لاہور (جیوڈیسک) حلقہ این اے 128 سے مسلم لیگ کے محمد افضل کھوکھر ایک لاکھ 24 ہزار 107 ووٹ لیکر کامیاب ہوئے تھے۔ تحریک انصاف کے ملک کرامت کھوکھر 78 ہزار 369 ووٹ لیکر دوسرے نمبر پر رہے تھے۔
ملک کرامت کھوکھر نے دھاندلی کے الزامات لگا کر نتائج کو الیکشن ٹربیونل میں چیلنج کر دیا تھا۔ ٹربیونل نے این اے 128 کے ووٹوں کو تصدیق کے لئے نادرا کے پاس بھجوا دیا تھا۔ نادرا نے این اے 128 کی پری اسکین رپورٹ تیار کر کے ٹربیونل میں جمع کروا دی۔
رپورٹ میں کہا گیا ہے کہ اکیس ہزار چار سو ترانوے بیلٹ پیپرز ریکارڈ سے غائب ہیں، 159 پولنگ اسٹیشنز کے فارم پندرہ موجود نہیں ہیں۔ 151 پولنگ اسٹیشنز کے فارم چودہ کا ریکارڈ نہیں ملا۔ این اے 128 کے مسترد شدہ ووٹوں کی تعداد 4630 ہے۔
ٹربیونل کے جج نے نادرا کو این اے 128 کے ووٹوں کی تصدیق کر کے رپورٹ 5 جنوری تک جمع کروانے کا حکم دیا تھا۔
لاہور: خاتون نے آٹھ سالہ گھریلو ملازم کو بہیمانہ تشدد کا نشانہ بنا ڈالا
بالائی علاقوں میں برفباری جاری ،متعدد مقامات پر رابطہ سڑکیں بند
