پیرس (زاہد مصطفی اعوان سے) غیر ملکی میڈیا نے دعویٰ کیا ہے کہ پیرس حملوں کا مبینہ ماسٹر مائنڈ عبدالحمید نواحی علاقے سینٹ ڈینس میں 5 گھنٹے تک جاری رہنے والے پولیس آپریشن میں مارا گیا ہے۔
پیرس کے نواحی علاقے سینٹ ڈينس میں آپریشن پانچ گھنٹے جاری رہا،اس دوران 3 دہشتگرد مارے گئے جبکہ پانچ افراد کو حراست میں لیا گیا ہے کارروائی میں 3 اہلکار زخمی ہوئے۔
پولیس نے دہشتگردی کی پلاننگ کی اطلاع پر سینٹ ڈینس میں چھاپا مارا تھا، مشتبہ خاتون نے پولیس کو دیکھ کر کھڑکی بند کرلی اور پولیس کے پہنچتے ہی خاتون نے خود کو دھماکے سے اڑا لیا۔
فرانسیسی میڈیا کے مطابق اپارٹمنٹ میں موجود دہشتگردوں کی فائرنگ سے پولیس ایک تربیت یافتہ کتا بھی مارا گیا ،پولیس نے اپارٹمنٹ مبینہ دہشتگردوں کو کرائے پر دینےوالا مالک بھی حراست میں لے لیا ہے۔ امریکی میڈیا کے مطابق پیرس حملوں کے ایک اور مبینہ حملہ آور صالح عبدالسلام کی تلاش جاری ہے۔
پیرس حملوں کا ماسٹر مائنڈ مارا گیا، غیر ملکی ایجنسی
سعودی عرب میں شدید بارشوں اور سیلاب کے نتیجے میں مرنے والوں کی تعداد بارہ ہو گئی
