Posted on December 30, 2015 By Mohammad Waseem اہم ترین, کراچی, مقامی خبریں
کراچی (جیوڈیسک) کراچی کی انسداد دہشت گردی کی عدالت نے ڈاکٹر عاصم کیس میں وسیم اختر، انیس قائم خانی اور عبد القادر پٹیل سمیت دیگر مفرور ملزموں کو اگلی پیشی پر گرفتار کر کے پیش کرنے کا حکم دے دیا، ڈاکٹر عاصم پر آج فرد جرم عائد نہ ہو سکی۔
انسداد دہشت گردی کی عدالت میں سابق مشیر پیٹرولیم ڈاکٹر عاصم حسین کو سخت سیکیورٹی میں لایا گیا۔ عدالت میں ڈاکٹر عاصم نے پراسیکیوٹر کی تبدیلی کی درخواست دی جبکہ ڈاکٹر عاصم کے وکلا نے وکالت نامے عدالت میں جمع کرا دیئے۔ عدالت نے ڈاکٹر عاصم کے وکیل انور منصور کو بھی وکالت نامہ جمع کرانے کی ہدایت کی۔
دوران سماعت عدالت نے ڈاکٹر عاصم کیس کی مفرور ملزموں کے نا قابل ضمانت وارنٹ جاری کردئیے ۔ مفرور ملزموں میں ایم کیو ایم کے رہنما وسیم اختر اور انیس قائم خانی جبکہ پیپلز پارٹی کے عبد القادر بلوچ اور پاسبان کے عثمان معظم شامل ہیں۔ عدالت نے حکم دیا کہ روف صدیقی ضمانت پر ہیں تو انھیں گرفتار نہ کریں اگر ضمانت نہیں ہوئی تو گرفتار کر لیں۔
بعد ازاں عدالت نے تفتیشی افسر کو مقدمے اور گواہوں کے بیانات کی نقول دس منٹ میں جمع کرانے کا حکم دے دیا۔ عدالت میں ڈاکٹر عاصم کا کہنا تھا کہ انھیں سہولتیں فراہم نہیں کی جا رہی ہیں۔
Mohammad Waseem - Editor at GeoURDU.com Pakistan
GeoURDU - Programmeur Web:- Asif Iqbal
Graphiste, Webdesigner:- Nasir Mehmood
Geo Urdu - online newspaper for all generations.
AdChoices - - - About us - - - Privacy Policy Powered by WordPress - Designed by Nasir.fr