لاہور (جیوڈیسک) مسلم لیگ ن کے رہنما ایاز صادق نے کہا ہے کہ عدلیہ کو الیکشن مشینری کی خرابی کی ذمہ داری ان پر نہیں ڈالنی چاہئے تھی، وہ سپریم کورٹ میں جانے کے بجائے اپنا فیصلہ عوام کی عدالت میں رکھیں گے۔
لاہور کے علاقے یو سی 120 میں کارکنوں سے خطاب کرتے ہوئے مسلم لیگ ن کے رہنما ایاز صادق کا کہنا تھا کہ عمران خان کو ملک کی نہیں بلکہ وزیر اعظم بننے کی فکر ہے۔
اسی وجہ سے وہ ن لیگ پر من گھڑت الزامات کی بوچھاڑ کر دیتے ہیں ، ان کا کہنا تھا کہ الیکشن جیت کر عمران خان کو بتا دوں گا کہ عوام ن لیگ کے ساتھ ہے۔
ان کا کہنا تھا کہ عدلیہ کو الیکشن مشینری کی خرابی کی ذمہ داری ان پر نہیں ڈالنی چاہئے تھی ، رپورٹ میں کہیں بھی دھاندلی کا ذکر نہیں کیا گیا۔
ناراض بلوچوں سے مذاکرت کا عمل بقر عید کے بعد شروع ہو گا
پاک فوج کے 4 میجر جنرلز کو لیفٹیننٹ جنرل کے عہدوں پر ترقی دے دی گئی
