لاہور (جیوڈیسک) ماڈل واداکارہ ریچل خان نے کہا ہے کہ عمر اکمل کو پہلے سے نہیں جانتی تھی۔
اگر کوئی مرد میری عزت پر بات کرے گا یا برا بھلا کہے گا تو پھر ایسے مرد کو تھپڑ نہیں بلکہ جوتے پڑنے چاہئیں۔ میرا حقیقی بھائی بھی اگرایسی کوئی حرکت کرے گا تووہ اس مار کا حقدار ٹھرے گا۔
جہاں تک بات مجھے عمراکمل کی طرف سے پچاس کروڑکا لیگل نوٹس ملنے کی ہے تووہ تاحال نہیں ملا، اگرایسا ہوا تومیں بھی ان کوقانونی طریقے سے جواب دیتے ہوئے ایک ارب روپے کا لیگل نوٹس بھیجوں گی بلکہ ان کے خلاف ثبوت بھی عدالت میں پیش کرونگی۔ البتہ عمراکمل میڈیا کے سامنے مجھ سے معافی مانگیں اوراپنی غلطی کا اعتراف کریں توپھریہ لڑائی یہاں ہی ختم ہوجائے گی۔
ان خیالات کا اظہار ریچل خان نے گفتگو کرتے ہوئے کیا۔ انھوں نے کہا کہ میرا تعلق ایک عزت دارگھرانے سے ہے اورمجھے بچپن سے محفل کے آداب اورچھوٹے، بڑے سے بات کرنے کی تربیت دی گئی ہے۔ میں نے اپنے فنی سفرکے دوران ہمیشہ اپنے سینئرز کا احترام کیا ہے اور جونیئرز سے شفقت کا رویہ اپنایا ہے۔
اس فیلڈ سے وابستہ لوگ مجھے اچھی طرح جانتے ہیں لیکن جس طرح عمراکمل کا رویہ تھا ، اس پرمجھے غصہ آگیا اوریہ واقعہ رونما ہوگیا۔ انھوں نے کہا کہ عمراکمل کو چاہیے کہ وہ مجھ سے جھگڑا کرنے یا مجھے لیگل نوٹس بھجوانے کے بجائے اپنی توجہ اپنے کھیل پرمرکوز رکھیں۔ پہلے ہی ان کی ناقص کارکردگی کی وجہ سے انھیں ٹیم میں شامل نہیں کیا گیا ہے۔
ایسے میں میڈیا کی خبروں میں رہنے کے لیے انھوں نے جان بوجھ کریہ سب کچھ شروع کیا ہے ، لیکن اس کا نقصان مجھے نہیں ان کو ہی ہوگا کیونکہ میں سچی بات کررہی ہوں اور وہ جھوٹ کا سہارا لے رہے ہیں۔ واضح رہے کہ ریچل خان ماڈلنگ کے ساتھ ساتھ ایک انٹرنیشنل فلم میں بھی اہم کردار نبھارہی ہیں اوراس فلم میں ہالی ووڈ فنکار بھی کام کررہے ہیں۔
پاکستانی فلم ’’منٹو‘‘نے سرحد پار بھی جادو جگا دیا
میں مسلمان ہوں ،دہشتگرد نہیں، گانا سوشل میڈیا پر مقبول
