نئی دلیاد (جیوڈیسک) بھارت کی ہندو انتہا پسند تنظیم شیوسینا کے دہشت گردوں نے نہ پہلے چیرمین پی سی بی شہریار خان کی موجودگی میں بھارتی کرکٹ بورڈ کے دفتر پر حملہ کیا اور پھر ’ہندوسینا‘ کے بلوائیوں نے مقبوضہ کشمیر کے مسلم رکن اسمبلی راشد انجینئر کو زدو کوب کیا اور ان کے منہ پر سیاہی پھینک دی۔
بھارتی میڈیا رپورٹس کے مطابق مقبوضہ کشمیر کے مسلم رکن اسمبلی راشد انجینئر بھارتی دارالحکومت نئی دلی کے پریس کلب میں تھے کہ ہندو سینا کے بلوائیوں نے انھیں پہلے زدو کوب کیا اور پھر ان کے منہ پر سیاہی پھینک دی۔ انجینئر راشد کا اس موقع پر کہنا تھا کہ حملے سے ثابت ہو گیا کہ یہ مودی کا بھارت ہے گاندھی کا نہیں، پاکستان پر طالبانائزیشن کا الزام لگایا جاتا ہے لیکن دنیا دیکھے کہ بھارت میں کیا ہو رہا ہے۔
قبل ازیں چیرمین پی سی بی شہریار خان کی ممبئی آمد پر شیو سینا کے غنڈوں نے بھارتی کرکٹ بورڈ کے ہیڈ کوارٹر پر دھاوا بول دیا جس کی وجہ سے شہریار خان کی بھارتی حکام کے ساتھ میٹنگ کو ممبئی سے نئی دلی میں کسی خفیہ مقام پر منتقل کرنا پڑا۔
واضح رہے کہ رواں ماہ کے آغاز میں بھی انتہا پسند ہندوؤں نے مسلم رکن اسمبلی راشد انجینئر کو مقبوضہ کشمیر کی اسمبلی میں تشدد کا نشانہ بنایا تھا۔
سورج کی روشنی سے فائدہ اٹھانے کی خاطر یورپ میں گھڑیاں ایک گھنٹہ پیچھے کر دی جائیں گی
دورہ امریکا میں پاکستان کے مفادات کا مکمل تحفظ کریں گے، وزیراعظم نوازشریف
