مکہ مکرمہ میں اسلامی بینکاری اور معیشت پر عالمی کانفرنس

Posted on March 8, 2016 By Mohammad Waseem کاروبار

Makka Mukarma

مکہ مکرمہ (جیوڈیسک) سعودی عرب کے شہر مکہ مکرمہ میں اسلامی بینکاری اور معیشت پر عالمی کانفرنس ہو رہی ہے۔ ماہرین کا کہنا ہے کہ اسلامی بینکاری کا نظام عالمی معاشی انفرا اسٹرکچر اور ترقیاتی منصوبوں میں کلیدی کردار ادا کرسکتا ہے۔

مکہ مکرمہ کی ام القراء یونیورسٹی میں دو روزہ انٹرنیشنل اسلامک بینکنگ اینڈ فنانس کانفرنس شروع ہو گئی ہے جس میں دنیا بھر سے معاشی ماہرین، ایگزیکٹیوز، معاشی ادارے، اسلامی اسکالرز اور اعلیٰ سعودی حکام شرکت کر رہے ہیں۔

کانفرنس کا مقصد نہ صرف شریعت سے مطابقت کے تحت سرمایہ کاری کے راستے تلاش کرنا ہے بلکہ عالمی معیشت میں غیر یقینی صورتحال میں معاشی استحکام کا حل بھی نکالنا ہے۔

کانفرنس سے ہارورڈ یونیورسٹی کے پروفیسر عاصم خواجہ اور ورلڈ بینک کے سینئر نائب صدر محمد محیدالدین سمیت معاشی ماہرین نے خطاب کیا۔

ان کا کہنا ہے کہ 2008ءمیں عالمی معاشی بحران کے بعد اسلامی مالیاتی نظام تیزی سے فروغ پا رہاہے، اسلامی بینکاری کی شریعہ صنعت دنیا کے 8ممالک میں کام کر رہی ہے۔

by Mohammad Waseem

Mohammad Waseem - Editor at GeoURDU.com Pakistan

ٹیکس گوشوارے جمع کرانے کی تاریخ میں 15 مارچ تک توسیع ٹیکس پیئرز کی تعداد 10 لاکھ 10 ہزار سے تجاوز کر گئی