کابل (جیوڈیسک) افغان حکام کا کہنا ہے کہ طالبان نے صوبہ ہلمند کے ضلع سنگین پر قبضہ کر لیا ،طالبان کاپولیس ہیڈ کوارٹر پر قبضہ ہوچکا ہے جبکہ ضلع کے دیگر حصوں میں لڑائی جاری ہے۔
ضلع سنگین پر قبضہ سے قبل صوبہ ہلمند کے نائب گورنر نے فیس بک کے ذریعے صدر اشرف غنی سے، ہلمند میں طالبان کے ساتھ جاری لڑائی میں مدد مانگی تھی ۔ نائب گورنر محمد جان رسول یار نے صدر غنی کے نام پیغام میں لکھا تھا کہ دو روز کی لڑائی میں 90 فوجی مارے جا چکے ہیں۔
انہوں نے خبردار کیا تھا کہ صوبے پر طالبان کا قبضہ ہوسکتا ہے۔ان کا صدر سے کہنا تھا کہ ہلمند کو بچانے کے لیے فوری اقدامات کریں ۔حالیہ مہینوں میں طالبان نے ملک کے کئی علاقوں میں افغان فوج کے خلاف کارروائیاں کی ہیں جس کے باعث سکیورٹی فورسرز دباؤ کا شکار ہیں۔
افغانستان میں بگرام ایئربیس کے قریب خودکش حملے میں 5 نیٹو فوجی ہلاک
چین: لینڈ سلائڈنگ نے تباہی مچا دی، 91 افراد لاپتہ
