کراچی (جیوڈیسک) ایم کیو ایم کے رہنما واسع جلیل نے دعویٰ کیا ہے کہ رابطہ کمیٹی کے ڈپٹی کنوینر شاہد پاشا کو قانون نافذ کرنے والے ادارے نے حراست میں لے لیا۔
کراچی آج کل دعوؤں کی زد میں ہے، ان دعوؤں کو عام کرنے میں سماجی رابطوں کی سائٹ مرکزی کردار ادا کر رہی ہیں ۔ پلک جھپکتے ہی خبر جنگل کی آگ کی طرح پھیل جاتی ہے۔
متحدہ قومی موومنٹ کے رہنما واسع جلیل نے ایک ایسا ہی دعویٰ سماجی رابطے کی ویب سائٹ ٹویٹر پر کیا ہے۔ انہوں نے ٹوئٹ کرتے ہوئے لکھا ہے کہ ایم کیو ایم کی را بطہ کمیٹی کے ڈپٹی کنوینر شاہد پاشا کو قانون نافذ کرنے والے اداروں نے حراست میں لے لیا ہے۔
رہنما ایم کیو ایم واسع جلیل کا کہنا ہے کہ شاہد پاشا کو ان کی رہائش گاہ سے حراست میں لیا گیا۔
یوم پاکستان پریڈ کی فل ڈریس ریہرسل آج ہو گی، جڑواں شہروں میں موبائل سروس معطل
کراچی: کلفٹن میں غیر قانونی سائن بورڈز اور بِل بورڈز اتار لئے گئے
