کراچی (جیوڈیسک) شہر قائد میں ایم کیو ایم کی صفائی مہم کے چوتھے روز رنچھوڑ لائن میں میڈیا سے بات چیت کرتے ہوئے فاروق ستار کا کہنا تھا کہ کراچی میں پانی کی کمی سے فسادات پھوٹنے کا خدشہ ہے۔
ہم نے کراچی میں پانی کی منصفانہ تقسیم کو بھی یقینی بنانا ہے۔ کراچی والوں کو پانی کے نام پر لڑایا جا سکتا ہے۔ رضا ہارون کی مصطفیٰ کمال کے ساتھ شمولیت کے سوال پر انہوں نے کہا کہ قیاس آرائیوں میں نہیں جانا چاہئیے اللہ سب کو ہدایت دے۔ ان کا کہنا تھا کہ کراچی میں تمام اکائیوں کی یکجہتی لازم ہے۔
ٹیکس کوئی اور لے رہا ہے اور کام کوئی اور کر رہا ہے۔ انہوں نے کہا صفائی مہم کے تمام کام اپنی مدد آپ کے تحت کر رہے ہیں۔
عنقریب 25 فیصد سے بڑھا کر 50 فیصد کچرا اٹھانے کے قابل ہو جائیں گے۔ روزانہ 10 سے 15 یوسیز میں صفائی کر رہے ہیں۔
افسران قانون سے بالاتر ہیں تو دفاتر میں قومی پرچم کی جگہ داعش کا جھنڈا لگا لیں۔ سپریم کورٹ
زرداری، رحمن ملک کے ذریعے ’’معافی‘‘ مانگ رہے ہیں، شیخ رشید
