گجرات (جی پی آئی) انجمن عاشقان مصطفےٰ کے زیر اہتمام 9 ویں سالانہ عظیم الشان محفل ذکر مصطفےٰ ۖ 12 مارچ بروز ہفتہ بعد از نماز عشاء جامع مسجد یا رسول اللہ کھیپڑانوالہ شریف میں منعقد ہو گی۔ جس کی صدارت سجادہ نشین آستانہ عالیہ سید العارفین شہنشاہ فضل صاحبزادہ پیر سید محمود الحسن شاہ بخاری قادری الحسینی و الحسنی کریں گے۔ جبکہ خصوصی خطاب مفکر اسلام حضرت علامہ محمد خالد مصطفائی ادارة المصطفےٰ گجرات کریں گے۔ نقابت کے فرائض علامہ حافظ عبدالرحمن زاہدی سرانجام دیں گے۔ تلاوت کلام پاک کا شرف قاری محمد آصف سہیل میروی کریں گے۔ جبکہ ہدیہ نعت صاحبزادہ سید شمائل حاشر بخاری ‘ اکمل حسین دریائی’ قاری شفقت اللہ قادری’ ارمغان خالد اور محمد احمد قادری پیش کریں گے۔ اس موقع پر اہم شخصیات کی کثیر تعداد شریک ہو گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) چیئرمین سٹیزن فرنٹ چوہدری ندیم طفیل کی خوشدامن ‘ سابق ایم پی اے قمر عامر چوہدری کی والدہ محترمہ اور چوہدری محمد اسلم کی اہلیہ کو سینکڑوں سوگواروں کی موجودگی میں شادیوال میں سپردِ خاک کر دیا گیا۔ مرحومہ کی نماز جنازہ میں ہر مکتبہ فکر سے تعلق رکھنے والے افراد کی کثیر تعداد نے شرکت کی۔ مرحومہ کے ایصال ثواب کیلئے ختم قل آج صبح 10 بجے محمود کے ونڈ شادیوال میں منعقد ہو گی۔ ٹھیک 11 بجے دعا کی جائے گی۔ دوست احباب سے شرکت کی اپیل کی جاتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سٹیزن فرنٹ شہر گجرات کا تعزیتی اجلاس صدر شیخ عرفان پرویز کی صدارت میں منعقد ہوا۔ جس میں چیئرمین سٹیزن فرنٹ چوہدری ندیم طفیل کی خوشدامن اور سابق MPA قمر عامر چوہدری کی والدہ محترمہ کی وفات پر گہرے رنج و غم کا اظہار کیا گیا۔ اجلاس میں مرحومہ کے ایصال ثواب کیلئے فاتحہ خوانی بھی کی گئی۔ اجلاس میں خاور بشیر بٹ’ عامر چوہدری’ ڈاکٹر رزاق احمد غفاری’ اکبر برلاس’ مہر مشتاق’ راجہ اعجاز و دیگر نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ڈی سی او لیاقت علی چٹھہ نے کہا ہے کہ بھٹہ خشت پر چائلڈ لیبر کسی صورت برداشت نہیں کی جائے گی، آئندہ کسی بھٹہ خشت پر کم عمر بچے مزدوری کرتے پائے گئے تو مالک کے ساتھ بچے کے والد کے خلاف بھی مقدمہ درج کیا جائے گا۔ بھٹہ خشت مالکان مزدوروں کے ساتھ پیشگی معاہدوں کو قانون کے مطابق حتمی شکل دے کر فوری طور پر مجاز افسران کے دفاتر میں جمع کرائیں۔ان خیالات کا اظہار انہوںنے بھٹہ خشت ایسویسی ایشن کے نمائندوں کے اجلاس سے خطاب کرتے ہوئے کیا، ایم پی اے چوہدری اشرف دیونہ، ای ڈی او فنانس چوہدری اصغر، ڈی ڈی او ایچ آر ایم انجم ریاض سیٹھی، ڈی او لیبر غضنفر علی، پی ایس او عثمان سرور، چوہدری نواز ریحانیہ، صدر بھٹہ خشت ایسویسی ایشن سید شبیر کاظمی، چوہدری ریاض احمد و دیگر بھی اس موقع پر موجود تھے۔ ڈی سی او لیاقت علی چٹھہ نے کہا کہ بھٹہ خشت پر کام کرنیوالے مزدوروں کے بچوں کو تعلیم و تربیت کے مواقع فراہم کرکے انہیں ملکی ترقی میں کردار ادا کرنے کے قابل بنانا وزیر اعلی پنجاب میاں شہباز شریف کا وژن ہے ، بھٹہ خشت مزدوروں کے بچوںکی تعلیم کے لئے ضلع بھر میں 46نان فارمل سکول بنائے گئے ہیں ، جہاںنان فارمل سکول نہیں وہاںبچوںکو قریبی سرکاری سکول میں داخل کرایا جائے گا جبکہ بھٹہ خشت مزدوروں کے بچوںکو سکول یونیفارم اور کتابیں بھی مفت فراہم کی جائیں گی ۔ ڈی سی او نے بھٹہ خشت مالکان پر زور دیا کہ وہ مزدوروںکے بچوںکو سکولوںمیں داخل کرانے اور انکی حاضری یقینی بنانے کے لئے حکومت اور انتظامیہ سے تعاون کریں ۔ انہوںنے کہا کہ حکومت چائلڈ لیبر کی روک تھام کے لئے قانون پر سختی سے عمل درآمد کا عزم کر رکھا ہے ، انتظامیہ اور پولیس افسران کے ساتھ بھٹہ خشت پر چائلڈ لیبر کی روک تھام کے قانون پر عمل کی تھرڈ پارٹی سے بھی چیکنگ کرائی جائے گی اور واضع کیا کہ قانون پر عمل درآمد میں سستی کسی صورت برداشت نہیں کی جائے گی۔ ڈی سی او نے بھٹہ خشت مالکان کو ہدایت کی کہ حکومت کی طرف سے جاری کردہ پرفارمہ کے مطابق بھٹہ خشت مالکان کے ساتھ پیشگی معاہدہ کو فوری طور پر حتمی شکل دی جائے اور اسے متعلقہ اسسٹنٹ کمشنرز یا دیگر مجاز افسران کے دفاتر میں جمع کرایا جائے۔ اجلاس میں فیصلہ کیا گیا کہ بھٹہ خشت مالکان اور مزدور نمائندوں پر مشتمل کمیٹی تشکیل دی جائے جو اجرتوںمیں اضافہ کے حوالے سے معاملات کا جائزہ لے کر رپورٹ پیش کرے گی۔ بھٹہ مالکان کی نشاندہی پر ڈی سی او لیاقت علی چٹھہ نے کہا کہ اگر کسی بھٹہ مالک کے خلاف غلط ایف آئی آر درج ہوگئی ہے تو وہ اس حوالے سے قائم کمیٹی کو رپورٹ کرے جو تمام تر حالات کا جائزہ لے کر فیصلہ کرنے کے حوالے سے مجازہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ایڈیشنل ڈسٹرکٹ کلکٹر /اے ڈی سی عرفان علی کاٹھیا نے گرانفروشی پر 3دوکانداروںپر ساڑھے 12ہزار روپے جرمانہ عائد کر دیا ہے۔ ڈی سی او لیاقت علی چٹھہ کی ہدایت پر کریک ڈائون کے دوران اے ڈی سی نے فتح، دلدار اور لال خان کو اشیائے خورد و نوش مقررہ نرخوں سے زائد ریٹس پر فروخت کرتے پکڑ لیا جن پر جرمانہ عائد کر دیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ٹی ایم اے ڈینگی آگاہی واک میں کنزیومر کونسل کی شرکت ڈینگی بچائو ، صارفین کے عالمی دن کے حوالے سے پمفلٹ تقسیم کیے گئے اسسٹنٹ ڈائریکٹرلیگل ضلع صارفین گجرات نے بتایا کہ گزشتہ روز ٹی ایم اے اور محکمہ صحت گجرات کے حوالے سے ڈینگی آگاہی واک میں ضلع صارفین کونسل کے نمائندوں اسٹاف اور صارفین کی بڑی تعداد نے شرکت کی ، صارفین اور واک کے شرکاء میں کونسل کی جانب سے ڈینگی و 6مارچ صارفین کے عالمی دن کے حوالے سے بروشر تقسیم کیے گئے نیز انہوں نے بتایا کہ آفیشل ٹی ایم او ضلع صارفین کونسل کے آفشل ممبر بھی ہیں لہٰذا واک میں بھرپور طریقہ سے شرکت کی گئی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) محکمہ زراعت توسیع کا دالوں کی کاشت کے فروغ کیلئے موضع کسوکی میں یوم کاشتکاران کا انعقاد ، محکمہ زراعت توسیع کے زیر اہتمام دالوں کی کاشت کے فروغ کے سلسلہ میں چوہدری صداقت حسین نمبردار موضع کسوکی کے ڈیرہ پر یوم کاشتکاران منایا گیا جس میں محمد رفیق تارڑ ڈسٹرکٹ آفیسر زراعت توسیع ، سید سجاد حسین بخاری و عبدالرحمن فاروقی ڈپٹی ڈسٹرکٹ آفیسر زراعت ، سید سجاد حیدر کاظمی ڈسٹرکٹ آفیسر سائل فرٹیلسٹی ، غلام مصطفےٰ شاد اسسٹنٹ ڈائریکٹر پلانٹ پروٹیکشن اور دیگر زراعت افسران محمد اطہر لطیف ، وجاہت عظیم اور علی اسد یوسف نے شرکت کی یوم کاشتکاران میں کاشتکاروں کی ایک کثیر تعداد شریک ہوئی ۔ تقریب میں افسران نے دالوں کی اہمیت گندم کی بیماری کنگی ، دیگر فصلات کی بیماریوں اور چنے کی فصل کی کاشت کے بارے میں خصوصی لیکچر دئیے گئے جس میں ڈاکٹر آفیسر محمد رفیق تارڑ نے بتایا کہ اس سال بھی ضلع میں چنے اور مسور کے نمائشی پلاٹس لگائے گئے ہیں اور کاشتکاروں کو 33فیصد رعایتی قیمت پر تحصیل کی سطح پر 13نمائشی پلاٹس کیلئے مسور کا بیج فراہم کیا گیا ہے اور خوش نصیب کاشتکاروں میں بذریعہ قرعہ اندازی تحصیل لیول پر 33فیصد رعایتی قیمت پر پلسز ڈرل بھی فراہم کی گئی ہیں جس سے زمیندار دالوں کی لائنوں میں کاشت کر کے فی ایکڑ پیدوار میں اضافہ کر سکتے ہیں علاوہ ازیں 5990کلو گرام مونگ کا بیج بھی رعایتی قیمت پر فراہم کر دیا گیا ہے ، گوجرانوالہ سے تشریف لائے ہوئے مہمان خصوصی ڈاکٹر محمد اصغر ایس ایس ایم ایس پلانٹ پروٹیکشن نے فصلات کے کیڑوں اور بیماریوں کے انسداد کے حوالے سے خصوصی بریفنگ دی موقع پر کاشتکار حضرات کے سوالوں کے جواب بھی دیے اس کے بعد کاشتکاروں کو محکمہ زراعت کے لگائے ہوئے نمائشی پلاٹ پر لے جا کر فصل کا معائنہ کروایا گیا کاشتکاروں نے محکمہ زراعت کی کاوش کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) شادولہ روڈ پر روٹھی بیوی کو منانے کے لیے خود کو اور بارہ سالہ سالے کو آگ لگانے والا 22سالہ نوجوان ذیشان زخموں کی تاب نہ لاتے ہوئے لاہور میو ہسپتال میں گزشتہ روز دم توڑ گیا ،ہلاک ہونے والے نوجوان ذیشان کے ورثاء نے لاش کچہری رکھ کر احتجاج کیا اور ملزمان کے خلاف مقدمہ کے اندراج کے لیے ڈی پی او گجرات سے مطالبہ کیا ،اس موقع پر ایس پی کامران ممتاز ڈی ایس پی سٹی گجرات سید غلام مصطفیٰ گیلانی اور ایس ایچ او تھانہ بی ڈوثرن عرفان احمد سپر بھی موجود تھے جنہوں نے مظاہرین کو اپنی جانب سے مکمل تعاون کا یقین دلایا جبکہ دوسری طرف بارہ سالہ احمد رضا کی حالت بھی انتہائی خطرناک بتائی جاتی ہے اورڈاکڑز اسکو بھی جواب دے دیا ہے ہلاک ہونے والے نوجوان ذیشان کو گزشتہ روز دارہ گلاب شاہ مین سپرد خاک کر دیا گیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) اسلامی جمعیت طلباء پاکستان مین اسلامی فلاحی معاشرہ کی تعمیر چاہتی ہے علامہ اقبال اور قائد اعظم کے خواب کی تعبیر ابھی تک نامکمل ہے جمعیت نوجوانوں کی تربیت کر کے ایسے افراد کو تیار کر نا چاہتی ہے جو صلاحیت اور صالحیت دونوں میں آئیڈیل ہوں ،ان خیالات کا اظہار ناظم مقام برادر اسد اللہ نے NSMEکے نئے آنے والے طلبہ کے اعزاز میں دئیے گئے عشائیہ میں کیا انہوں نے طلباء کو NSMEمیں داخلے پر مبارک با پیش کی اور نئے بطلباء میں تحائف بھی تقسیم کیے،پروگرا م میں ہی آئی ایم اے کے ضلعی صدر ڈاکٹر نعیم نے بھی خطاب کیا انہوں نے طلباء کو تلقین کی کی اسلام دنیااور اخرت دونوں کی بھلائی چاہتا ہے طلبہ کو زندگی کے مقصد سے روشناس کروانا ہی اسلامی جمعیت کا نصب العین ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) خون سفید ہو گیا دتے وال چیچیاں میں جعلی کاغذات تیار کر کے بھائی نے بھائی کی جائیداد پر قبضہ کر لیا تفصیل کے مبطابق دتے وال چیچیاں کے رہائشی محمد اسلم نے ڈی پی او گجرات اور ایس ایچ او تھانہ رحمانیہ پولیس کو درخواست دیتے ہوئے کہا ہے کہ میرے سگے بھائی محمد اکرم نے میرے اور چھوٹے بھائی محمد اصغر کے نام کے جعلی اسٹام پیپر خرید کر ان پر ہمارے اور گائوں کے چار معززین کے جعلی دستخط کر کے ہماری زمین پر قبضہ کر لیا ہے اور اوپر سے ہمیں سنگین نتایج کی دھمکیاں بھی دے رہا ہے محمد اسلم نے دی پی او گجرات سے فوری کاروائی کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) غلط چالان کرنے سرگودہا روڈ پر پانچ افراد کا ٹریفک پولیس کے ایس آئی اور سپاہی پر تشدد ،،گزشتہ روز سرگودہا چوک میں ٹریفک پولیس کے ایس آئی محمد شوکت اور کانٹیبل غنفنر علی نے ایک کا ر کا غلط چالان کر دیا جس پر ٹریفک پو لیس والون ان کے ساتھ جھگڑا ہو گیا کارواروں نے ٹریفک عملہ کو تشدد کا نشانہ بنایا اور فرار ہو گئے بعدازاں مقامی پویس بھی موقع پر پہنچ گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ہائی وئے گجرات تشدد کیس ،،پولیس اے ڈوثرن نے ہائی وئے کے جونیئر کلر ک ارشد محمود کی رپورٹ پر شرابی ٹھیکدار گلفام بھٹی کے خلاف مقدمہ درج کر لیا ہے اور پولیس نے اس کے گرفتاری کے لیے چھاپے مارنے شروع کر دئیے ہیں جبکہ دوسری طرف ن لیگ کے بااثر افراد گلفام بھٹی اور جونیئر کلر ک ارشد محمود درمیان صلح کروانے مین مصروف ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) سینی ٹیشن ورکر یونین ٹی ایم اے گجرات کا ایک اہم ترین اجلاس گزشتہ روز ٹی ایم اے آفس مین زیر صدارت اللہ رکھا اور احسان مسیح سند ھو منعقد ہو ا جس میں سینی ٹیشن ورکرز نے کثیر تعداد میں شرکت کی ،اجلاس میں فیصلہ کیا گیا کہ نئی متحدہ سینی ٹیشن ورکر یونین کی باڈی کا اعلان بہت جلد کیا جائے گا اجلاس میں متفقہ طور پر اس نئی یونین کے قیام کے لیے باقاعدہ طور پر منظور دی گئی اجلاس میں سلامت رانا،یونس کھوکھر،ارشد لعل،منیر بھٹی، خالد گل ،انور چمن سہوترا، عمران بھٹی، بابا رشید، پریز رانجھا، یوسف مسیح، مشتاق بٹ، نعیم پرویز ، رشید مسیح،سمیت دیگر نے شرکت کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) گورنمنٹ سکول کی گجرات ضلع بھر کی استاتذہ تنظیموں کا EDOایجوکیشن آفس کے باہر گورنمنٹ سکول کی نجکاری کے خلاف پر امن احتجاجی مظاہرہ و دھرنا آل پاکستان پرائیویٹ سکولز مینجمنٹ ایسوسی ایشن ضلع گجرات کے عہدیداران نے بھی گورنمنٹ سکول اساتذہ تنظیموں کی حمایت کرتے ہوئے اس دھرنوں میں شرکت کی ، اس موقع پر خطاب کرتے ہوئے چیئرمین اینڈ پرائیویٹ ایند گورنمنٹ سکولز اساتذہ ایسوسی ایشن سید ممتاز حسین شاہ نے کہا کہ حکومت کے ہر مثبت اقدام کو سراہیں گے ، اور منفی و تعلیم دشمن کے خلاف ہر سطح اور ہر فورم پر امن احتجاج کرینگے ، کوارڈنیٹر پروفیسر شفیق خیال نے کہا کہ گورنمنٹ استاتذہ اور پرائیویٹ سکولز کے مسائل کے حوالے سے ہم متحد ہیں اور ان مسائل کے حل کے لیے مشترکہ جدو جہد کرینگے ، مزید اس اتحاد کو ہر صورت کامیاب بنائیں گے ، سر پرست پرائیویٹ ایند گو رنمنٹ سکولز اسا تذہ محمد انور بھٹی نے کہا کہ گورنمنٹ سکولز ٹیچرز ایسوسی ایشن اور پرائیویٹ سکول مینجمنٹ ایسوسی ایشن کا اتحاد ایجوکیشن کیلئے نیک شگون ہے ، اس اتحاد سے استاتذہ کے وقار میں اضافہ اور تعلیمی ماحول میں بہتری آئے گی موجودہ حکومت کی نا مناسب پالیسیوں کی وجہ سے اساتذہ نے زبر دست اضطراب اور بے چینی پائی جاتی ہے ، بلکہ اساتذہ کے مسائل حل کرنے کی بجائے ان میں اضافہ کیا جارہا ہے گورنمنٹ تعلیمی اداروں کی نجکاری ظالمانہ اقدام ہے اس سے غریب لوگوں پر تعلیم کے دروازے بند کئے جا رہے ہیں وائس چیئرمین محمد ناظم کھوکھر ، نے کہا کہ حکومت کا پرائیویٹ اور گورنمنٹ دونوں سیکٹرز کے ساتھ رویہ غیر منصفانہ اور غیر دانشمندانہ ہے ہم اس کی پر زور مذمت کرتے ہیں اور گورنمنٹ سے مطالبہ کرتے ہیں کہ پرائیویٹ سکولز کے خلاف منظور کردہ تعلیمی بل واپس لیا جائے ، احتجاجی تحریک میں پرائیویٹ سیکٹر اپنا بھرپور کردار ادا کرے گا سینئر وائس چیئرمین چوہدری سرفراز نے کہا گورنمنٹ تعلیمی اداروں کی نجکاری اور پیک کا نظام تعلیم دشمن ہیں ، حکومت نے جس طرح ناقص پالیسیوں سے گورنمنٹ سکولوں کو تباہی کے دہانے پر پہنچایا، اسی طرح پرائیویٹ سکولز کو بھی تباہی کی بھینٹ کی طرف چڑھایا جا رہا ہے ،گورنمنٹ سکولز میں ٹیچرز کی اپ گریڈیشن کا حق نہ دینے ، سکولوں کی نجکاری اور پرائیویٹ سکول کے خلاف بل کے پر زور مذمت کرتے ہیں ، حکومت اور محکمہ تعلیم کے اربار اختیار سے مطالبہ کرتے ہیں کہ خدارا تعلیم کے شعبہ پر رحم کیا جائے اور تجرباتی و ناقص پالیسیوں کی بجائے فروغ تعلیم کے لئے مثبت اور ٹھوس پالیسیوں کے حوالے سے اقدامات کئے جائیں گورنمنٹ سکولز استاتذہ کی تمام ایسوسی ایشنز ہر جمعرات کو موجودہ گورنمنٹ کی تعلیم دشمن پالیسیوں اور اقدام کے خلاف ہر جمعرات کو احتجاج کرینگی ، احتجاجی مظاہرے سے حکیم جواد الرحمن نظامی ، چوہدری محمد شریف ، چوہدری محمد افضل مرل ، سمیت دیگر نے بھی خطاب کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) ممتاز سیاسی وسماجی شخصیت سابقہ ناظم راہنما پاکستان تحریک انصاف وامیدوار آزاد کشمیر اسمبلی الیکشن راجہ محمد سکندر نے جولائی میںہونے والے الیکشن کہ حوالہ سےLA-34 جموں5 کہ حلقہ کا طوفانی دوراہ کیااور منڈی بہاولدین ،وزیرآباد اور گجرات کے علاوہ دیگر علاقوں میںووٹرز حضرات سے فردا فرداملاقاتیں کی جبکہ ملاقاتوں کے بعد راہنما پاکستان تحریک انصاف راجہ محمد سکندرنے میڈیا سے بات چیت کرتے ہوئے کہاکہ پاکستان تحریک انصاف ایک سوچ اور نظریہ کا نام ہے ہم نے قائد عمران خان کا پیغام گھر گھر پہنچا دیا ہے عوام کے اندر ایک نئی سوچ اور نیا شعور اجاگر کرنے میں دن رات کوشاں ہیں پاکستان تحریک انصاف عوام کے مسائل ان کی دیلیز پر حل کرے گی اور عوام کے حقوق کا ہر محازپر دفاع کرے گئی PTIحقیقی معنوں میں تبدیلی چاہتی ہے انہوں نے کہاکہ ہمارا ایجنڈا چہروں کی نہیںنظام کی تبدیلی ہے جس میں حقدارکو ان کا حق دہلیزپر ملے ،میرٹ کی بالادستی ہواور عام آدمی کا معیار زندگی بلند کیا جاسکے اور انہوں نے آخر میں کہاکہ آزاد کشمیر اسمبلی الیکشن میںپاکستان تحریک انصاف قائد عمران خان کی قیادت میںمتحدو منظم ہے اور انشاء اللہ تعالیٰ آمدہ انتخابات میں پی ٹی آئی روائٹی سیاستدانوں عبرت ناک شکست دئیے گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) خواتین کا عزت و احترام اصلاًتکریم انسانیت ہے۔ خواتین کو ان کے جائز حقوق کی فراہمی ہماری سیاسی، سماجی اور معاشرتی ذمہ داری ہے۔ دنیا کا کوئی معاشرہ خواتین کے حقوق سے پہلو تہی برت کو معاشرتی ومعاشی ترقی کا دعویٰ نہیں کر سکتا۔ خواتین انسانیت کا نصف حصہ بنتی ہیں اور انسانی معاشرہ کا جزو لاینفک ہیں۔ وہ مختلف حیثیتوں میں معاشرہ میں اہم کردار ادا کرتے ہوئے معاشرتی و سماجی ارتقاء کا حصہ بنتی ہیں۔ دین ِ اسلام نے اصلاً خواتین کی عزت و تکریم کے تصور کو روشناس کروایا۔ بانی ٔ پاکستان قائد اعظم محمد علی جناح بھی عورتوں کے مساوی حقوق اور انکی عزت نفس کے علمبردار تھے۔ عورتوں کو چار دیواری میں محصور کر دینا اور ان پر ظلم و تشدد انسانیت کے خلاف ایک سنگین جرم ہے۔ ان خیالات کا اظہار مہمان اعزازچیئرمین شعبۂ تاریخ و پاکستان سٹڈیز ڈاکٹر جاویدحیدر سید نے شعبہ سوشیالوجی کے زیر اہتمام عالمی یوم خواتین کے حوالہ سے منعقدہ ایک سیمینار کے شرکاء سے خطاب کرتے ہوئے کیا۔ سیمینار کی صدارت کے فرائض ڈین فیکلٹی برائے سوشل سائنسز ڈاکٹر فوزیہ مقصود نے سر انجام دئیے جبکہ شعبہ ٔ سوشیالوجی کے فیکلٹی ممبران نسیم احمد اور انیلہ ارم نے بالترتیب سوئٹرز لینڈ میں خواتین کے حقوق میں بے جا تاخیر و پاکستانی معاشرہ کے لئے آگاہی اور گجرات شہر کے حوالہ سے بے اولاد عورتوں کی سماجی امداد اور نفسیاتی جائزہ کے عنوانات کے تحت پُرمغز مقالہ جات پیش کئے۔ ڈاکٹر فوزیہ مقصود نے اپنے خطاب میں کہا کہ پاکستان ایک ترقی پذیر ملک ہے اور ہم اپنی نصف سے زیادہ آبادی کو ان کے جائز حقوق سے محروم کرکے ترقی کے اعلیٰ اہداف کو کبھی بھی چھونے کے قابل نہیں ہو سکتے۔ عورتوں کو انکے جائز انسانی حقوق سے آشنا کرنا اور انہیں مختلف سطحوں پر آزادی دینے کا ہر گز مطلب یہ نہیں کہ ہم مغرب کی طرح مادر پدر آزادی کی جانب جا رہے ہیں بلکہ اصلاً اسکی ترجمانی یہ ہے کہ پاکستان کی معاشرتی حدود میں رہتے ہوئے ہم ان کو ظلم و تشدد کا نشانہ بنانے سے اجتناب برتیں اور انہیں ملک کی معاشری، اقتصادی، معاشرتی اور سیاسی جدوجہد کا حصہ بنائیں۔ جامعہ گجرات اس سلسلہ میں کئی مثبت سماجی تبدیلیوں کے فروغ کا ایک حصہ ہے۔ جامعہ گجرات نے ہی پاکستان میں سب سے پہلے عورتوں پر ظلم و تشدد کے خلاف ایک سنٹر قائم کرنے کی تجویز پیش کی تھی اور عورتوں کے خلاف ظلم و بربریت پر عوامی رائے عامہ کو بیدار کرنے کے لیے سماجی حلقوں کو شمولیت کے لیے تیار کیا تھا۔ شعبۂ سوشیالوجی کے استاد ٹیپو سلطان نے اس موقع پر شاعری کے حوالہ سے اپنا نکتہ نظر پیش کرتے ہوئے شرکاء کو نظم سنائی۔ شعبہ ہی کے استاد محمد عمر نے نظامت کے فرائض سرانجام دیتے ہوئے شرکاء کو عالمی جدوجہد برائے حقوق خواتین کے حوالہ سے آگاہی بخشی۔ حکومت پنجاب کی جانب سے حال ہی میں منظو ر ہونے والے تحفظ حقوق نسواں قانون2015ء کے حوالہ سے شرکاء نے ایک مفید بحث میں حصہ لیتے ہوئے اسے معاشرتی و سماجی ترقی کا ایک اہم پیش خیمہ قرار دیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات (جی پی آئی) پاکستان مسلم لیگ ن کے نوجوان راہنما یوتھ کونسلر یوسی 12شیخ سلیمان اقبال نے ڈھکی کے علاقہ کا دوراہ کیا اور عوامی درپیش مسائل پر بات چیت کرتے ہوئے کہاکہ ڈھکی کے علاقہ کے پانی کا مسئلہ دو تین دن میںحل ہوں جائے گا اور بہت جلد علاقہ کا درپیش پانی کا مسئلہ ہمیشہ ہمیشہ کیلئے ختم ہوجائے گا۔انہوں نے کہاکہ حاجی ناصر محمود کی قیادت میںاوروائس چیئرمین یوسی 12باسط بشارت راٹھور کی زیر نگرانی ن لیگ قیادت بہت ہی تیزی کے ساتھ پانی کے مسئلہ پر کام کر رہی ہے تاکہ جتنی جلدی ہوسکے علاقہ کی عوام کو پانی مل سکے انہوں نے مزید کہاکہ جو لوگ عوامی مسئلہ کو لیکر اپنی سیاست چمکانے میںلگے ہوئے ہیںاور ن لیگ کے خلاف علاقہ کی عوام کوبھکاوئیںمیں لا رہئے وہ کبھی بھی اپنے ناپاک مقصد میں کامیاب نہیںہوگئی ن لیگ ایک عوامی جماعت ہے جو کاغذی نہیںبلکہ عملی کام کر کے دیکھاتی ہیںجس کی وجہ سے مخالفین بکھلاہٹ کا شکارہے اور عوامی مسائل کے حل کی بجائیے انہیںمزید خراب کر رہئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)صاف پانی پراجیکٹ موجز فاونڈیشن کے ممبران کا ڈیرہ چوہدری عبدالمالک کوٹلہ ارب علی خان کا دورہ پنجاب صاف پانی پراجیکٹ کے بارے میں چوہدری آصف رضا کو بریفنگ دی پنجاب صاف پانی پراجیکٹ کے تحت حلقہ این اے 107کی تحصیل کھاریاں اور سرائے عالمگیرکے تمام موضعات میں پینے کا صاف پانی مہیا کیا جائے گا صاف پانی پراجیکٹ کی فزیبلٹی کیلئے ڈیرہ چوہدری عبدالمالک کوٹلہ ارب علی خان پر تحصیل کھاریاں کی 22کونسلز کے چیئرمین کا اجلاس طلب کر لیا گیا جس میں موجز فاونڈیشن کے ممبران تحصیل کھاریاںمیں صاف پانی پراجیکٹ کی فراہمی کے بارے میں تمام چیئرمین یونین کونسلز کو بریفنگ دے گے اور تمام یونین کونسلز کے موضعات میں پانی فراہم کرنے کا لائحہ عمل بنائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی) TMA ہال کھاریاں میں اینٹی ڈینگی واک مہم کا آغاز ہوا اس سلسلہ میں باقاعدہ پروگرام منعقد کیا گیا جس کی صدارت اے سی کھاریاں میاں اقبال مظہر نے کی اس کے علاوہ محکمہ صحت کے ڈپٹی ڈسٹرکٹ آفیسر ڈاکٹر سید محمد علی شاہ، ٹی ایم اے ملک شفقت، حاجی محمد اسلم خان (ن لیگ)، ظفر مجید بٹ جنرل کونسلر سمیت شہر کی دیگر قد آور شخصیات نے شرکت کی۔ واک کا آغاز TMA ہال کھاریاں سے ہوا جبکہ اس کا اختتام آزادی چوک گلیانہ روڈ پر ہوا۔ اختتام کے موقع پر نیوٹریشن سپروائزر نعیم مشتاق نے لوگوں کو ڈینگی سے بچائو کے حوالے سے لیکچر دیا اس مہم میں 1122 کا سکاٹ، تھانہ صدر کھاریاں کے ایس ایچ او چوہدری شہباز ہنجرا بمعہ ٹیم سیاسی و سماجی شخصیات نے بھرپور شرکت کی نمایاںش رکاء میں عبدالقیوم بھٹی، راجہ شہزاد، چوہدری ارشد راشہ، عثمان اکبر عباسی، ماجد خان، نصراللہ چوہدری، بشارت سیالوی، چوہدری شوکت محمود، منیر سیٹھی، میاں صفدر، اظہر محمود کریانہ سٹور، اشفاق چاڑ، جاوید بٹ، چوہدری بشیر، آفتاب نذر، چوہدری خالد، مرید حسین جعفری کے علاوہ بے شمار سیاسی و سماجی و دینی شخصیات نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)کھاریاں شہر کی ممتاز دینی و مذہبی و روحانی شخصیت حضرت علامہ مولانا مفتی محمد جلال الدین قادری کا سالانہ عرس مبارک مورخہ13مارچ بروز اتوار کھاریاں میں منعقد ہوگا سالانہ عرس مبارک میں پاکستان بھر سے ممتاز مذہبی شخصیات شرکت کریں گی شرکت کرنے والوں میں شیخ الحدیث و تفسیر استاذالاساتذہ حافظ عبدالستار سعیدی جامعہ نظامیہ رضویہ لاہور، مفتی محمد اشرف القادری آف مراڑیاں شریف، مولانا نظام الدین جامی خطیب اعظم عارف والا کے علاوہ ملک بھر سے علماء کرام، مشائخ، اساتذہ، وکلائ، ڈاکٹرز کے علاوہ تمام مکاتب فکر سے تعلق رکھنے والی شخصیات شرکت کریں گی مولانا مفتی محمد جلال الدین قادری کی اسلام کے لئے بے شمار خدمات ہیں جن کی وجہ سے ان کو پورے ملک میں جانا پہچانا جاتا ہے خاص طور پر ”احکام القرآن” ”آل انڈیا سنی کانفرنس”کے علاوہ درجنوں کتب اہم ہیں مولانا مفتی محمد جلال الدین قادری مذہبی حلقوں میں اپنے دینی لگائو کی وجہ سے خاص انفرادیت رکھتے تھے آپ حضرت شیخ الحدیث مولانا سردار احمد آف فیصل آباد کے خاص شاگردوں میں شمار ہوتے تھے آپ عرصہ چالیس سال تک درس و تدریس کے شعبہ سے وابستہ رہے اور کئی دلوں میں عشق مصطفیۖ کی شمع جلائی آخر ایام میں بھی شدید علالت کے باوجود دینی خدمت کا مشن جاری رکھا ان کی جلائی ہوئی مشعلیں آج بھی ملک کے طول و عرض میں دین کی خدمت میں مصروف عمل ہیں ان کا لگایا ہوا پودا جامعہ اسلامیہ آج بھی سینکڑوں افراد میں علم کی شمع جلانے میں مصروف ہے اور آپ کے مشن کی تکمیل میں مصروف عمل ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)18مارچ اور20مارچ کے دو روزہ فری آئی کیمپ کے انتظامات مکمل کر لئے ہیں سینکڑوں مریض فائدہ حاصل کریں گے۔ 18 مارچ کو اتفاق پیٹرولیم8آرڈی رسول بیراج منڈی بہائوالدین جبکہ 20مارچ کو گورنمنٹ بوائز پرائمری سکول ڈوگہ میں کیمپ لگائے جائیں گے ان خیالات کا اظہار ممتاز سماجی شخصیت ملک محمد اکرام اعوان ڈوگہ بانی کیمپ نے کیا۔ انہوں نے کہا کہ ماہر ڈاکٹر خدمات سرانجام دیں گے۔ مریضوں کا مفت معائنہ، ادویات، عینکیں اور آپریشن کے ذریعے لینز بھی لگائیں گے انہوں نے کہا کہ عرصہ دراز سے ہرسال ذاتی گرہ سے خرچ کر کے دکھی انسانیت کی خدمت کر رہا ہوں۔ انشاء اللہ میں اپنی ساری زندگی اور میری آنے والی نسلیں بھی یہ کام جاری رکھیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(تنویر نقوی سے)اے سی کھاریاں میاں اقبال مظہر نے کارروائی کرتے ہوئے گلیانہ روڈ کھاریاں پر گجرات گیس ایجنسی کو ڈیلر شپ نہ ہونے اور آگ بجھانے کے مناسب بندوبست نہ ہونے پر سیل کر دیا۔ صفائی کے ناقص انتظامات پر فرخ بیکری اور خان سموسہ شاپ لالہ موسیٰ بھی سیل جبکہ محکمہ ریونیو کے افسران اور محکمہ ہیلتھ کے افسران کے ہمراہ ٹراما سنٹر لالہ موسیٰ میں کینسر شعبہ کے لئے جگہ بھی منتخب کی جس پر جلد کام شروع ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں (جی پی آئی)PTI کی مقبولیت میں اضافے سے حکمرانوں کی نیندیں حرام ہو چکی ہیں اور آنے والے ضمنی اور آزاد کشمیر کے الیکشن میں انہیں اپنی واضح شکست نظر آ رہی ہے جس کی وجہ سے یہ بوکھلاہٹ کا شکار ہو چکی ہیں ان خیالات کا اظہار راہنما PTI سابق امیدوار وائس چیئرمین یوسی کونسل ڈوگہ ملک فیاض اعوان لہڑی نے کیا۔ انہوں نے کہا کہ کرپشن مافیا حکومت کر رہا ہے جس نے ملک کو کھوکھلا کر کے رکھ دیا ہے عوام کو مزید قرضوں کے بوجھ تلے دبایا جا رہا ہے عمران خان ہی اسوقت وہ واحد امید کی کرن ہیں جو کہ ملک و قوم کو ان کرپٹ اور تاجر حکمرانوں کے چنگل سے آزاد کرائیں گے انہوں نے کہا کہ PTI کی دن بدن بڑھتی ہوئی مقبولیت سے حکمران خائف ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) کنونیئرپنجاب پاکستان تحریک انصاف چوہدری محمدسرورنے کہا ہے کہ محمداحمدچٹھہ کی این اے101میںکامیابی سنٹرل پنجاب میںپی ٹی آئی کی کامیابی بارش کاپہلاقطرہ ہوگی۔موجودہ حکمران 35سالوںمیںعوام کے بنیادی مسائل حل کرنے میںناکام رہے۔ملک کے پانچ فیصدلوگ ملکی وسائل پرقابض ہیں۔مختلف حیلوںبہانوںکے گٹھ جوڑسے پسے ہوئے طبقے پرحکمرانی کررہے ہیں۔صاف پانی نہ ملنے کی وجہ سے روزانہ 4ہزارافرادہیپاٹائٹس جیسے مرض میںمبتلا ہورہے ہیں۔وہ بھٹہ پیلس میں وزیرآبادبارکے وکلاء کے مشاورتی اجلاس سے خطاب کررہے تھے۔اس موقع پرایس اے حمید،حاجی محمدرفیق بھٹہ،وکلاء راجہ عثمان اللہ خان ،میاں صلا ح الدین قیصر ،محمداسلم سپال ،شیخ بلال احمد،خرم مختارچیمہ ،راشد رفیق بھٹہ ودیگربھی موجودتھے۔انہوںنے کہا کہوکلاء نے ججز بحالی تحریک میں انصاف کے بول بالا کے لئے جوجدوجہدکی اس کی مثال نہیںملتی اگرکسی الیکشن میںتمام کوشش کے باوجودالیکشن والے دن سستی کردی جائے توتمام جدوجہدبے فائدہ ہوجاتی ہے۔لہذاء این اے101میں22مارچ کوہونے والے ضمنی الیکشن میںوکلاء محمداحمدچٹھہ کاہراول دستہ بن کرپولنگ اسٹیشنوںپرموجودرہیں۔جہاںقانون کی پاسدارہونگے۔وہاںکوئی دھاندلی،غیرقانونی کام نہیںہوسکے گاکیونکہ این اے101میںمحمداحمدچٹھہ کی کامیابی نہیںبلکہ پورے پاکستان کے عوام کی کامیابی ہوگی۔اس کامیابی سے پورے ملک کی عوام کی احساس محرومی کے خاتمہ میںمددملے گی اورحکمرانوںکے رخصتی تابوت میںپہلی کیل ثابت ہوگا۔چوہدری محمدسرور نے کہا کہ لہذاء 22مارچ کوپی ٹی آئی کے امیدوارمحمداحمدچٹھہ کوبھاری اکثریت سے کامیاب کروائیںاورحکمرانوںکے شکنجے سے مظلوم عوام کوآزادکروائیں۔انشاء اللہ پی ٹی آئی کی حکومت میںپٹواری،تھانہ کلچرمیںتبدیلی لائینگے کرپشن کرنے والااہلکارمعطل ہی نہیںبلکہ نوکری سے فارغ ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) صحت وتندرستی کی بحالی میںہومیوپیتھک معالج اہم کرداراداکررہے ہیں۔پیچیدہ اور آپریشن طلب علاج میںہومیوپیتھک کاکردارمثالی ہے۔ہومیو پیتھک علا ج کی افادیت کاہرفردمعترف ہے۔اس بالمثل علا ج کے فروغ کے لئے حکومتی سطح پرمذیداقدامات اٹھا نے ہونگے تاکہ زیادہ سے زیادہ افراداس علا ج سے مستفید ہوسکیں۔ان خیالات کا اظہارہومیوڈاکٹرسیدرضا سلطان نے شاہی ہومیوکلینک پرپی ایچ ایم اے کے ماہانہ اجلاس میںہومیوڈاکٹرزطاہر حسین زیدی،عادل شیراز،سیدشبیہہ الحسن،سیدہ نسیم فاطمہ،حسیبہ غوری،فریدہ منظور،سید علی رضا،ناصر محمود،حسنین شاہ بخاری،رانا عبد الرشید،محمدمقصودعطاری،محمدجمیل چشتی،علی ریاض ملک ودیگرسے خطاب میںکیا۔انہوںنے کہا کہ ایک ہومیو معالج مسیحا بن کرجس طرح ہومیوعلا ج سے ہرخاص وعام کومستفیدکررہا ہے اس کی واضح مثال لوگوںکاہومیوعلا ج کی طرف راغب ہونا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) چکیہ ستیہ میںآوارہ کتوںکی بھرمار۔بچوںکاگھروںسے باہر نکلنابھی والدین نے بندکردیا۔تفصیلات کے مطابق موضع چک ستیہ میںآوارہ کتوںنے اہل دیہہ کاجیناحرام کردیا۔قبرستان میںبچوںکی قبرسے نعش نکال کرکھا جانااورگلیوں،محلوںمیںبچوںپرحملہ کرکے زخمی کردیتے ہیں۔اہل علا قہ نے اربا ب اختیارمطالبہ کیا ہے کہ آوارہ کتوںکوتلف کرکے ہماری جان بچا ئی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) شیعہ علما کونسل پنجاب اور اسلامی تحریک کے صوبائی صدر علامہ سبطین حیدر سبزواری نے کہا ہے کہ قائد ملت جعفریہ علامہ سید ساجد علی نقوی نے اتحاد و وحدت اور تشیع کے حقوق کی بے مثال جدوجہد کی ہے ۔سیاسی اور جمہوری نظام کی مضبوطی کے لئے تحریک جعفریہ کا کردار مسخ کرنے کی سازشوں کا مقابلہ کیا۔ کارکنوں سے گفتگو کرتے ہوئے علامہ سبطین سبزواری نے کہا کہ شیعہ علما کونسل اور علامہ ساجد علی نقوی کی قیادت سید محمد دہلوی، علامہ مفتی جعفرحسین مرحوم اورشہید علامہ سید عارف حسین الحسینی کی بابصیرت قیادت کا تسلسل ہے، ان کی قیادت پرحرف زنی کرنے والے آسمان کی طرف منہ کرکے تھوک رہے ہیں۔ انہوں نے کہا کہ سیاسی جماعتوں کا کوئی اتحاد علامہ ساجد علی نقوی کی موجودگی کے بغیر مکمل نہیں ہوسکتا۔کچھ لوگوں نے سیاست میں خود کو نمایاں کرنے کی کوشش کی، مگر ناکام رہے۔ ان کا کہنا تھاکہ ماضی میں چند افراد کے ایک گروہ نے اکٹھے ہوکر قیادت کے خلاف منفی پراپیگنڈا کیا مگر انہیں ناکامی ہوئی بلکہ وہ خود دوسروں کے دست نگر ہوگئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) مسلم لیگ (ن) کے مرکزی رہنما و ممبر قومی اسمبلی حمزہ شہبازسے این اے 153کی جوئیہ برادری کے سربراہ ملک لعل محمد جوئیہ نے ملاقات کی اور اپنے ساتھیوں سمیت پاکستان مسلم لیگ (ن) میں شمولیت کا اعلان کیا ـ این اے 153 کے صوبائی حلقے پی پی 203 سے تحریک انصاف کے ٹکٹ ہولڈر ایوب گولو نے بھی حمزہ شہباز سے علیحدہ ملاقات میں وزیر اعظم میاں محمد نواز شریف اور وزیر اعلی محمد شہباز شریف کی قیادت پر بھر پور اعتماد کا اظہار کرتے ہوئے تمام ساتھیوں سمیت مسلم لیگ (ن)شامل ہونے کا اعلان کیاـ دونوں رہنماؤں نے این اے 153 کے ضمنی الیکشن میں پاکستان مسلم لیگ (ن) کے امیدوار رانا قاسم نون کی غیر مشروط حمایت کرنے اور ان کی انتخابی مہم میں بھر پور طریقے سے شامل ہونے کا یقین دلایا ـ اس موقع پر گفتگو کرتے ہوئے حمزہ شہباز نے کہا کہ موجودہ قومی قیادت نے ملکی ترقی و خوشحالی کا واضح روڈ میپ وضع کر دیا ہے جس پر دن رات تیزی سے کام جاری ہے ـپاکستان کے عوام کو ان کی بنیادی ضروریات فراہم کرنا موجودہ حکومت کی اولین ترجیح ہے ـانہوں نے کہا کہ وفاقی اور پنجاب حکومت عوام سے کئے گئے وعدوں کو عملی جامہ پہنانے کے لئے نیک نیتی کے ساتھ کاوشیں کر رہی ہے ـ انشا ء اللہ 2018 سے پہلے ہی ہم اپنے اہداف حاصل کر لیں گے ـ حمزہ شہباز نے ملک لعل محمد جوئیہ اور ایوب گولوکی مسلم لیگ (ن) میں شمولیت کو خوش آئندہ قرار دیتے ہوئے کہا کہ آج ملک و قوم کی تعمیر و ترقی ہم سب کی اولین ترجیح ہے انشا ء اللہ وطن عزیز کو مسائل کے گرداب سے نکالنے اور صحیح معنوں میں ترقی یافتہ ملکوں کی صف میں شامل کرنے کے لئے ہر پاکستانی اپنا کردار ادا کرے گاـ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) پاکستان علماء کونسل آج مورخہ 11 مارچ 2016ء کو مولانا عبد الحمید صابری پر حملے کے خلاف یوم مذمت منائے گی اور وفاق المساجد پاکستان سے متصل 74000 سے زائد مساجد میں مولانا عبد الحمید صابری پر حملے کے خلاف مذمتی قراردادیں پاس کرے گی ۔ مولانا عبد الحمید صابری پر حملہ ناقابل قبول ہے ۔ پاکستان علماء کونسل اپنی جدوجہد جاری رکھی گی ۔پاکستان علماء کونسل کو خوف میں مبتلا کر کے انتہاء پسندی ، دہشت گردی اور فرقہ وارانہ تشدد کے خلاف جدوجہد سے نہیں روکا جا سکتا۔حکومت علماء ، آئمہ مساجد کو تحفظ فراہم کرے ۔ یہ بات پاکستان علماء کونسل کے مرکزی چیئرمین حافظ محمد طاہر محمود اشرفی نے اسلام آباد میں مختلف مکاتب فکر کے علماء کے وفود سے بات کرتے ہوئے کہی۔ اس موقع پر مولانا ایوب صفدر ، مولاناعبد الحمید صابری، مولانا شفیع قاسمی ، مولانا نعمان حاشر، قاری طاہر عقیل ، مولانا عبدالقیوم ، مولانا محمد مشتاق لاہوری، قاری محمد اسلم، مولانا انوارالحق مجاہد، مولانا محمد امجد اور دیگر بھی موجود تھے۔حافظ محمد طاہر محمود اشرفی نے کہا کہ انتطامیہ کو بار بار آگاہ کیا گیا تھا کہ مولانا عبد الحمید صابری کو دھمکیاں دی جا رہی ہیں لیکن اس کے باوجود مولانا کو تحفظ فراہم نہیں کیا گیا بلکہ وزیر داخلہ کے حکم پر مولانا کا گن مین واپس لے لیا گیاجس کے نتیجے میں مولانا پر حملہ ہوا۔آئندہ کسی بھی مذہبی رہنما پر حملہ ہوا تو حکومت کے خلاف ایف آئی آر کٹوائیں گے ۔ وزیر اعظم پاکستان سے اپیل کرتا ہوں کہ وہ اسلام آباد میں علماء پر ہونے والے حملوں پر ایکشن لیں۔ حافظ محمد طاہر محموداشرفی نے کہا کہ انتہاء پسندی ، دہشت گردی کے خلاف پاکستان علماء کونسل حکومت کے ساتھ ہر سطح پر تعاون کر رہی ہے لیکن اس کے نتیجے میں پاکستان علماء کونسل کے قائدین پر حملے اور حکومت کی طرف سے تحفظ فراہم نہ کرنا انتہائی افسوسناک بات ہے ۔ انہوں نے کہا کہ پاکستان علماء کونسل ملکی مسائل پر اپنا ایک مؤقف رکھتی ہے اور ہمیں ہمارے مؤقف سے کوئی قوت خوف و ہراس میں مبتلا کر کے نہیں روک سکتی۔انہوں نے کہا کہ اگر حکومت نے مولانا عبد الحمید صابری پر حملہ کرنے والے مجرموں کو گرفتار نہ کیا اور اس میں کوتاہی کی تو13 مارچ کو آئندہ کے لائحہ عمل کا اعلان کریں گے۔انہوں نے کہا کہ بعض قوتیں حکومت اور مذہبی طاقتوں کے درمیان تصادم چاہتی ہیں۔حکومت کو اس طرف توجہ دینی چاہیے اور اس معاملے کے حل کیلئے اپنی کوشش کرنی چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی) جمعیت علما پاکستان کے زیر اہتمام دفاع ناموس مصطفی تحریک کا آغاز 13۔ مارچ سے ہو رہا ہے، جس کے تحت چاروں صوبوںمیں سیمینارز اور کانفرنسوں کا اہتمام کیا جارہا ہے۔ یہ تحریک حکومت پر مختلف این جی اوز اور یورپی ممالک کے تحفظ ناموس رسالت قانون میں تبدیلی کے لئے مبینہ دباو کو مسترد کرنے اور عوامی رابطہ مہم کے لئے ہے۔ اس حوالے سے بلوچستان سے پہلی دفاع ناموس مصطفی کانفرنس کا اہتمام 13۔ مارچ کواوستہ محمد سے کیا جارہا ہے۔کانفرنس کی صدارت جمعیت علما پاکستان کے مرکزی صدر پیر اعجاز احمد ہاشمی کریں گے، جبکہ دیگر مقررین میں صاحبزادہ شاہ اویس نورانی، مولانا عبدالمجید جتک، عرفان شاہ مشہدی، پیر عبدالخالق،قاری زوار بہادراور دیگر رہنما بھی خطاب کریں گے۔ میڈیا سے گفتگو میں پیر اعجاز احمد ہاشمی کا کہنا تھا کہ امریکی، یہودی اور قادیانی لابی شیطانی قوتیں ہیں، جن کی خواہش اور سازش ہے کہ ناموس رسالت قانون میں تبدیلی کرلی جائے، جس کی کسی صورت اجازت نہیں دی جائے گی۔ ان کا کہنا تھاکہ ا س قانون کا غلط استعمال ہورہا ہے تو پولیس اسے روکے قانون کی کسی شق میں کوئی تبدیلی نہیں کرنے دیں گے۔انہوں نے کہا کہ ناموس رسالت پر کئی غازی علم دین اور ممتا ز قادری کٹ مرنے کو تیار ہیں۔ ختم نبوت ہمارے ایمان کا حصہ ہے ، جس پر تمام مکاتب فکر کا اتفا ق ہے، قادیانیوں کو غیر مسلم قراردلوانے میں شیعہ سنی، اہل حدیث اور دیوبندی سب کا کردار بھی ہے اور اتفاق بھی۔ اس پر بات ہی نہیں ہوسکتی۔ مرزا غلام قادیانی کے خرافات سے دنیا آگاہ ہے۔ جن کے دہرانے سے زبان ناپاک ہوتی ہے۔ ایسی گستاخی بھی نہیں کرنی چاہیے۔ پیر اعجاز ہاشمی نے کہا کہ مذہبی قوتیں کسی حکومت کو ناموس رسالت قانون میںتبدیلی کی اجازت نہیں دی جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی) غازی اسلام غازی ممتاز حسین قادری رحمة اللہ علیہ کی شہادت قیامت تک تاریخ اسلام میں سنہری حروف بن کر چمکتی رہی گی ۔غازی ممتاز حسین قادری ملت اسلامیہ کی ہیرو ہیںجبکہ ان کوشہید کرنے والے زیرو۔تحفظ ناموس رسالت ۖ کی خاطر بندہ مومن اور عاشقِ رسول امین ۖ ہر قربانی دینے کو تیار ہے ۔عظمت رسول ۖ کی پاسبانی کے لئے مشائخ و علماء پر بھاری ذمہ داریاں عائد ہوتی ہیں۔اسی سلسلہ میں عالمی تنظیم اہلسنت غازی اسلام غازی ممتاز حسین قادری رحمة اللہ علیہ کو خراج تحسین پیش کرنے کیلئے مجاہد اہلسنت ، جرنیل اہلسنت علامہ پیر محمد افضل قادری کے زیر صدارت عظیم الشان شہید ناموس رسالت ۖکانفرنس کا انعقاد کرے گی۔ غلامانِ رسول ۖ ہر چیز برداشت کر سکتے ہیں مگر عظمت رسول ۖ و عظمت اہلبیت رسول اور امہات المومنین کی ناموس پر حملے نہیں برداشت کر سکتے ۔ گستاخی ٔ رسول ۖ کا دروازہ بند کر نے کے لئے تحفظ ناموس انبیاء کرام کا قانون عالمی سطح پر بنانا کی ضرورت ہے ۔ان خیالات کا اظہار مرکزی ناظم اعلیٰ عالمی تنظیم اہلسنت علامہ محمد ضیاء اللہ قادری نے قائد تحریک اویسیہ پاکستان علامہ پیر محمد تبسم بشیر اویسی سے شہید ناموس رسالت کانفرنس مراڑیاں شریف کی دعوتی مہم کے سلسلہ میں ملاقات کے دوران گفتگو کرتے ہوئے کیا ۔ اس موقعہ پر علامہ فیاض احمد فیاضی، علامہ مدثر حسین ،چوہدری محمد یعقوب اویسی ایڈووکیٹ ،قاری محمد ارشد اویسی اور حافظ سیف الرحمن اویسی بھی موجود تھے ۔ اس موقعہ پر علامہ پیر محمد تبسم بشیر اویسی نے کہا ناموس رسالت ۖ کا سب سے بڑا محافظ خود اللہ تعالیٰ ہے ۔ حضور اکرم ۖ کی رسالت کا بار بار قرآن کریم میں ذکر کرکے عظمت مصطفےٰ ۖ کو اور بلند کیا ۔ صحابہ کرام رضوان اللہ علیہم اجمعین نے تحفظ ناموس مصطفےٰ ۖ کی خاطر اپنی جانوں کے نذرانے پیش کئے ۔ نظام مصطفےٰ کا نفاذ اور مقام مصطفےٰ ۖ کا تحفظ ہمارا قومی، ملی، اخلاقی اور مذہبی فریضہ ہے ۔انہوں نے کہا کہ ملک پاکستان عاشقان رسول ۖ کی دھرتی ہے اور اس دھرتی میں ہم گستاخی رسول ہر گز برداشت نہیں کریں گے۔غازی ممتاز حسین قادری شہید کو ہم خراج تحسین پیش کرتے ہیں جنہوں نے تحفظ ناموس رسالت ۖ کے شجر کو اپنی شہادت سے آبیار کیا ۔ غلبۂ اسلام کے لئے تعظیم رسالت ۖ ضروری ہے۔ سوادِ اعظم ناجیہ جماعت ہے جو عظمت رسول ۖ کی پاسبانی کرتی رہے گی۔انہوں نے کہا تحفظ ناموس رسالت ۖ کیلئے ملت اسلامیہ کا ہر بچہ بچہ غازی ممتاز حسین قادری کی پیروی کرنے کو اپنے لئے ذریعہ نجات سمجھتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان (نیازی ) کے سربراہ قائد اہل سنت پیر سید معصوم حسین نقوی نے کہا ہے کہ مسلم لیگ ن کی حکومت دہشت گردوں کے سہولت کاروں کے دفاع میں اپنی آئینی ذمہ داریوں سے راہ فرار اختیار کر رہی ہے۔ اسلام آباد کے فسادی مولوی وفاقی وزیر داخلہ چودھری نثار علی خان اور وزیرتعلیم بلیغ الرحمان کے اتنے عزیز اورچہیتے ہیں کہ ان کی میڈیا پر چلنے والی نفرت آمیز وڈیوزنظر نہیں آرہیں اور اس کے لئے دونوں وزرا سینیٹ کے اجلاس میں مختلف حیلے بہانوں سے کام لے رہے ہیں تاکہ اسے قانون کے کٹہرے میں نہ لایا جاسکے۔ انہوںنے کہا کہ مسلم لیگ ن اور دہشت گردوں کے گٹھ جوڑ کے خلا ف پنجاب میں فوجی آپریشن ہونا چاہیے۔ یہاں داعش کے ریکروٹمنٹ سنٹرز کی نشاندہی کی گئی، اسلحہ پکڑا گیا، اس دہشت گرد گروہ کی منفی سرگرمیوں کو سکیورٹی کے ذمہ دار اداروں نے بے نقاب کیا پھر بھی انہیں تحفظ دیا جارہا ہے۔ ان کا کہناتھا کہ برقع پوش مولانا فسادی نے ایک مکتبہ فکر کو اپنی وڈیوز میں باقاعدہ طور پر دھمکیاں دی ہیں جبکہ ان کی اہلیہ ام حسان میڈیا اینکرز کو دھمکیا ں دیتی ہیں اور وڈیو لنک کے ذریعے داعش کے نام نہاد جعلی خلیفہ کو پاکستان آنے کی دعوت دی جاتی ہے، مگر وفاقی وزرا اسے تسلیم کرنے کو تیار نہیں۔ یہ رویہ ملکی سلامتی سے کھیلنے کے مترادف ہے۔ان کا کہنا تھا کہ میاں نواز شریف کو اپنی صفوں میں دہشت گردوں کی پشت پناہی کرنے والوں کا محاسبہ کرنا چاہیے اور انہیں تحقیقات کے لئے اداروں کے حوالے کرنا چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی (جی پی آئی) پاکستان تحریک انصاف کے رہنما حلیم عادل شیخ نے کہا ہے سندھ کے لوگوں کو اب جئے بھٹو کی بجائے جئے عمران خان کا نعرہ یاد ہے ، کراچی میں اصل تبدیلی تحریک انصاف لیکر آئے گی، ،رینجرزاور پولیس کی قربانیوں کی بدولت کراچی میں امن ہوا، ہم نے اس ملک کے لوگوں کاذہن بوسیدہ نظام سے چھٹکارے کے لیے تیار کیا ہے ۔اس بار انتخابات میں تمام قیاس آرئیاں دھری کی دھری کی رہ جائینگی کراچی سمیت ملک بھر میں تحریک انصاف کا امیدوار کامیاب ہوگا۔نواز لیگ اور پیپلزپارٹی جمہوریت کے نام پر ملکی وسائل پر قابض ہیںملک میں احتساب صرف غریبوں کا مقدر ہے حکمرانوں نے ایک دوسرے کو بچانے کے لیے ایکا کررکھا ہے ہم عوام سے وعدہ کرتے ہیں ملک میںبلاامتیاز احتساب کاخواب عمران پورا کرینگے۔موجودہ حکمرانوں کو ملکی سلامتی ہر صورت عزیزہونی چاہیئے مگر ان کا طرز سیاست لوٹ مار کی سیاست سے بڑھ کرنہیں ہے ۔ان لوگوں نے اپنے تمام تر اقدامات اور پالیسیوں سے قوم کو مایوس کیا ہے۔ محمد علی سوسائٹی میں قائم تحریک انصاف کے آفس سے جاری بیان میں انہوں نے کہا کہ ملک کی موجودہ صورتحال اب اس قدر خراب ہیں کہ عوامی جزبات اب موجودہ حکمرانوں کے خلاف بڑھک رہے ہیں،تحریک انصاف ہی لوگوں کی امیدوں کا مرکز اور امید کی آخری کرن بن چکی ہے ۔عوام میں اب جو شعور اجاگر ہورہاہے جو ملک کی تقدیر بدلنے کے لیے خوشی کی خبر ہے اس بار عوام ہرگز ایسے لوگوں کو ووٹ نہیں دینگے جو قتل وغارت گری کا شوق رکھنے والے یا ملک کے ادارے بیچنے والے ہیں۔انہوں نے مزید کہا کہ ہم نے سندھ بھر میں بھرپور انداز میں ممبر سازی کا عمل کیا ہے ہر جگہ ہمیں عوام نے بھرپور پزیرائی بخشی ہے سندھ کے لوگ اب پیپلزپارٹی کے سیاستدانوں سے چھٹکارے کا خواب دیکھ رہے ہیں انہیں پی ٹی آئی کی صورت میں متبادل جماعت مل چکی ہے جو سندھ کی ترقی اور خوشحالی پر یقین رکھتی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) حلقہ پی کے اسی سے مشترکہ ناظم کونسلر اتحادکے نومنتخب صدر سیداصف علی شاہ باچا نے کہاہے کہ ان کا مقصد علاقے کی ترقی اور عوام کی بھرپوراندازمیں خدمت کرنا ہے اور اس سلسلے میں تمام تر دستیاب وسائل اورصلاحیتیںبھروئے کار لائیںگے،ہماراہرقدم عوام کے مفادمیں اٹھے گاکیونکہ ہمیں اہل علاقہ کا مفادعزیزہے،میڈیا سے گفتگو کرتے ہوئے انہوںنے کہاکہ حلقہ پی کے اسی کے ناظمین اورکونسلروں نے صدارت جیسی اہم ذمہ داری دے کر مجھ پر جو اعتمادکیا ہے اسے ہرحال میں برقراررکھا جائے گا،انہوںنے کہاکہ ناظم کونسلر اتحادکے قیام کی ضرورت اس لئے محسوس ہوئی کہ ان منتخب بلدیاتی نمائندوں کو اختیار دلانے کیلئے اسی پلیٹ فارم سے مشترکہ جدوجہد کی جاسکے کیونکہ کئی ماہ گزرنے کے باوجود نہ تو ان نمائندوں کو کوئی اختیار ملا اور نہ ہی فنڈ دیاگیا حالانکہ اختیارات کی نچلی سطح پر منتقلی کا مقصد مقامی سطح پر عوامی مسائل کا حل ہے اور یہی جمہوریت کی پہلی سیڑھی بھی ہے مگر ابھی تک حکومت نے اپنے وعدے کے مطابق اختیارات نہیں دئے جس کے سبب منتخب بلدیاتی نمائندے عوام کیلئے کچھ نہیں کرسکتے جبکہ ان نمائندوں کو حکومت کی طرف سے سہولیات اورمراعات بھی میسر نہیں ،انہوںنے کہاکہ مشترکہ ناظم کونسلر اتحادکے پلیٹ فارم سے اختیارات کے حصول کیلئے عملی کوششیں کریںگے جس میں کامیابی کے بعدعلاقے کی تعمیر وترقی اور عوامی مسائل کے حل کیلئے کام شروع کریںگے تاہم اختیارات نہ ہونے کے باوجود بھی عوامی خدمت کررہے ہیں اوریہ سلسلہ اسی طرح جاری رکھا جائے گا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)سوات پولیس کیجانب سے ڈسٹرکٹ پولیس آفیسر محمد سلیم مروت نے 8پولیس سٹیشن کے حدود میں 48زلزلہ زدگان کے خاندانوں میں کمبل تقسیم کی ،ڈی پی او سوات محمد سلیم مروت نے متاثرین زلزلہ سے گفتگو کرتے ہوئے کہا کہ سوات پولیس زلزلہ زدگان کے ساتھ ہمدردی کیلئے ہمہ وقت تیار ہے، جبکہ پولیس متاثرین زلزلہ کیساتھ شانہ بشانہ کھڑے ہیں ،متاثرین زلزلہ کے سروے میں بھی پولیس نے اہم کردار اد کیا ،سوات بھر میں پولیس کا متاثرین زلزلہ کیساتھ تعائون جاری رہینگے ، پولیس کی ہر ممکن تعائون اپ لوگوں کیساتھ ہونگے ،سوات پولیس کے قربانیاں کسی سے پوشیدہ نہیں ،عوام بھی پولیس کیساتھ تعائون کریں ، اس موقع پر آر آئی غلام صادق ،ڈی ایس پی ہیڈ کوارٹر مذکرشاہ خا ن بھی موجود تھے ،ڈی پی او سوات نے تھانہ سیدو شریف 8،تھانہ شموزئی 10، تھانہ منگلور10 ،تھانہ کوکارئی10اورتھانہ شاہ ڈھیرئی کے حدود میں 10 زلزلہ سے متاثرہ خاندان میں کمبل تقسیم کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ایم وی ای محمد اکرام خان نے کہاہے کہ فٹنس سرٹیفیکیٹ فیس میں اضافہ ہم نے نہیں بلکہ صوبے کے طرف سے کیا گیا ہے ،مختلف افواہیں پھیلائی جارہی ہے کہ گاڑیوں کی پاسنگ پر پابندی عائد ہے جس کا حقیقت سے کوئی تعلق نہیں ،موٹروہیکل ڈپاٹمنٹ عوام کے خدمت کیلئے ہے جہاں عوام الناس کو عزت کے ساتھ خدمات فراہم کی جارہی ہے پھر بھی کسی کو شکایت ہو تو براہ راست دفتری اوقات میں مجھ سے رابطہ کرسکتے ہیں ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ فٹنس سرٹیفیکٹ فیس پہلے چھوٹی گاڑیوں کی 300روپے تھی جو کہ اب 1500روپے کردی گئی جبکہ سٹیکر کی فیس 150روپے مقرر ہے اور بڑی گاڑیوں کی فٹنس سرٹیفیکیٹ کی فیس پہلے 600روپے تھی جوکہ اب 3ہزار روپے کردی گئی ہے اور سٹیکر کی فیس 150روپے ہیں انہوںنے کہاکہ فیس بڑھانے یا کم کرنے ہمار ا کوئی تعلق نہیں یہ فیصلے صوبائی لیول پر کئے جاتے ہیں جس کے بعد ہمیں ارڈر موصول ہوتے ہیں جس پر ہم عمل درامد شروع کرتے ہیں انہوںنے کہا کہ بعض عناصر بغیر کسی تصدیق کے باتوں کو ہوا دیتے ہیں جو کہ نامناسب ہیں انہوںنے عوام کو مطلع کرتے ہوئے کہاہے کہ وہ دفتری اوقات میں فٹنس سرٹیفیکیٹ کے حصول کیلئے اسکتے ہیں اور کسی بھی شکایت کی صورت میں براہ راست مجھ سے مل سکتے ہیں۔
وزیرآباد کی خبریں 11/3/2016
جماعت اسلامی ضلع وسطی میں ”شان مصطفی” کی تیاریاں زور شور سے جاری
