اس دشمنِ جاناں کو نہ پھر یاد کروں گا
Posted on September 21, 2015 By Mohammad Waseem آپکی شاعری, شاعری
اس دشمنِ جاناں کو نہ پھر یاد کروں گا
ہر گز نہ غمِ دل کو کبھی شاد کروں گا
جب میرے دلِ زار کی سنتا نہیں تو بھی
نہ زار کروں گا نہ ہی فریاد کروں گا
جس میں تیری یادیں تیری حسرت نہیں جاگے
اک ایسا گلستاں کوئی آباد کروں گا
اک عمر گذاری ہے اُمیدوں کی گلی میں
اب سے کسی لمحہ کو نہ برباد کروں گا
دل تیرے خیالوں کی اسیری میں ہے لیکن
اس دل کو خیالات سے آزاد کرون گا
جل کر غمِ ہجراں میں نثار عالمِ دل میں
اک خار کھٹکتا ہوا ایجاد کروں گا
Ahmed Nisar
تحریر : سید نثار احمد
راستوں میں قافلے کا نقشِ پا رہ جائے گا
شرف میزبانی
