کراچی (جیوڈیسک) گذشتہ ایک ہفتے کے دوران کپاس کی فی من قیمت 500 روپے اضافہ سے 5500 ہوگئی۔ حالیہ اضافے کے بعد کپاس کی قیمت رواں سیزن کی ریکارڈ سطح پر پہنچ گئی۔
کاٹن جنرز فورم کے مطابق کپاس کی کم پیداوار کے خدشات کے باعث ایک ہفتے کے دوران اس کی قیمت میں 500 روپے تک کا اضافہ ہوگیا ہے جس کے بعد کپاس کی قیمت 5500 روپے فی من ہوگئی ہے۔
حالیہ اضافے کے بعد کپاس اور پھٹی کی قیمتیں رواں سیزن کی ریکارڈ سطح پر پہنچ چکی ہیں ۔ واضح رہے کہ رواں سال کپاس کی پیداوار 26 فیصد کی کمی سے 30 لاکھ بیلز رہی جس میں سے 22 لاکھ بیلز ٹیکسٹائل انڈسٹری ، 2 لاکھ 30 ہزار بیلز برآمد کندگان نے خریدی ہیں جبکہ 753 جننگ ملز کپاس کی تیاری میں مصروف ہیں۔
واحد اسپورٹس شوٹنگ بال کلب کی ایڈیشنل ڈپٹی کمشنر کورنگی سراج الدین کو حج کی سعادت حاصل کرنے پر مبارکباد
منیر یعقوب اور زاہد حسین نائب امیر ضلع وسطی مقرر
