فتح پور (امیر حمزہ) معذور افراد کے خدمت کارڈ بنوانے کے لئے کرپٹ مافیا بھی میدان میں آگیا ،فی کارڈ پر دوہزار روپے وصول کئے جانے لگے، کام کرانے والوں کو با اثر شخصیات کی حمایت حاصل ، تفصیل کے مطابق حکومت پنجاب کی طرف سے معذور ،اسپیشل افراد کے لئے خدمت کارڈ سکیم کا اجراء کیا ، ان کارڈ بنوانے کی مد میں سپیشل افراد کے ورثاء کو ذمہ دار افسران نے چکروں میں ڈال کر اپنے من پسند افراد کے ذریعے لوٹ مار کا سلسلہ شروع کر رکھا ہے ، سپیشل افراد کو خدمت کارڈ بنوانے والے افراد کے ورثاء کو نت نئے بہانوں کی آڑ میں لو ٹا جا رہا ہے ، خدمت کارڈ کے لئے اپنے خدمت گار کے ذریعے فتح پور میں فی کس دو ہزار روپے کارڈ بنوانے کی مد میں وصول کئے جار ہے ہیں، جس پر شہریوں نے شدید احتجاج کرتے ہوئے خدمت کارڈ بنوانے کی آڑ میں لوٹ مارکرنے والے افراد کے خلاف سخت کاروائی کرنے کا مطا لبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فتح پور ( میاں محمد رضوان ) شہریوں کو بنیادی سہولیات کی فراہمی کو ممکن بنانے کے لئے تما م تر وسائل بروئے کار لائیں گے، تحصیل لیول ہسپتال سے عوام کو صحت کی بہتر سہولیات میسر آئیں گی،سب تحصیل فتح پور کی عوام کو ان کی دہلیز پر مسائل حل ہو ںگے،، صحت کے معاملے میں کوئی کمپرومائز نہیں کیا جائے گا یہ بات گزشتہ روز ڈی سی او لیہ رانا گلزار احمد نے فتح پور میں تحصیل لیول ہسپتال ،پلس ٹراما سنٹر ہسپتال ،سب تحصیل آفس کے افتتاح کے موقع پر کہی،تفصیل کے مطابق گز شتہ روز ڈی سی او لیہ رانا گلزار احمد ، ایم این اے صاحبزادہ فیض الحسن نے تحصیل لیول ہسپتال پلس ٹراما سنٹر ہسپتال ، سب تحصیل آفس کا افتتاح کیا ، انہوں نے کہا کہ حکومت صحت پر خصوصی توجہ دے رہی ہے اور صحت کے معاملے میں کوئی کمپرامائز نہیں کیا جائے گا اس موقع پر انہوں نے ہسپتال کے مختلف شعبوںکا دورہ بھی کیا ایم ایس ڈاکٹر دلاور حسین رندھاوا نے انہیں بریفنگ دی ،بعد ازاں انہوں نے سب تحصیل آفس فتح پور کا بھی افتتاح کیا اس موقع ڈی سی او لیہ رانا گلزار احمدنے کہا کہ تحصیل لیول ہسپتال پلس ٹراما سنٹر ہسپتال عوام کو بنیادی سہولیات کی فراہمی کو ممکن بنائے گا ،سب تحصیل کے قیام میں فتح پور کی عوام کو اب کروڑ جانے کی ضرورت نہیں ہو گی بلکہ ان کے محکمہ مال سے متعلق معاملات یہیں پر حل ہوں گے ،صاحبزادہ فیض الحسن ایم این اے نے گفتگو کرتے ہوئے کہا کہ حکومت کی ترجیحات عوام کو بنیادی سہولیات کی فراہمی ہے ،جس کے لئے حکومت اپنے تمام تر وسائل بروئے کار لا رہی ہے ، اس کے بعد انہوں نے میونسپل کمیٹی فتح پور کا افتتاح بھی کیا ۔اس موقع پر ان کے ساتھ صاحبزادہ فیض الحسن ایم این اے ،رانا اعجاز سہیل ،جاوید اصغر کونسلر،محمد شفیع گجر کونسلر،چوہدری اظہار کونسلر ،رانا محمد اشرف اسسٹنٹ فوڈ کنٹرولر،تنویر یزداں اسسٹنٹ کمشنرکروڑ،یونس چیمہ ،چوہدری امیر حسین ،عمران نذیر،یٰسین سوئیہ،بوٹا شہزاد،و دیگر موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ فتح پور (امیر حمزہ) ایم ایم روڈ پر بس کی پک اپ کو ٹکر ایک شخص زخمی ،تفصیل کے مطابق گزشتہ رات ایم ایم روڈ پر کراچی سے مانسہرہ جانے والی ایک بس نے ایک پک اپ کو ٹکر ماردی جس سے پک اپ کا ڈرائیور محمد ذیشان شدید زخمی ہو گیا ،پولیس نے مقدمہ درج کر کے کاروائی شروع کر دی۔
نیشنل بینک سی ایس آر ڈویژن تعلیم کے شعبہ میں اپنا بھرپور کردار ادا کرتا رہے گا :اویس اسد خان
جہلم کی خبریں 27/2/2016
