تھرپارکر (جیوڈیسک) تھرپارکر میں غذائی قلت اور وبائی امراض کے باعث بچوں کی اموات کا سلسلہ رک نہ سکا، مزید دو بچے دم توڑ گئے۔
سول ہسپتال مٹھی میں غذائی قلت سے بیمار مزید دو بچے چل بسے ہیں، جاں بحق ہونے والے بچوں میں 8 روز کا جمیل اور ایک نومولود شامل ہیں ۔ ضلع بھر کے ہسپتالوں میں 150 سے زائد بچے زیر علاج ہیں۔
ڈیپلو تحصیل کےگاؤن عاقلو، ترکنی درس، ڈابھو اور کوئنرل بچوں میں ڈائریا کی وبا پھیل گئی ہے۔
جبکہ حکومت سندھ کی جانب سے متاثرہ علاقوں میں گندم کی تقسیم شروع کر دی گئی ہے۔ تاہم دور دراز کے علاقوں میں تاحال امدادی کارروائیاں شروع نہ کی جا سکیں ۔ دوسری جانب چارہ ختم ہونے سے تھر میں جانوروں کے مرنے کا بھی سلسلہ شروع ہو گیا ہے۔
کراچی سمیت سندھ بھر میں میئر اور ڈپٹی میئر کے انتخاب پر حکم امتناع جاری
عزیر بلوچ سے تفتیش کے لئے جے آئی ٹی تشکیل
