لاہور (جیوڈیسک) آل پاکستان پرائیویٹ سکولز فیڈریشن اور پاکستان ایجوکیشن کونسل کی کال پر آج دوسرے روز بھی پنجاب بھر کے پرائیویٹ سکولز بند رہیں گے۔
آل پاکستان پرائیویٹ سکولز فیڈریشن اور پاکستان ایجوکیشن کونسل نے آٹھ اور نو مارچ کو پنجاب بھر کے پرائیویٹ سکولز بند رکھنے کا اعلان کیا تھا جس کے تحت آج دوسرے روز بھی صوبے بھر کے ستانوے ہزار پرائیویٹ سکول بند رہیں گے۔
مالکان نے موقف اختیار کیا ہے کہ حکومت نے اعتماد میں لیے بغیر پنجاب اسمبلی میں پنجاب ایجوکیشن اتھارٹی بل پاس کیا۔ انہیں یہ بل کسی بھی صورت منظور نہیں، مالکان نے مطالبات نہ ماننے پر سکولوں کو مستقل بند رکھنے کی دھمکی بھی دے رکھی ہے۔
صدر آل پاکستان پرائیویٹ سکولز فیڈریشن کاشف مرزا کے مطابق بند ہونے والے سکولوں میں بیکن ہائوس ، لاہور گرائمر سکول ، لکاس سکول سسٹم ، لاہور سکول سسٹم ، سٹی سکول سسٹم ، سلامت سکول سسٹم شامل ہیں جبکہ الائیڈ سکول سسٹم ، ایفا سکول سسٹم ، کمز سکول ، ریسورس ایکیڈیمیا ، کڈز کیمپس ، لاہور پری سکول ، لرننگ الائنس، دار ارقم ، امریکن لائسٹف بھی دو دن بند رہیں گے۔
وزیر داخلہ نے قومی کرکٹ ٹیم کے دورہ بھارت کی سکیورٹی رپورٹ وزیر اعظم کو پیش کر دی
وزیر اعظم اور آرمی چیف اسلامی اتحاد کی جنگی مشقوں میں شرکت کیلئے ریاض روانہ
