ممبئی (جیوڈیسک) ہالی وڈ کی دو بڑی اور عرصے سے شہ سرخیوں اور ہر جگہ چرچوں میں رہنے والی فلمیں ایک دوسرے سے میدان مارنے کے لئے 18 دسمبر کو آمنے سامنے ہوں گی۔ ایک ہے روہت شیٹھی کی ”دل والے “ اور دوسری ” باجی راوٴ مستانی“۔
فلم ”دل والے “ کی میگا کاسٹ میں شامل ہیں شاہ رخ خان اور کاجول جبکہ فلم ’‘باجی راوٴ مستانی“ کے جگمگاتے ستاروں میں شامل ہیں رنویر سنگھ اور دپیکا پڈکون۔ یہ دونوں فلمیں اس قدر خبروں میں ہیں کہ ریلیز سے پہلے ہی ان کا شہرہ دور دور تک سنائی دے رہا ہے۔ دونوں فلموں کی پروموشنز بھی بڑھ چڑھ کر کی جارہی ہیں۔
میوزک کی بات کریں تو ’دل والے ‘ کا ایک گانا ’رنگ دے مجھے تو ۔۔۔گیرواں۔۔ “ریلیز سے لیکر اب تک باقی سارے گانوں کو شہرت کی دوڑ میں پیچھے چھوڑ گیا ہے۔
’دل والے ‘کے ہیرو شاہ رخ خان اور کاجول بھی اپنی فلم کے حوالے سے بہت ایکسائٹیڈ ہیں ۔ کنگ خان کا کہنا ہے کہ ہم نے 21 یا 22 سال پہلے اپنے کیرئیر کا آغاز کیا تھا اور اس وجہ سے ہم ایک دوسرے کے ساتھ خوش رہتے ہیں۔ہمارے فینز بھی ہمیں دوبارہ اسکرین پر دیکھنے کے لئے بے تاب ہیں۔ “
اب کچھ باتیں ”باجی راوٴ مستانی “ سے متعلق بالی وڈ اایکٹررنویر سنگھ نے نئی فلم کو اپنی زندگی کی سب سے مشکل فلم قرار دیتے ہوئے انکشاف کیا ہے کہ انہوں نے فلم کے لیے کوئی معاوضہ نہیں لیا۔’بالی وڈ لائف ‘کی ایک رپورٹ کے مطابق وہ اس کے منافع سے اپنا حصہ لیں گے۔
رنویر سنگھ بولی وڈ کے واحد ایسے اداکار نہیں بلکہ شاہ رخ خان، سلمان خان، عامر خان اور اجے دیوگن بھی اپنی فلموں کے بجٹ سے منافع حاصل کرتے ہیں۔فلم ’باجی راوٴ مستانی‘ 130 کروڑ روپے کے بجٹ سے بنائی گئی ہے۔
فلم”باجی راوٴ مستانی“ کی کہانی باجی راوٴ پیشوا اور رقاصہ مستانی کی محبت پر مبنی ہے۔ یہ کردار رنویر سنگھ اور دپیکا پڈوکون ادا کر رہے ہیں۔ ان کے ساتھ پریانکا ہیں جو باجی راوٴ کی پہلی بیوی کاشی بائی کا کردار ادا کررہی ہیں۔
فہد مصطفی اور ماہرہ خان ایک ساتھ فلم میں کام کریں گے
عوام بھارتی ڈراموں کی طرح فلموں کو بھی مسترد کر دیں گے، سعود
