کیاہے جب کہ ہنی سنگھ نے بھی چار لاکھ سے زائد افراد کی طرف سے گانا دیکھے جانے کی تصدیق کی ہے۔
مسٹر بین اپنے دوست ٹیڈی کے ہمراہ بکنگھم پیلس پہنچ گئے
فواد خان اپنی نئی فلم میں ایشوریہ بچن کے ساتھ جلوہ گر ہوں گے
