واشنگٹن (جیوڈیسک) امریکی حکام کا کہنا ہے کہ اس ماہ کے آخر میں صدر اوباما اور وزیر خارجہ جان کیری کے دورہ کیوبا کے دوران توجہ کیوبا کے انسانی حقوق کے معاملے پر مرکوز رہے گی۔
وائس آف امریکہ کے مطابق وائٹ ہاؤس ترجمان، جوش ارنیسٹ نے بتایا کہ ’’صدر آفاقی انسانی حقوق کی اہمیت کو اجاگر کرنے میں دلچسپی رکھتے ہیں اور حکومت ایسی ہونی چاہیئے جسے نہ صرف حقوق انسانی کا خیال ہو بلکہ ان کی فراہمی اور تحفظ کے لئے اقدامات کر سکے۔
وائٹ ہاؤس اور محکمہ خارجہ نے کہا کہ 21 اور 22مارچ کو صدر کے دورہ کیوبا کے دوران جان کیری اُن کے ہمراہ ہوں گے۔ ترجمان کے مطابق اوباما کی ملاقاتوں کے لئے مہمانوں کی فہرست صرف وائٹ ہاؤس ہی طے کرے گا۔
ترکی اور ایران کا تجارت بڑھانے‘ اختلافات ختم کرنے کا عزم
خطے میں استحکام کے لئے امن عمل کی حمایت کرتے ہیں اوباما، امریکی کوششیں قابل قدر ہیں: اشرف غنی
