سپریم کورٹ کا قومی اسمبلی کے حلقہ این اے 153 میں دوبارہ انتخابات کرانے کا حکم

Posted on January 21, 2016 By Zulfiqar Ali اسلام آباد, اہم ترین, مقامی خبریں

Ashiq Bukhari

اسلام آباد (جیوڈیسک) سپریم کورٹ نے الیکشن کمشین کو قومی اسمبلی کے حلقہ این اے 153 میں دوبارہ انتخابات کرانے کا حکم دے دیا۔

چیف جسٹس انور ظہیر جمالی کی سربراہی میں سپریم کورٹ کے 3 رکنی بنچ نے قومی اسمبلی کے حلقہ این اے 153 سے مسلم لیگ (ن) کے رکن دیوان عاشق بخاری کی جانب سے الیکشن ٹریبونل کے فیصلے کے خلاف درخواست کی سماعت کی۔ عدالت عظمیٰ نے فریقین کا موقف سننے کے بعد شواہد کی روشنی میں الیکشن ٹریبونل کا فیصلہ برقرار رکھا۔ چیف جسٹس نے ریمارکس دیئے کہ جب ایک شخص نے جب ایف اے ہی نہیں کیا تو وہ بی اے اور ایم اے کیسے کرسکتا ہے۔

واضح رہے کہ 2013 کے عام انتخابات میں مسلم لیگ (ن) کے دیوان عاشق بخاری قومی اسمبلی کے حلقہ این اے 153 سے منتخب ہوئے تھے ، پیپلزپارٹی کے امیدوار رانا قاسم کی درخواست پر الیکشن ٹریبونل الیکشن ٹریبونل نے حلقے میں دوبارہ الیکشن کا حکم دیا تھا تاہم دیوان عاشق بخاری نے فیصلے کے خلاف سپریم کورٹ سے رجوع کیا تھا۔

by Zulfiqar Ali

قومی اسمبلی میں ایمنسٹی بل 2016 منظور کر لیا گیا پاک بھارت سیکرٹری خارجہ ملاقات جلد طے ہو گی، دفتر خارجہ