اسلام آباد (جیوڈیسک) بینظیرایئرپورٹ پردوہا کے راستے چین جانے والا اسمگلر گرفتار کر لیا گیا جب کہ اس کے قبضے سے منشیات بھی برآمد کر لی گئی۔
اسلام آباد کے بے نظیر انٹر نیشنل ائیر پورٹ پر تعینات اینٹی نارکوٹکس فورس کے اہلکاروں براستہ دوحا چین جانے والے ایک مسافر کو گرفتار کر کے اس کے قبضے سے 2 کلو گرام ہیروئن برآمد کرلی۔ حراست میں لئے گئے مسافر کی شناخت عطا محمد کے نام سے ہوئی ہے۔
اے این ایف حکام کا کہنا ہے کہ عطا محمد کا تعلق صوابی سے ہے۔ ملزم کے خلاف مقدمہ درج کرکے تفتیش شروع کردی گئی ہے واضح رہے کہ گزشتہ 3 روز کے دوران اسلام آباد ایئرپورٹ سے بیرون ملک جانے والی پروازوں کے ذریعے 32 کلو گرام سے ہیروئن اسمگل کرنے کی کوششوں کو ناکام بنایا جاچکا ہے۔
عمران خان ممنوعہ دوائیاں استعمال کرتے ہیں، رانا ثنااللہ
پٹرولیم مصنوعات پر سیلز ٹیکس میں اضافے کیخلاف لاہور ہائیکورٹ میں درخواست دائر
